RUTH 2:2 - Lai (Hakha) Common Language Bible 2006

² Cun Moab minu Ruth nih cun Naomi cu a thawh i, “Lo ah va kal ning law a rak ka zaangfahtu paoh sinah famua ka va sua lai,” tiah a ti. Cun anih nih, “Va kal ko, ka fanu,” tiah a ti.

RUTH 2:2 Iomraidhean Croise

GENESIS 32:6

Lamkaltu kha Jakob sin i an ra kir tikah, “Na u Esau sinah cun kan va kal i asinain nangmah ton awkah khan a rak i thawh cang. Mi za li aa ratpi hna,” an ti.

LEVITIKAS 19:10

Nan mitsur dum kha nan thianh hirhiar lai lo, nan mitsur dum chung i a tlami mitsur thei zong kha nan char hna lai lo; misifak le mipem caah nan nganhtak hna lai: keimah cu Bawipa nan Pathian cu ka si.

LEVITIKAS 19:16

Na mi hna lakah mi kongthang ceih in vak len ko hlah, na innpa nunnak hrawh awkah dir hlah: keimah hi Bawipa cu ka si.

LEVITIKAS 19:9

“Nan lo rawl nan ṭuan tikah nan lo cu a pawngri tiang taktak in nan ṭuan lai lo, famua zong nan ṭuan hnuah nan sua lai lo.

LEVITIKAS 23:22

“Cun nan ram rawl nan ṭuan tikah nan lo cu a pawngri tiangin nan ṭuan lai lo, nan rawl ṭuan hnuah a mua zong nan sua lai lo; sifak le khual caah nan nganh hna lai: keimah cu Bawipa nan Pathian ka si,” tiah a ti.

RUTH 2:3

Cucaah aa thawh i a kal i rawlṭuantu hna hnuah khan famua cu a va sua; cun Elimelek chung a simi Boaz ta a simi lo ah cun a va phan sual ai.

RUTH 2:7

Amah nih hin, ‘Zaangfahnak tein, rawlṭuantu hna hnuah hin faphal lakah famua ka suatter law, ka pumhter ko,’ tiah a ti. Cucaah a ra i zingka tein atu tiang a ṭuan lengmang, tlawmte hmanh i din hin loin,” tiah a leh.

1 SAMUEL 1:18

Cun anih nih, “Na salnu nih na mit ah duhdawtnak hmu ko seh,” tiah a ti. Cun minu cu a kal i rawl kha a ei i ngaihchia mithmai a pu ti lo.