ROM 5:7 - Lai (Hakha) Common Language Bible 2006

⁷ Mi ṭha caah cun thih ngamh zong an um phum hnga nain a dingmi ca i thih cu a harmi thil a si.

Laibaibal Thiang (BSI)

⁷ Zeitintiah miding ca i thih-ngamhmi an har lai nain miṭha ca i thih ngamh cu an um kho men.

ROM 5:7 Iomraidhean Croise

2 SAMUEL 18:27

Cun ralvengtu nih cun, “A hmasa bik a tlikning khi Zadok fapa Ahimaaz tlikning he aa lo tiah ka ruah,” tiah a ti. Cun siangpahrang nih, “Amah cu miṭha a si i thawngpang ṭha he a ra lai,” tiah a ti.

2 SAMUEL 18:3

Sihmanhsehlaw mi nih cun an thawh i, “Na kal hnga lo, zeicahtiah kannih cu kan zam a si zongah an zei a poi lai lo. Hnarcheu kan thih zongah an zei a poi hlei lai lo. Sihmanhsehlaw nang cu kanmah thong hra tluk na si; cucaah khua chungin bawmhnak na kan pek ahcun a ṭha deuh lai,” tiah an ti.

SALM 112:5

Mi chaw a cawih hna tikah siang ngaiin a cawih i a rian a ṭuannak ah lihchim lo tein a ummi cu milunglawm an si.

MATTHAI 13:15

Zeicahtiah cun, hi mi hna hi an lung a khong cang, an hna a pit i an mit kha an i chinh. Cuticun rak si hna hlah seh law cu an mit nih khua a hmuh hnga i an hna nih khua a theih hnga i an lung nih khua a hngalh ko hnga, Cun keimah leiah an i mer hnga i ka damter ko hna hnga, tiah Pathian nih a ti.’

JOHAN 15:13

Mi nih a hawile caah dawtnak ngan bik a ngeih khawhmi cu an ca i a nunnak pek hi a si.

LAMKALTU 11:24

Barnabas cu miṭha a si, Thiang Thlarau le zumhnak in a khatmi a si. Cun mi tampi nih Bawipa cu an zumh.

ROM 16:4

ka ca i thih hmanh a ngamhmi an si. An cungah ka lung aa lawm — keimah lawng si loin Jentail Khrihfabu zong an i lawm.

ROM 5:6

Zeihmanh a tuah kho lomi kan si ko lioah khan, cu caan thengte ah cun mi ṭha lomi kan caah Khrih kha a thi.

ROM 5:8

Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi.

1JOHAN 3:16

Dawtnak hi zeidah a si ti kan hngalhning cu hitihin a si: Khrih nih kan caah a nunnak kha a hloh. Cucaah kannih zong nih kan unau hna caah kan nunnak cu kan hloh ve awk a si.