ROM 13:8 - Lai (Hakha) Common Language Bible 2006

⁸ Ahohmanh lei i ba hlah u — nan i batmi cu pakhat le pakhat i dawt lawng kha si ko seh. A minung hawi a dawmi paoh nih cun Nawlbia kha a zulh a si ko.

Laibaibal Thiang (BSI)

⁸ Pakhat le pakhat i dawt dah tilo cu lei i ba hlah u, zeitintiah midang a dawtu nih cun nawlbia cu a zulh dih cang.

ROM 13:8 Iomraidhean Croise

MATTHAI 7:12

“Mi nih kan cungah tuah hna seh ti nan duh bantuk khan midang cung zongah va tuah ve u; hihi Moses Nawlbia le profet hna cawnpiaknak an sullam cu a si.

JOHAN 13:34

Nawlbia thar kan pek hna: pakhat le pakhat i daw u. Keimah nih kan dawt hna bantuk hin pakhat le pakhat nan i dawt awk a si.

ROM 13:10

A innpa a dawmi nih cun a innpa cungah ṭhat lonak a tuah bal lo. Cucaah Nawlbia tling tein zulh cu dawt hi a si ko.

ROM 13:7

Cucaah nan pek awk a simi kha va pe hna u, nan pumpak ngunkhuai siseh, nan thilri ngunkhuai siseh, pe hna u; hmaizah awk cu hmaizah hna u, upat awk cu upat hna u.

GALATI 5:14

Zeicahtiah Nawlbia cu a ningpi in hi nawlbia pakhat, “Na innpa cu nangmah bantukin na dawt lai,” timi ah hin aa fun dih.

KOLOSE 3:14

Cun hi thil vialte cungah hin dawtnak kha chap u law dawtnak cu zeizong vialte, i rem ṭhipṭhep tein a funtomtu cu a si.

1TIMOTE 1:5

Hi bantukin bia kan cah tikah kaa tinhmi cu, a thiangmi lungthin le a thiangmi chiaṭha thleidannak le zumhnak taktak a simi chungin a chuakmi dawtnak kha a si.

JEIM 2:8

Cathiang chungah a ummi Pennak nawlbia kha nan zulh ahcun ahmaanmi thil nan tuah a si. Cu nawlbia cu, “Na innpa kha nangmah naa dawt bantukin na dawt lai,” ti a si.

1JOHAN 3:10

Pathian fale hna le Khuachia fale hna an i dannak cu hihi a si: ahmaanmi thil a tuah lomi cu Pathian fa an si lo; cun a unau a daw lomi zong an si ṭhiamṭhiam lo.