ROM 5:5 - Lai (Hakha) Common Language Bible 2006

⁵ zeicahtiah a kan pekmi Thiang Thlarau thawngin kan lung chungah Pathian nih a dawtnak cu a toih in a kan toih.

Laibaibal Thiang (BSI)

⁵ Cun ruahchannâk nih kan lung a donghter bal lo, zeicatiah kan sinah a kan pêkmi Thiang Thlarau thawngin Pathian dawtnâk cu kan lungthin chungah toih a si cang.

ROM 5:5 Iomraidhean Croise

JOB 27:8

Pathian nih Pathian zei i a rel lomi cu a thah tikah, Pathian nih a nunnak a lakpiak tikah khan, A caah zei ruahchannak dah a um?

SALM 119:116

Bia na ka kamh bangin thazang ka pe law ka nung lai. kaa ruahchannak ah hin hnabeidong in ka umter hlah.

ISAIAH 49:23

Siangpahrang cu nan caah nan pa bantuk an si lai i siangpahrang bawinu hna nih cun hringtu nu bantukin an in umh hna lai. Nan hmaiah niam ngaiin an kun lai i upatnak an in pek hna lai; nanmah an in hmaizah hnanak cu an langhter lai. Khi tikah Bawipa ka si cu nan hngalh lai i keimah bawmhnak a hngakmi paoh cu a khel hna lai lo,” a ti.

EZEKIEL 36:25

Nan cungah ti thiang kan theh hna lai i nannih an thurhhnawmhtertu hna thil vialte khan kan thianh hna lai; nan siasal biaknak thurhhnawmhnak vialte khan kan thianh dih hna lai.

LAMKALTU 10:45

Judah mi lakah zumtu, Joppa khua in Peter a run zul vemi hna nih khan Jentail mi cung zongah Pathian nih a Thiang Thlarau laksawng kha a toih ve ko ti an hmuh tikah an khuaruah a har.

LAMKALTU 2:17

‘Ni hmanung bik ah cun mi vialte kha ka Thlarau ka toih hna lai. Nan fapa hna le nan fanu hna nih bia an chim lai; Nan tlangval hna nih langhnak an hmuh lai i Nan tar hna nih mang an manh lai.

LAMKALTU 2:33

Pathian orhlei kamah khan ṭhutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.

ROM 1:7

Cucaah Pathian nih a dawt i amah mi si dingah an kawhmi hna, Rom khua i a ummi nan dihlak in ca kan kuat hna: Pathian kan Pa le Bawipa Jesuh Khrih nih vel le daihnak cu in pe ko hna seh.

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

ROM 9:33

Cathiang nih, “Zohhmanh, Zion ah mi a tluktertu ding lung pakhat ka chiah, Cu lung nih cun a rilhter hna lai. Sihmanhsehlaw amah a zummi cu ningzahnak an phan lai lo,” tiah a rak chimmi bang khan a si.

1 KORIN 8:3

Sihmanhsehlaw Pathian a dawmipa kha Pathian nih a hngalh.

2 KORIN 1:22

Pathian nih cun amah ta kan sinak hmelchunhnak kha kan cungah a khenh i kan ca i a kan chiahpiakmi a dihlak aamahkhan caah khan kan lung chungah Thiang Thlarau kha a kan pek.

2 KORIN 3:18

Kannih caah hmai khuhnak puan kha a um ti lo caah kan dihlak in Bawipa sunparnak cu thlalang chung i kan mui a langh bang khin kan langhter; cuticun sungpar chin lengmang in amah lo chin lengmang ah thlen kan si i cucu Thlarau a simi Bawipa rianṭuannak cu a si.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

GALATI 4:6

Pathian fa nan si caah khan Pathian nih, a Fapa Thlarau cu nan lung chungah a run thlah i cu Thlarau nih cun, “Ka Pa, ka Pa,” tiin a au.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

EFESA 1:13

Nannih zong cuticun nan si ve: khamhnak an phorhtu hna Thawngṭha biatak kha nan theih tikah Khrih kha nan zumh i Pathian nih a ta nan si hmelchunhnak cu nan cungah a khenh; cu hmelchunhnak cu bia an kamhmi hna Thlarau an pek hna hi a si.

EFESA 4:30

Cun Pathian Thiang Thlarau kha a ngaihchiatter hlah u; zeicahtiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu a si.

FILIPI 1:20

Ka duhnak ngan bik le si kho seh ti ka duh bikmi cu, ka rian hi a tlam tlinh kho ning ti hi a si i a zungzal in, cun atu thengte chinchin ah hin, ka nun zongah ka thih zongah, ralṭhatnak in khah i ka pum hrimhrim in Khrih cu upatnak pek kha a si.

1THESALON 4:8

Cucaah hi cawnpiaknak zulh a duh lomi cu, minung cawnpiaknak zulh a duh lo si loin, Thiang Thlarau an petu hna Pathian cawnpiaknak zulh a duh lo kha a si deuh.

2 THESALON 2:16

Kannih a kan daw i vel a kan ngeih caah hnangamnak le ruahchannak a ṭhami a kan pe zungzaltu Bawipa Jesuh Khrih le Pathian kan Pa nih cun

2TIMOTE 1:12

hi bantukin sifahnak ka inmi vialte hna hi, hi ruangah hin a si. Asinain ka lung a dong naisai lo, zeicahtiah kaa bochanmi cu ahodah a si kha ka hngalh i ka kut chungah a ka pekmi thil kha khi Ni tiang him tein a ken khawh ti kha fiang tein ka zumh.

1JOHAN 4:19

Kannih nih Pathian kan dawt cu Pathian nih a kan dawt hmasa caah a si.