ROM 6:16 - Lai (Hakha) Common Language Bible 2006

¹⁶ Bawi pakhatkhat sinah na nawl kan ngaih lai, tiin nan i pek ahcun nannih cu cu bawi a nawl nan zulhmi sal cu nan si — cu bantukin sualnak cu a nawl nan zulh ahcun, sualnak sal cu nan si i sualnak nih a chuahpimi cu thihnak a si; cun cu bantuk ṭhiamṭhiam cun Pathian cu a nawl nan zulh ahcun, cu nawlngaihnak nih a chuahpimi cu Pathian he i remnak kha a si.

Laibaibal Thiang (BSI)

¹⁶ Nawlngai ding sal si awkah nan i pe cang ti kha nan hngal lo maw? Thihnâk ding sual sal ah siseh, nunnâk ding dinnâk sal ah siseh, a nawl nan ngaih hngami sal nan si kha nan hngal lo maw?

ROM 6:16 Iomraidhean Croise

GENESIS 4:7

Ṭhatnak kha rak tuah law cu na merh ko hnga; sihmanhsehlaw ṭhat lonak kha na rak tuah caah sualnak nih cun nangmah tei awkah sahrang bantukin an bawh ko. Nangmah kha uk an duh, sihmanhsehlaw nangmah nih na tei awk a si,” a ti.

MATTHAI 20:4

Annih cu, ‘Nannih zong ka dum ah rian va ṭuan u law a tawkzawn in kuli man cu kan pek hna lai,’ a ti hna i

MATTHAI 6:24

“Ahohmanh bawi pahnih sal nan si kho lai lo; pakhat kha nan dawt deuh lai i pakhat kha nan huat deuh lai; pakhat sinah khan cun zumhawktlak tein nan um lai i pakhat tu kha cu zei ah nan rel lai lo. Pathian le tangka cu an rian nan ṭuan kep kho lai lo.

JOHAN 8:34

Jesuh nih cun a thawh hna i, “Biatak kan chimh hna: a sualmi paoh cu sualnak sal an si.

ROM 11:2

Pathian nih cun a hramthawk tein a rak thimmi a mi cu a hlaw hna lo. Cathiang chungah a ummi, Israel kong ah Elijah nih Pathian sinah,

ROM 12:1

Cucaah ka u le ka nau hna, Pathian nih a kan zaangfahnak a nganmi ruangah hin, Pathian sinah a nung in pekchanhmi raithawinak bantukin i pe tuah u; a rian ah aa pumpemi le cohlan awk tlakmi si tuah u; cucu biaknak taktak Pathian nan pek awk biaknak cu a si.

ROM 6:17

Sihmanhsehlaw Pathian cu lawm cio ko u sih. Zeicahtiah nannih cu sualnak sal nan rak si nain cawnpiaknak nan hmuhmi chung i a ummi biatak kha nan lungthin dihlak in nan zulh cang.

1 KORIN 3:16

Pathian biakinn nan si kha nan hngalh i Pathian Thlarau nan chung i a um zong kha nan hngalh.

1 KORIN 5:6

Nan i porhlawt hi ahmaan lo. Phungthluk ah, “Thilnu tlawmte nih chang nawnmi cu a ning piin a thawhter,” timi bia cu nan hngalh.

1 KORIN 6:2

Vawlei hi Pathian mi hna nih bia an ceih lai ti kha nan hngal lo hlah maw? Vawlei hmanh hi a bia a ceihtu ding nan si ahcun, thil hme tete cu nan ceih kho lo maw?

1 KORIN 6:3

Vancungmi khi kanmah nih an bia kan ceih hna lai ti hi nan hngal lo dahra? Hi vawlei cung kan nun lio thil chinchin cu kan ceih awk pei an si cu.

1 KORIN 6:9

Miṭha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le,

1 KORIN 9:13

Biakinn chung i rian a ṭuanmi hna nih Biakinn in an rawl kha an hmuh ti le biakṭheng cung i raithawinak a pechanmi hna nih raithawinak sa kha an co ve ti cu nan hngalh.

1 KORIN 9:24

Tlik zuamnak ah an dihlak in tlik cu an i zuam nain laksawng a hmumi cu pakhat lawng a si ti kha nan hngalh. Cucaah laksawng hmu ding tein tli u.

JOSHUA 24:15

Cun Bawipa biak kha nan duh lo a si ahcun nihin ni ah hin nan biak ding cu i thim u; Tiva khattelei ral ram ah nan pupa hna nih an biakmi pathian hna maw, asiloah, an ram nan umnak a simi Amor mi pathian hna dah nan i thim lai; kei le kan innchungkhar tu nih cun Bawipa kha kan biak ko lai,” tiah a ti

2 PETER 2:19

Luatnak nan hmu lai, tiah bia an kamh hna, sihmanhsehlaw anmah hmanh kha, rawhralnak a phakpitu hna an ziaza sal kha an si — minung hi a teitu paoh sal a si ko.