SALM 4:3 - Lai (Hakha) Common Language Bible 2006

³ Bawipa nih amah ta si awkah a ka thim i ka auh tikah a ka theih ti kha philh hlah u.

Laibaibal Thiang (BSI)

³ BAWIPA nih amah ṭihzahtu cu amah caah a thleidan ti hi hngal ko u. BAWIPA ka auh tikah aka ngaih lai.

SALM 4:3 Iomraidhean Croise

SALM 31:23

Nannih a mithiang vialte hna, Bawipa cu daw ko u! Bawipa nih zumhawktlakmi cu a huhphenh hna, sihmanhsehlaw miporhlaw cu fak piin dan a tat hna.

SALM 34:15

A dingmi cu Bawipa nih a zohkhenh hna i an aunak kha a theih;

SALM 49:3

Ahmaanmi khua ka ruat lai i a fimmi bia ka chim lai.

SALM 50:5

Aa thawh i, “Zumhawktlak a simi keimah sinah raithawinak in biakamnak a tuahmi ka mi hna kha ka sinah pum hna u,” a ti.

SALM 56:9

Nangmah kan auh ni ah ka ral cu an kir lai, mah hi fiang tein ka hngalh — Pathian cu keimah leiah a um.

SALM 6:8

Nannih ṭhat lonak a tuahmi hna, ka kaltak ko u, Bawipa nih ka ṭahnak kha a theih cang;

SALM 62:10

Zaangṭhawnnak le puarhrannak hi i bochan hlah u, mi thil chuh khawh hi i ruahchan hlah u; na rumnak hi karh lengmang hmanh seh law i bochan hlah.

EXODUS 33:16

A ngaingai ti ahcun, kan sin i na kal lo ahcun, na mi hna le keimah cungah Bawipa cu na lung a si ti kha mi nih zeiti hlei in dah an hngalh khawh lai? Nangmah nih na kan kalpi a si ahcun, na mi hna le keimah cu vawleicung midang vialte nakin na kan dawt khun a si lai,” a ti.

JOHAN 15:16

Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.

EFESA 2:10

Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si.

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

2 PETER 2:9

Cuticun Pathian nih harnak an inmi chungin Pathian a ṭihmi hna khamh cu a thiam i miṭhalo pawl cu Biaceih Ni tiang dantatnak tang i chiah cu a thiam.