RUTH 2:4 - Lai (Hakha) Common Language Bible 2006

⁴ Cun zohhmanh, Boaz cu Bethlehem in a ra i rawlṭuantu hna sinah cun, “Bawipa cu nan sinah um ko seh,” tiah a ti. Cun annih nih, “Bawipa nih thluachuah in pe ko seh,” tiah an leh.

RUTH 2:4 Iomraidhean Croise

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

GENESIS 28:3

Lianngan Bik Pathian nih na nupi ṭhitnak ah cun thluachuah in pe seh law fa tam piin in pe seh law miphun tampi hna pa ah in ser seh.

1 CHANRELNAK 2:51

Bethlehem pa Salma, le Beth-gader pa Haref;

SALM 118:26

Bawipa min in a rami cu Pathian nih thluachuah a pek hna. Bawipa biakinn chungin kannih nih thluachuah kan rak in pek hna.

SALM 134:3

Van le vawlei a sertu Bawipa nih, Zion in thluachuah in pe ko hna seh.

JEREMIAH 31:23

Ralkapbu Bawipa, Israel Pathian nih hitin a ti: “Annih cu an ram ah ka kirter ṭhan hna tikah, Judah ram le a khua hna ah cun, ‘Bawipa nih Jerusalem tlang thiang a umnak hmun thiang cu, Thluachuahnak pe ko seh,’ tiah an ti ṭhan lai.

NAMBAR 6:24

Bawipa nih thluachuahnak in pe hna in, in zohkhenh ko hna seh;

LUKA 1:28

Vancungmi kha a sinah cun a ra i. “Na cungah daihnak um ko seh. Bawipa cu na sinah a um i thluachuahnak tam piin an pek,” tiah a ti.

2 THESALON 3:16

Daihnak hram a simi Bawipa nih lam phunphun in daihnak kha in pe ko hna seh. Bawipa cu nan dihlak sinah um ko seh.

1TIMOTE 6:2

Nan bawile cu a zummi an si ahcun, atu cu unau kan si cang sawk tiin nan serhsat hna lai lo. An rian kha ṭha chinchin tu in nan ṭuanpiak hna lai, zeicahtiah nan ṭuannak thawngin thil ṭha a hmumi hna cu, zumhnak le dawtnak ah nan u le nan nau an si.

2TIMOTE 4:22

Bawipa cu na thlarau sinah um ko seh. Nan dihlak sinah Pathian vel cu um ko seh.

JOSHUA 24:15

Cun Bawipa biak kha nan duh lo a si ahcun nihin ni ah hin nan biak ding cu i thim u; Tiva khattelei ral ram ah nan pupa hna nih an biakmi pathian hna maw, asiloah, an ram nan umnak a simi Amor mi pathian hna dah nan i thim lai; kei le kan innchungkhar tu nih cun Bawipa kha kan biak ko lai,” tiah a ti

BIACEIHTU 6:12

Cun Bawipa vancungmi cu a sinah a lang i a sinah, “Bawipa cu na sinah a um, nang a ṭhawng i ralṭha pa,” tiah a ti.

BIACEIHTU 6:16

Cun Bawipa nih a chawnh i, “Sihmanhsehlaw nangmah sinah ka um lai i Midian mi hna cu mi pakhat tluk ceu in na thah dih ko hna lai,” tiah a ti.

RUTH 2:3

Cucaah aa thawh i a kal i rawlṭuantu hna hnuah khan famua cu a va sua; cun Elimelek chung a simi Boaz ta a simi lo ah cun a va phan sual ai.

RUTH 2:5

Cun Boaz nih rawlṭuantu a zohtu hna a sinum sinah cun, “Mah hihi mizei ngaknu dah a si?” tiah a ti.

RUTH 4:11

Cun hauka ah a ummi vialte le upa hna nih khan, “Hngaltu kan si. Na inn chungah a ra ding minu cu, Rachel le Leah, Israel innchungkhar a dirhtu pahnih hna bantuk ah khan Bawipa nih ser ko seh. Efrathah ah hin khua awng tong law, Bethlehem ah na min thang ko seh;

1 SAMUEL 17:37

Cun David nih, “Chiandeih tin chung le vom tin chungin a ka chuahtu Bawipa nih hi Filistin mipa kut chung hin a ka chuah ko lai,” tiah a ti. Cun Saul nih David cu, “Va kal law, Bawipa cu na sinah um ko seh,” tiah a ti.