ROM 4:5 - Lai (Hakha) Common Language Bible 2006

⁵ Sihmanhsehlaw rianṭuannak si loin zumhnak tu a ngeimi nih cun, Pathian nih a sualmi cu a sual lo ah a chiah hna tiah a zumh i cu a zumhnak cu Pathian nih amah he remternak caah a lakpiakmi cu a si.

Laibaibal Thiang (BSI)

⁵ Asinain rian zong ṭuan lo, Pathian zong zeirel lo, thiamcotertu a zumtu zumhnâk kha a dinnâk ah ruahpiak a si.

ROM 4:5 Iomraidhean Croise

HABAKKUK 2:4

Cun a bia cu hihi a si: “A ṭha lomi cu a nung lai lo. Sihmanhsehlaw a dingmi cu a nung lai. Pathian sinah zumhtlak a sinak thawngin a nung lai,” a ti.

MARKA 9:23

Jesuh nih, “Na kan bawmh khawh ahcun na ti maw? Asi, zumhnak a ngeimi caah cun zei paoh a si kho ko,” tiah a ti.

JOHAN 5:24

“Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang.

JOHAN 6:29

Jesuh nih cun a leh hna i, “Pathian nih tuah hna seh ti an duhmi hna rian cu hihi a si: a thlahmi zumh hi,” tiah a ti hna.

ROM 10:3

Pathian nih zei lam in dah minung cu Amah he a remter hna ti kha an hngal lo i anmah tu nih khan cu lam cu an i ser; cucaah Pathian nih minung cu Amah he a remter hnanak lam kha an cohlang duh lo.

ROM 3:22

Cu lam, Pathian he i remnak lam cu Jesuh Khrih zumhnak thawngin a si i Jesuh Khrih a zummi ca paoh ah a si dih. Ahohmanh i thleidan ding a si lo,

ROM 4:24

Jesuh kan Bawipa thihnak in a thawhtertu a zummi, miding in cohlan ding kanmah ca zongah hin ṭial a si ve.

ROM 4:3

Cathiang nih, “Abraham nih khan Pathian a zumh i cu a zumhnak ruangah cun Pathian nih miding bantukin a cohlan,” tiah a ti.

ROM 4:6

Pathian nih rianṭuannak tel loin, miding bantuk ah a cohlanmipa aa lawmhnak kong David nih a chim tikah, hihi pei a sullam a chim duhmi cu a rak si cu:

FILIPI 3:9

Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

JOSHUA 24:2

Cun Joshua nih mi vialte cu, “Hi bangin Bawipa Israel Pathian nih a ti: ‘Hlan liopi ah cun nan pupa hna cu Zufrates tiva khattelei ral ah an rak um, Abraham le Nahor pa Terah cu; cun pathian dang kha an rak biak hna.