SALM 102:1 - Lai (Hakha) Common Language Bible 2006

¹ Maw Bawipa, ka thlacamnak cu ka ngaihpiak law nangmah bawmhnak hal ah ka aunak cu ka theihpiak ko.

Laibaibal Thiang (BSI)

¹ Maw BAWIPA, ka thlacamnâk ka ngaihpiak law, ka ṭahnâk hi na sinah phân seh.

SALM 102:1 Iomraidhean Croise

2 CHANRELNAK 30:27

Cun tlangbawi hna le Levi mi hna kha an dir i mi kha bongmal an sawmh hna i an aw cu theih a si i an thlacamnak cu vancung i a umnak hmunthiang kha a phan.

SALM 12:5

Bawipa nih aa thawh i, “Sifakmi cu an hrem hna i retheimi cu aihram lengmang in an tuah hna caah atu cu ka ra lai i an ngaihmi himnak cu ka pek hna lai,” a ti.

SALM 143:4

Cucaah ka celh ti lo i ka hnabei a dong.

SALM 143:7

Bawipa, atu ah ka let ko sawh, ruahchannak zeihmanh ka ngei ti lo! Ka thuh tak hlah, na ka thuh tak ahcun mithi khua i a vung kalmi bantuk ka si ko lai.

SALM 145:19

Amah a ṭihmi paoh cu an herhmi vialte kha a pek hna i an aunak kha a theih i a khamh hna.

SALM 18:6

Ka harnak chungin Bawipa cu ka auh; bawmhnak hal in ka Pathian cu ka auh. A biakinn chungin ka aw kha a theih, bawmhnak ka halnak ka aw cu a hna a phan.

SALM 39:12

Bawipa, ka thlacamnak cu ka theihpiak tuah, kan nawlnak cu ka ngaihpiak ko; nangmah kan auh tikah dai tein ka umtak hlah. Ka pupa vialte hna bantukin, kei cu caan tawite chung lawng na khualpa cu ka si ko.

SALM 42:4

Hlanlio kong kha ka ruah tikah ka lung a leng; Pathian inn i mi zapi he kan rak kal i kan kal tikah keimah i ka rak hrui hna i Pathian thangṭhat in lunglawm le thanuam in hla kan rak sak i kan rak au kha ka ruah tikah ka lung a leng hringhran.

SALM 5:2

Ka Siangpahrang le ka Pathian, ka thlacamnak hi ka ngaihpiak tuah. Bawipa nangmah sinah thla ka cam lai;

SALM 61:2

Inn in hlapi ah ka um i khuaruahhar vansang au in ka umnak hmun hin nangmah cu kan auh.

SALM 62:8

Ka mi hna, Pathian cu i bochan zungzal u! Amah cu kan himnak a si caah nan harnak vialte kha chim dih u.

SALM 77:3

Pathian kha ka ruat i ka hram, khua ka ruat i ka lung a dong. Selah

EXODUS 2:23

Caan saupi hnuah Izipt siangpahrang kha a hung thi. Israel mi cu an sal cannak ah khan an hrum an ai lengmang ko i bawmhnak hal in an ṭap. An ainak cu Pathian sin kha a phan i

ṬAHNAK HLA 3:44

Khuadawm pinah khin, kan thlacamnak nih a phak lengah khin naa thup;

ṬAHNAK HLA 3:8

Ka au i bawmhnak ka hal hmanh ah ka thlacam cu a ka ngai duh lo.

LUKA 22:44

Lungthin fak ngaingai in fak chinchin in thla a cam i a thlan cu vawlei ah thi dor bantukin a tla.)

HEBRU 5:7

Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.

BIACEIHTU 10:16

Cucaah annih sin i ramdang pathian hna kha an hlonh hna i Bawipa kha an biak; cun Israel mi hna retheihnak ruangah khan a thin a hung ngaingai.

1 SAMUEL 9:16

“Thaizing atu tik hrawngah hin, na sinah Benjamin peng i mipa pakhat ka rak thlah lai i amah cu ka mi Israel mi hna cung i bawi si awkah chiti na rak thuh lai. Amah nih ka mi hna cu Filistin mi kut chungin a khamh hna lai; zeitintiah an aunak kha ka sinah a phak cang caah ka mi hna nih hremnak an inmi cu ka hmuh cang,” tiah a ti.