SALM 127:2 - Lai (Hakha) Common Language Bible 2006

² Khuasak tintuknak caah fak tuk in rianṭuan le tuan tein thawh i tlaipi ah ih lengmang hi santlailo a si, zeicahtiah Bawipa nih a dawtmi cu, an i hngilh karah, an herhmi kha a pek ko hna.

Laibaibal Thiang (BSI)

² Zingka teah nan tho i zanlei pi ah nan tlung, zângba ngaiin nan ṭuan man nan eimi hi pakpalawng men a si; zeitintiah a dawtmi hna cu thaw tein a hngilhter hna.

SALM 127:2 Iomraidhean Croise

JOB 11:18

Cun ruahchannak a um caah hnangam tein na um lai Pathian nih an huhphenh lai i him tein naa din lai.

SALM 3:5

Bawipa nih a ka thlim i kaa hngilh, Bawipa nih a ka ven caah him tein kaa hlau ṭhan.

SALM 4:8

Hnangam tein ka it lai i kaa hngilh fawn lai, Bawipa, nangmah lawnglawng nih him tein na ka umter.

SALM 60:5

Na ṭhawnnak in kan khamh tuah; kan thlacamnak kha kan let tuah, cuticun na dawtmi hna hi kan luat kho lai.

PHUNGTHLÛKBIA 10:22

Bawipa thluachuahnak cu rumtertu a si i ngaihchiatnak zeihmanh a ratter chih hna lo.

PHUNGCHIMTU 1:14

Vawlei cung i an tuahmi thil vialte hi ka hmuh dih, an dihlak in pakpalawng men a si ko, thlitu dawi bantuk men khi an si ko.

PHUNGCHIMTU 4:8

Mipa pakhat cu amah lawng tein khua a sa. Fapa a ngei lo, unau zong a ngei lo, sihmanhsehlaw rian a ṭuan zungzal i a hmuhmi chawva kha zeitikhmanh ah kaa za cang ti a ngei kho lo. Aho ca ko ah hen cu ti lawmmam cun a ṭuan i a nuamh hmanh i nuam ngam lote in a um? Mah hihi pakpalawng a si fawn ko, aa nuam lo ngaimi minung a si ko.

PHUNGCHIMTU 5:12

Rian hrang a ṭuanmi cu ei awk a zaa a ngeih caan a um lai, a ngeih lo caan zong a um lai, sihmanhsehlaw zan tal ah ṭha tein aa hngilh; sihmanhsehlaw mirum cu tampi a ngei ko nain a lungretheihnak nih khan hngilh lo in a umter.

PHUNGCHIMTU 6:7

Mi nih heh tiah rian a ṭuan cu ei awk hmuhnak ding caah a si ko, sihmanhsehlaw kaa za cang ti cu a um kho hlei lo.

JEREMIAH 31:26

Cu tikah ka mi hna nih cun, ‘Kaa hngilh i ka thazang a tlung ṭhan,’ an ti lai.

EZEKIEL 34:25

Annih kha rumnak pek awkah anmah he biakamnak ka tuah lai; ram chungin sahrang kha ka ṭhawl dih hna lai i saṭil tlonnak hmun ah khan lungdai tein an um lai i tu chungah khan an it lai.