RUTH 2:13 - Lai (Hakha) Common Language Bible 2006

¹³ Cun anih nih, “Ka bawipa, ka cungah na ṭha hringhran ko, zeitintiah ka hna na ka ngamter i, na salnu si ve hmanh hlah ning law, na salnu sinah hin bia nemnem na chim,” tiah a ti.

RUTH 2:13 Iomraidhean Croise

GENESIS 32:6

Lamkaltu kha Jakob sin i an ra kir tikah, “Na u Esau sinah cun kan va kal i asinain nangmah ton awkah khan a rak i thawh cang. Mi za li aa ratpi hna,” an ti.

GENESIS 33:10

Jakob nih, “Cuticun si hin hlah seh. Na ka zaangfah a si ahcun kan pekmi laksawng cu ka cohlanpiak ko. Hi tlukin ka cung i na ṭhat caah na hmai hmuh hi ka caah Pathian hmai hmuh tluk a si.

GENESIS 33:15

Cun Esau nih, “Ka mi hi tlawmpal in kan chiahtak kun lai,” a ti. Sihmanhsehlaw Jakob nih, “Cucu na ka zaangfah caah a si taktak ko, bawipa, asinain a herhnak a um lai lo,” tiah a ti.

GENESIS 33:8

Cun Esau nih, “Bu dang ka tonmi hna kha tah? Zei sullam dah khakha a si?” a ti. Jakob nih, “Na ka zaangfah khawh nakhnga ca i ka rak thlahmi an si, bawipa,” tiah a leh.

GENESIS 34:3

A lungthin cu Jakob fanu Dinah cung lawngah cun a um i ngaknu cu a dawt i bia thlumthlum in a chawnh.

GENESIS 43:14

Lianngan Bik Pathian nih nannih cu in zaangfah hna seh law mipa nih cun nan unaupa kha le Benjamin cu ka sinah rak kirter hna seh. Ka fale nih nan ka thihtak a si ahcun thih tak pei dik a si ko lai,” a ti.

2 SAMUEL 16:4

Cun siangpahrang nih Ziba cu a thawh i, “Zohhmanh, Mefibosheth ta a simi vialte cu nangmah ta an si cang,” tiah a ti. Cun Ziba nih, “Upatnak kan pek; na mithmuh ah, siangpahrang ka bawipa, mithmai ṭha hmu ko ning,” tiah a ti.

PHUNGTHLÛKBIA 15:33

Bawipa ṭih hi fimnak ding caah cawnpiaknak a si, upatnak phaknak lam cu toidornak a si.

HOSEA 2:16

Khi ni ah cun, “Ka va,” a ka ti lai i, “Ka Baal,” a ka ti ti lai lo.

FILIPI 2:3

Pakhat le pakhat i entainak le mah pumpak thangṭhat kawlnak kha nan lakah umter hlah u. Toidornak lungthin tu kha ngei cio u law midang nakin ka ṭha deuh tiah zeitikhmanh ah vaa ruat hlah u.

BIACEIHTU 19:3

Cun a va nih amah sinah bia nem va chim le amah kha kirpi ṭhan awkah a tho i a zulh. A sinum le laa tuah khat a kalpi hna. A nupi pa inn kha a va phan i ngaknu pa nih cun a rak hmuh tikah ton awkah lunglawmhnak in a ra.

RUTH 2:12

Bawipa nih na tuah ciami cu in rul seh law, Bawipa, Israel Pathian, a thla tangah i dor awk i na rak fuhmi nih cun, tampi in laksawng in pe ko seh!” tiah a ti.

RUTH 2:14

Cun rawl ei caan ah Boaz nih amah cu, “Hika hin ra law, changreu hawi hna hi ra ei ve, na changreu cheuchum cu mitsur hang chungah hnim ve,” tiah a ti. Cucaah rawl ṭuantu hna pawngah khan a ṭhu i vaireu kha Boaz nih a hei chanh i a khim tiang a ei, ei bang zong tlawmpal a ngei.

1 SAMUEL 1:18

Cun anih nih, “Na salnu nih na mit ah duhdawtnak hmu ko seh,” tiah a ti. Cun minu cu a kal i rawl kha a ei i ngaihchia mithmai a pu ti lo.

1 SAMUEL 25:41

Cun a tho i vawlei lei zoh in a kun i, “Zohhmanh u, nan salnu hi ka bawipa i a sinum hna ke ṭawltu salnu a si ko,” tiah a ti.