SOLOMON HLA 1:12 - Lai (Hakha) Common Language Bible 2006

¹² Mangbawi doṭhiang cungpar ṭhu lio khi, Ka zihmui rim thaw hlei nih nang an zeel.

SOLOMON HLA 1:12 Iomraidhean Croise

SALM 45:1

Hi hla siangpahrang ka phuah ah hin, ka lungthin cu holh dawh in a khat; ka lei cu ca ṭial thiammi cafung bantuk a si.

SOLOMON HLA 1:11

Ngun hri tenhmi sui hlawn thil dawh cu, Nang caah hei ser u si.

SOLOMON HLA 7:5

Na lu nih cun Karmel tlang bangin cuang ai kaw, Na lu cung um na sawm-ai samthlai tiang zong nih sendung te bang ti ai hna, Mangbawi lung tiang hreng ai ci.

MATTHAI 22:11

“An sawmmi hna va zoh awkah khan siangpahrang cu a vung lut i nupi ṭhitnak puan aa aih lo mi pakhat a hmuh.

MATTHAI 22:4

Cun a sinum a dang kha a thlah ṭhan hna i, ‘Rawl danghnak cu timh a si dih cang. Ka cawtum hna le ka saṭil thauthau hna cu ka thah cang hna. Zeizong vialte timh a si dih ko. Cucaah khulrang in rawl danghnak ah cun ra cang u,’ nan va ti hna lai, tiah a ti hna.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

MARKA 14:3

Jesuh cu Bethani khua i Simon, thinghmuipa inn ah khan rawl a hrawng. Rawl an ei lioah khan minu pakhat a rung lut i lungrang thawl khat tein zihmui a ṭha bik phun kha a rak i put. Thawl kha a khuai i zihmui cu Jesuh lu ah khan a bungh.

JOHAN 12:3

Cun Mary nih a man a sung ngaingaimi zihmui phun ṭha ngaimi kha a rak i put i Jesuh ke ah khan a toih i a sam in a hnawh hna. Inn cu zihmui rim thaw cun a khat dih.

FILIPI 4:18

Cucaah hi ca kan kuatmi hna hi, bawmhnak nan ka kuatmi vialte ka hmuh dih hna tinak ca a si — kaa zat leng tiangin nan ka kuat. Epafroditas nih nan laksawng cu a rak ka phorh i ka herhmi vialte cu ka ngei dih ko cang. Hi nan laksawng hi Pathian nih a duh i a cohlanmi raithawinak, rimhmui pekchanhmi bantuk an si.

BIAPHUAN 3:20

Ngaihmanh! innka ah ka dir i ka kingh. Ahohmanh an si ah, ka aw a thei i innka a ka hunhmi cu, a inn chungah cun ka lut lai i a sinah rawl ka dum lai i amah zong ka sinah a dum ve lai.