SALM 99:1 - Lai (Hakha) Common Language Bible 2006

¹ Bawipa cu siangpahrang a si, mi vialte cu an ther dih; cherubim cung i a bawiṭhutdan cungah khan a ṭhu, vawlei cu aa hnin dih.

Laibaibal Thiang (BSI)

¹ BAWIPA nih a uk; mikip cu ther hna seh! Amah cu cherubim karlak ah a um, vulei hi i hnin seh.

SALM 99:1 Iomraidhean Croise

2 SAMUEL 6:2

Cun David cu a tho i a sinah a ummi vialte hna he khan, Pathian kuang, a cungah ralkapbu Bawipa min a cuang i cherubim cung i a ṭhumi kha, vung lak awkah Judah ram Baalah khua ah khan an vung kal.

1 CHANRELNAK 16:30

Vawlei vialte hna, amah hmaiah cun ther tuah u; Asi, vawlei cu fek tein a dir ko, aa hnin bal lai lo.

SALM 18:10

Cherubim kha aa cit hna i a rung zuang, thlitu kha a thla in aa cit i khulrang in a choi.

SALM 2:6

Aa thawh i, “Zion ka tlang thiang cungah ka siangpahrang cu ka chiah cang,” a ti.

SALM 80:1

Maw Israel Tuukhal, kan bia kan ngaihpiak tuah, Josef kha tuurun bantukin a hruaitu, kan thlacamnak kan theihpiak tuah. Cherubim cungah bawiṭhutdan cung i a ṭhumi,

SALM 80:2

na dawtnak cu kan cungah langhter ko; Efraim le Benjamin le Manasseh phun cungah langhter ko! Na ṭhawnnak cu kan hmuhter, ra law kan khamh tuah.

SALM 82:5

“Nan va hrut thiam dah, nan va fim lo thiam dah! Khuamui chungah nan um i vawlei cungah hin dinnak zeihmanh a um ti lo.

SALM 93:1

Bawipa cu siangpahrang a si! Rumra in aa thuam i a tai cu thazang in aa sawmh. Vawlei cu a umnak hmun ah khan fek tein a chiah i a hninh in hninh khawh a si lo.

SALM 96:10

Miphun vialte kha, “Bawipa cu siangpahrang a si, Vawlei cu a umnak hmun ah hninh khawh loin fek tein a bunh, mi vialte kha dinnak in bia a ceih hna lai,” tiah chim hna u.

SALM 96:9

A Thiang Mi cu a hung chuah tikah a hmaiah khan kun u; vawleicung mi vialte hna, a hmaiah cun a ther in ther u.

SALM 97:1

Bawipa cu siangpahrang a si, maw vawlei i lawm tuah! Rili chung i a ummi tikulh vialte hna, i lawm u!

SALM 97:4

A nimtlau nih vawlei kha a ceuh dih, vawlei nih cun a hmuh i a ther.

EXODUS 25:22

Cuka ah cun kan ton lai; Israel mi hna caah ka timi ka nawlbia vialte cu kuang chin cung le biakamnak kuang cung i a ummi cherubim pahnih hna karlak cun kan pek tawn lai.

ISAIAH 19:14

Lungthin an cheuh hna tikah an lung a tuaitam chin tu dingin Bawipa nih lungthin a cheutu cu a umter hna. Cucaah cun Izipt cu a tuahmi paoh ah khan a palh lengmang i amah luak lila i a nalmi zuri bantukin a sawn lengmang.

JEREMIAH 4:24

Tlang khi ka hei zoh hna i an sawn len ko, Mual vialte cu an i hnin dih.

JEREMIAH 49:21

Edom cu a tluk tikah a thawng a than tuk caah vawlei aa hnin lai i a ainak thawng cu Rili Sen tiangin a thang lai.

JEREMIAH 5:22

Nan ka ṭih lo maw? tiah Bawipa nih a ti; Ka hmaiah nan tha a ther lai lo maw? Rili caah thetse kha ramri ah a chia i A lonh khawh lo zungzalmi dawntu a caah a chiatu keimah hmaiah hin nan tha ther loin maw nan um ko lai? Rili tilet cu an tho ko lai, sihmanhsehlaw an lonh kho lo; Tilet cu an awn ko lai, sihmanhsehlaw an pah kho lo.

JEREMIAH 50:46

Babilon cu a tluk tikah a thawng a than tuk caah vawlei aa hnin i A ainak thawng cu miphun zakip sin tiang a thang.

EZEKIEL 43:7

A ka thawh i, “Mipa, ka bawiṭhutdan umnak hmun, ka ke chiahnak hmun, Israel mi sinah zungzal in ka umnak ding hmun khi na hmu maw? Annih nih siseh, an siangpahrang nih si hna seh, ka sinah zumhawktlak loin an umnak le an thih tikah an siangpahrang hna ruak in ka min thiang cu an thurhhnawmh ti lai lo.

LUKA 19:12

Cucaah a thawh hna i, “Bawi pakhat cu ram hlapi pakhat ah a kal i cuka ram i siangpahrang a si hnuah inn ah ra tlun ṭhan aa tim.

LUKA 19:14

A ram mi nih cun amah cu an huat i, ‘Hi pa hi kan siangpahrang si awkah kan duh lo,’ tiin lamkal a hnu in an hei thlah hna.

LUKA 19:27

Cun an siangpahrang si awkah a ka duh lotu ka ral hna kha cu, hika ah hin ratpi hna u law ka hmaiah that hna u, a ti,’ ” tiah a ti.

FILIPI 2:12

Cucaah ka dawtmi ka hawile hna, nan sin ka um i ka bia nan ngaih zungzal bantuk khan lamhlat i ka um zongah hin ka nawl ngai chinchin ko u ti kan duh hna. Nan khamhnak a tlin khawh nakhnga, ther le phang lengmang in ṭuan ko u.

BIAPHUAN 11:17

“A Lianngan Bik Bawipa Pathian, Nang cu atu i a ummi le hlan i a rak ummi na si. A liannganmi na ṭhawnnak kha na hman cang i Uknak hram naa thawk cang caah, Na cungah kan i lawm.

BIAPHUAN 20:11

Cun bawiṭhutdan raangpi le a cung i a ṭhumi kha ka hmuh hna. A cung i a ṭhumi hmaika cun vawlei le van kha an zaam i an um ti lo.

BIAPHUAN 6:14

Cazual an zual bantuk khin van cu a lo i tlang le tikulh vialte cu an umnak hmun in an ṭhial dih hna.