ROM 1:7 - Lai (Hakha) Common Language Bible 2006

⁷ Cucaah Pathian nih a dawt i amah mi si dingah an kawhmi hna, Rom khua i a ummi nan dihlak in ca kan kuat hna: Pathian kan Pa le Bawipa Jesuh Khrih nih vel le daihnak cu in pe ko hna seh.

Laibaibal Thiang (BSI)

⁷ Rom khua i Pathian dawtmi, mithiang si dingin kawhmi vialte sinah Pathian, kan Pa le Bawi Jesuh Krih sin in zângfahnâk le daihnâk nan cungah um ko seh.

ROM 1:7 Iomraidhean Croise

SALM 60:5

Na ṭhawnnak in kan khamh tuah; kan thlacamnak kha kan let tuah, cuticun na dawtmi hna hi kan luat kho lai.

SOLOMON HLA 5:1

Aanka tiam cia far can ka dawt aw, dum chungah ka ra ai cang, Ka mura le zihmui ka khawmh hna, khuaihliti le fu thlum zong ka ei; Ka mitsur thlum le cawhnuk ka din hna.

NAMBAR 6:25

Bawipa nih nan cungah a hmai tlanter seh law, vel in ngeih ko hna seh;

MATTHAI 5:16

Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.

JOHAN 20:17

Jesuh nih cun, “Ka tlai peng ko tuah hlah, zeicahtiah ka Pa sinah ka kir rih lo. Sihmanhsehlaw ka unau pawl sinah khan va kal law, ‘Ka Pa le nan Pa, ka Pathian le nan Pathian a simi sinah khan ka kal lai,’ a ti tiah va chim hna,” tiah a ti.

LAMKALTU 15:23

A tanglei ca hi an kut cun an kuat hna: “Kannih, lamkaltu hna le upa hna, nan unau hna nih, Antiok, Siria le Silisia i a ummi unau vialte, chuahkehnak lei in Jentail mi a simi nan kut kan in tlaih hna.

LAMKALTU 9:13

Ananias nih cun a leh i, “Bawipa, mi tampi nih hi pa kong hi an ka chimh; Jerusalem khua i na mi hna cungah thil ṭhalo a tuahmi vialte kha ka theih.

ROM 1:6

cu hna lakah cun nannih, Rom khua ah a um i Pathian nih Jesuh Khrih ta si dingin an kawhmi hna zong nan i tel ve.

ROM 5:1

Atu cu zumhnak thawngin thiamcoter kan si caah kan Bawipa Jesuh Khrih thawngin Pathian he kan i rem.

ROM 5:5

zeicahtiah a kan pekmi Thiang Thlarau thawngin kan lung chungah Pathian nih a dawtnak cu a toih in a kan toih.

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

ROM 8:39

cunglei vawlei nih siseh, tanglei vawlei nih hin siseh, an kan ṭhen kho lai lo — kan Bawipa Khrih Jesuh thawngin kan ta a simi Pathian dawtnak he a kan ṭhen khotu ding cu sermi thil dihlak ah hin zeihmanh a um lo.

1 KORIN 1:24

Sihmanhsehlaw Pathian nih a kawhmi hna caah cun, Judah mi an si zongah Jentail mi an si zongah, cu bia cu Khrih kha a si i Khrih cu Pathian hmual le Pathian fimnak kha a si.

1 KORIN 16:23

Bawipa Jesuh vel cu nan cungah um ko seh.

GALATI 6:18

Ka u le ka nau hna, kan Bawipa Jesuh Khrih vel cu nan dihlak cungah um ko seh. Amen.

EFESA 1:2

Pathian kan Pa le Bawipa Jesuh Khrih nih vel le daihnak in pe ko hna seh.

EFESA 6:23

Daihnak le dawtnak cu zumhnak he, Bawipa Jesuh Khrih i a Pa le a Pathian nih in pe ko hna seh.

DEUTERONOMI 33:12

Benjamin kongah, “Amah cu Bawipa dawtmi a si, Amah pawngah him tein a um; Amah nih chun nitlak a kulh i A liang le a liang karlak ah a umter,” a ti.

FILIPI 1:2

Pathian kan Pa le Bawipa Jesuh Khrih nih vel le daihnak in pe ko hna seh.

FILIPI 4:13

Ṭhawnnak a ka petu Khrih thawngin thil zeipaoh ka tuah khawh ko hna.

FILIPI 4:20

Kan Pa Pathian cu zungzal in thangṭhat si ko seh! Amen.

FILIPI 4:23

Bawipa Jesuh Khrih vel cu nan dihlak cungah um ko seh.

KOLOSE 1:2

Pathian duhnak in Khrih Jesuh lamkaltu a simi keimah Paul le kan nau Timote nih ca kan in kuat hna. Pathian kan Pa nih vel le daihnak in pe ko hna seh.

KOLOSE 3:12

Nannih cu Pathian mi nan si; amah nih an dawt hna i an thim hna. Cucaah mi zawnruahnak, zaangfahnak, toidornak, nemnak le lungsaunak kha nan i aih awk a si.

KOLOSE 3:15

Khrih nih an pekmi hna daihnak kha nan lung chung i biaceihtu ah ser u; zeicahtiah hi daihnak hmuh awkah hin Pathian nih pum khat chung i um awkah an kawh hna. Cun lunglawmhnak in khat u.

1THESALON 1:1

Paul, Silas le Timote nih, Thesalonika khua i a ummi Khrih-fabu, Pathian kan Pa le Bawipa Jesuh Khrih ta a simi kha, ca kan in kuat hna. Vel le daihnak cu nan ta si ko seh.

1THESALON 1:3

Nan zumhnak cu rianṭuannak ah nan langhterning le dawtnak nan ngeihmi nih fak piin rian an ṭuanter hna ning le kan Bawipa Jesuh Khrih chung i ruahchannak nan ngeihmi a fehning kha Pathian kan Pa hmaiah kan philh lo.

1THESALON 1:4

U le nau hna, Pathian nih an dawt hna i amah mi si awkah an thim hna kha kan hngalh.

1THESALON 4:7

Pathian nih sualnak tuah lengmang dingin a kan au lo, mithiang si ding tu ah a kan auh.

1THESALON 5:28

Kan Bawipa Jesuh Khrih vel cu nan sinah um ko seh.

2 THESALON 1:2

Pathian kan Pa le Bawipa Jesuh Khrih nih vel le daihnak in pe ko hna seh.

2 THESALON 3:16

Daihnak hram a simi Bawipa nih lam phunphun in daihnak kha in pe ko hna seh. Bawipa cu nan dihlak sinah um ko seh.

2 THESALON 3:18

Bawipa Jesuh Khrih vel cu nan dihlak sinah um ko seh.

1TIMOTE 1:2

Zumhnak i ka fa taktak a simi Timote, ca kan kuat. Pathian kan Pa le Khrih Jesuh kan Bawipa nih vel le zaangfahnak le daihnak in pe ko seh.

1TIMOTE 6:2

Nan bawile cu a zummi an si ahcun, atu cu unau kan si cang sawk tiin nan serhsat hna lai lo. An rian kha ṭha chinchin tu in nan ṭuanpiak hna lai, zeicahtiah nan ṭuannak thawngin thil ṭha a hmumi hna cu, zumhnak le dawtnak ah nan u le nan nau an si.

2TIMOTE 1:2

ka dawtmi ka fa Timote, ca kan kuat. Pathian kan Pa le kan Bawipa Khrih Jesuh nih vel le zaangfahnak le daihnak in pe ko seh.

2TIMOTE 4:22

Bawipa cu na thlarau sinah um ko seh. Nan dihlak sinah Pathian vel cu um ko seh.

FILEMON 1:25

Bawipa Jesuh Khrih vel cu nan dihlak sinah um ko seh.

FILEMON 1:3

Pathian kan Pa le Bawipa Jesuh Khrih nih vel le daihnak in pe ko hna seh.

JEIM 1:1

Pathian le Bawipa Jesuh Khrih sal a simi Jeim nih, vawlei cung khuazakip i aa ṭhekmi Pathian mi kha kan biakchawnh hna.

1 PETER 1:15

Nannih an kotu hna Pathian cu a thian bantukin nannih zong thiang ve u.

1JOHAN 3:1

Pathian nih zeitluk in dah a kan dawt hi ruat hmanh u! A kan dawtnak kha a ngan tuk caah Pathian fa tiah ti kan si — Pathian fa ti lawng hmanh si loin, a si in kan si hrimhrim. Hi ruangah hin vawlei nih a kan hngalh lonak cu a si, Pathian zong kha a hngal lo.

2 JOHAN 1:3

Pa Pathian le a Fapa Jesuh Khrih nih velngeihnak le zaangfahnak le daihnak cu an kan pek lai i biatak le dawtnak in kan ta an si zungzal lai.

BIAPHUAN 2:1

“Efesa khua i a ummi Khrihfabu vancungmi sinah hitihin va ṭial tuah: A orhlei kut in arfi pasarih aa put i sui mei vannak pasarih hna lakah aa chawkmi bia cu hihi a si:

BIAPHUAN 2:12

“Pergamum khua i a ummi Khrihfabu vancungmi sinah hitihin va ṭial tuah: “Hi bia hi vainam kap hnih har a ngeimi bia kha a si.

BIAPHUAN 2:18

“Thiatira khua i a ummi Khrihfabu vancungmi sinah hi bangin va ṭial tuah: Hi bia hi Pathian Fapa, a mit mei alh bantukin a alhmi le a ke dar tleu bantukin a tleumi bia a si.

BIAPHUAN 2:29

“Hna nan ngeih ahcun, Thlarau nih Khrihfabu hna sinah a chimmi bia kha ngai tuah u,” tiah a ti.

BIAPHUAN 2:8

“Smyrna khua i a ummi Khrihfabu vancungmi sinah hitihin va ṭial tuah: Hi bia hi a hmasa bik le a hmanung bik a simi, a thi i a nung ṭhanmi bia a si.

BIAPHUAN 22:21

Nan dihlak cungah Bawipa Jesuh vel cu um ko seh. Amen.

BIAPHUAN 3:14

“Laodisia khua i a ummi Khrihfabu vancungmi sinah hi bangin va ṭial tuah: Hi bia hi zumhawktlak le ahmaan taktakmi tehte Amen bia kha a si; amah cu Pathian nih a sermi vialte hram a si.

BIAPHUAN 3:22

“Hna nan ngeih ahcun, Thlarau nih Khrihfabu hna sinah a chimmi bia cu ngai tuah u,” a ti.

BIAPHUAN 3:7

“Filadelfia khua i a ummi Khrihfabu vancungmi sinah hi bangin va ṭial tuah: Hi bia hi a thiangmi le a taktak a simi, David tawh a tlaitu, innka a hun tikah ahohmanh nih an khar khawh ti lomi, a khar tikah ahohmanh nih an hun khawh ti lomi bia kha a si.