RUTH 4:6 - Lai (Hakha) Common Language Bible 2006

⁶ Cun rualchan naihpa nih cun, “Keimah ro tu kha ka hrawh sual lai caah, keimah caah cun ka tlan kho lai lo. Keimah nih ka tlanh khawh lo caah nangmah tu nih tlan khotu ka sinak cu i lak ko,” tiah a ti.

RUTH 4:6 Iomraidhean Croise

GENESIS 38:8

Cucaah Judah nih Onan cu a thawh i, “Na u nupi rohmi kha va ihpi. Vale unau rian a simi na rian kha va tlinter law cuticun na u nih tefa a ngei kho lai,” a ti.

LEVITIKAS 25:25

“Nan unau a si a fah i a thilri a cheukhat cu a zuar ahcun, amah he aa naih bikmi a rualchan nih a ra lai i a unau nih a zuarmi cu a tlanh lai.

DEUTERONOMI 25:7

Cun mipa nih cun a unau nupi kha lak a duh lo ahcun, a unau nupi nih khan hauka ah upa hna sinah a hung kal lai i, ‘Ka va unau nih amah unau pa min Israel chungah nunter kha a duh lo; vale unau rian kha ka cungah tuah a duh lo,’ tiah a ti lai.

DEUTERONOMI 25:8

Cun a khuachung upa hna nih khan an kawh lai i an chimh lai. Asinain, ‘Amah cu lak ka duh lo,’ a ti ṭhiamṭhiam ko ahcun,

DEUTERONOMI 25:9

a unau nupi nih khan upa hna hmaiah cun a hun kalhnawh lai i, a ke i a kedan kha a phawih lai i a hmaiah a cil a chak lai, cun nu nih cun, ‘A unau inn a sa duh lomipa cungah cun hi bantukin si seh,’ tiin a chim lai.

RUTH 2:20

Cun Naomi nih a fapa nupi sinah cun, “A nungmi cungah siseh, a thimi cungah siseh, a zaangfahnak a ngol lomi Bawipa nih cun amah cu thluachuahnak pe ko seh!” tiah a ti. Cun Naomi nih a sinah, “Cu pa cu kan rualchan a si, kan sahlawh naih bik a si,” tiah a ti fawn.

RUTH 3:13

Tuzan cu hika ah um ko, thaizing ah amah nih nangmah caah aa naihmi rualchan nih tuah awk kha a tuah duh ahcun, a ṭha ko; tuah ko seh. Sihmanhsehlaw nangmah caah aa naihmi rualchan nih tuah awk kha a tuah duh lo ahcun, khi tikah, keimah nih, Bawipa a nun bangin, nangmah ca i aa naihmi rualchan nih tuah awk cu ka tuah lai. Zinglei tiangin it ko,” tiah a ti.

RUTH 3:9

Cun, “Ahodah na si?” tiah a ti i, “Na salnu Ruth ka si; ka rualchan naih na si caah na salnu hi na puan ka zawn tuah,” tiah a ti.