ROM 5:2 - Lai (Hakha) Common Language Bible 2006

² Jesuh Khrih nih cun kan zumhnak thawngin Pathian velngeihnak chungah cun a kan luhpi i cu chungah cun atu hi kan um. Cucaah Pathian sunparnak kan i hrawm ve lai ti kan i ruahchan i kan tha a nuam.

Laibaibal Thiang (BSI)

² amah thawng lila in atu i kan dirnâk, hi zângfahnâk ah hin, zumhnâk in kan lut i lawmhnâk he Pathian sunparnâk kan i ruahchan.

ROM 5:2 Iomraidhean Croise

SALM 17:15

Kei tu nih cun ka sual lo caah na hmai kha ka hmuh lai i cun ka hun i hlauh tikah nangmah ka sin i na um caah lunglawmhnak in ka khat lai.

SALM 73:24

Ka kalnak dingah khan lungthin na ka cheuh i a donghnak ah cun upatnak he na ka cohlan lai.

PHUNGTHLÛKBIA 14:32

Miṭhalo cu amah ṭhat lonak nih a thluk, sihmanhsehlaw miding cu a dinnak nih khan a huhphenh.

HABAKKUK 3:18

Bawipa ah cun kaa lawm ṭhiamṭhiam ko lai i A ka khamhtu Pathian cu ka lawmh ṭhiamṭhiam ko lai.

MATTHAI 25:21

A bawipa nih cun, ‘Sal ṭha, zumhawktlak sal, na tuahmi cu a ṭha ngaingai. Tangka tlawmte na lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

JOHAN 10:7

Cucaah Jesuh nih annih cu a thawh ṭhan hna i, “Biatak kan chimh hna: Tuu luhnak kutka cu keimah hi ka si.

JOHAN 10:9

Kei cu innka ka si. Keimah in a lutmi paoh cu khamh an si lai; an lut an chuak lai i ram hno kha an hmu lai.

JOHAN 14:6

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

JOHAN 5:24

“Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang.

LAMKALTU 14:27

Antiok khua an phak tikah khrihfabu kha an pumh hna i Pathian nih anmah thawngin a tuahmi thil vialte kha an chimh hna i Jentail mi zong nih an zumh ve nakhnga an caah lam a hun ti kha an theihter hna.

ROM 11:20

Cucu ahmaan ko. Annih cu an zumh lo ruangah khiah an si, nannih cu nan zumh ruangah nan umnak hmun ah nan um. Sihmanhsehlaw cu kong ah nan lung puam sual hlah u; a ṭih in ṭih lehlam u.

ROM 12:12

Nan i ruahchanmi thawng khan nan tha nuam ko u; harnak nan in tikah lungsau thinfual in um u law thla cam zungzal u.

ROM 14:4

Midang sal biaceihtu dingah nangmah cu ahodah na si? A tuah khawh le khawh lo cu a Bawipa nih pei a khiah ko lai cu. Cun a tuah zong a tuah khawh ko lai, zeicahtiah Bawipa nih cun tlamtling lakin a tuahter khawh ko.

ROM 15:13

Thiang Thlarau ṭhawnnak thawngin nan i ruahchannak cu a ṭhan lengmang nakhnga, ruahchannak hram Pathian nih cun, amah nan zumhnak thawngin lunglawmhnak le daihnak he in khahter ko hna seh.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

ROM 3:23

zeicahtiah mi vialte cu kan sual dih cio ko i Pathian sunparnak kha kan bau dih cio ko.

ROM 5:5

zeicahtiah a kan pekmi Thiang Thlarau thawngin kan lung chungah Pathian nih a dawtnak cu a toih in a kan toih.

ROM 8:1

Atu cu Khrih Jesuh he i pehtlai in a nungmi hna caah cun sualphawtnak a um ti lo.

ROM 8:24

Zeicahtiah ruahchannak in pei khamh kan si cu; sihmanhsehlaw kan i ruahchanmi cu kan mit in kan hmuh ahcun, cucu ruahchannak taktak cu a si hnga lo. Mit in hmuh komi cu aho nih dah an i ruahchan bal?

1 KORIN 15:1

Atu cu ka u le ka nau hna, nannih kan chimhmi hna Thawngṭha kha hngalhter ṭhan kan duh hna; cucu nannih nih nan rak cohlan cangmi Thawngṭha, nan zumhnak nan bunhnak Thawngṭha kha a si i cu nih cun khamhnak kha an pek hna.

2 KORIN 3:18

Kannih caah hmai khuhnak puan kha a um ti lo caah kan dihlak in Bawipa sunparnak cu thlalang chung i kan mui a langh bang khin kan langhter; cuticun sungpar chin lengmang in amah lo chin lengmang ah thlen kan si i cucu Thlarau a simi Bawipa rianṭuannak cu a si.

2 KORIN 4:17

Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai.

EFESA 2:18

Cucaah kan dihlak in, Judah mi he Jentail mi he, cu Thlarau pakhat thawng cun Pathian hmaika ah kan lut kho.

EFESA 3:12

Amah he kan i pehtlaih caah le amah kan zumhnak thawngin Pathian umnak chungah ṭih lo tein luh ngamnak luatnak kan ngei.

EFESA 6:13

Cucaah atu hin Pathian ralthuam kha i hruk u. Cun ni ṭhalo kha a hung phanh tikah nan ral cu nan rak doh khawh lai i a donghnak tiang nan i tuk hnu zongah nan hmun ah cun fek tein nan dir kho lai.

2 THESALON 2:16

Kannih a kan daw i vel a kan ngeih caah hnangamnak le ruahchannak a ṭhami a kan pe zungzaltu Bawipa Jesuh Khrih le Pathian kan Pa nih cun

HEBRU 3:6

Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.

HEBRU 6:18

Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.

1 PETER 3:18

zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i

BIAPHUAN 21:11

Cu khua cu Pathian sunparnak in a cer. Khualipi cu lung man sung, jasper lungvar bantukin a tleu i thlalang bantukin a fiim.

BIAPHUAN 21:23

Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.

BIAPHUAN 21:3

Bawiṭhutdan in aw thangpi pakhat ka theih i, “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.