ROM 1:20 - Lai (Hakha) Common Language Bible 2006

²⁰ an hmu duh lo, cucaah dan a tat hna. Vawlei a ser hramthawkte khan Pathian nih cun, hmuh khawh a si lomi a sining, zungzal hmunmi a ṭhawnnak le a Pathian sinak kha, fiang tein a langhter ko. Cucaah i silhnalh khawhnak zeihmanh an ngei lo!

Laibaibal Thiang (BSI)

²⁰ Vawlei ser kain Amah i hmuhkhawh lomi thil kha fiang te i hmuhkhawh in a um i zungzal a ṭhawnnâk le Pathian a sinâk zong sermi thil ah langhter an si, cucaah i silhnalh khawhnâk an ngei lo,

ROM 1:20 Iomraidhean Croise

GENESIS 1:1

A hramthawk ah, Pathian nih van le vawlei a ser hna tikah,

GENESIS 21:33

Cun Abraham nih Beer-sheba ah cun thingkung pakhat a phun i Bawipa, Zungzal Hmunmi Pathian kha a biak.

JOB 12:7

Van i a zuangmi va hna le saram hna nakin pei nan hngalhnak a tlawm deuh hi. Annih nih an in cawnpiak khawh hna ding tampi a um.

SALM 104:31

Bawipa sunparnak cu zungzal in hmun ko seh, a sermi thil cungah Bawipa cu i lawm ko seh.

SALM 104:5

Vawlei cu a umnak hmun ah khan fek tein na bunh i ahohmanh nih an ṭhial kho lo.

SALM 119:90

Zumhawktlak na sinak cu chan vialte tiangin a hmun, vawlei cu a umnak ah na chiah i cuka ah cun a um peng ko.

SALM 139:13

Ka pum chung thil vialte hi nangmah sermi an si dih; ka nu pawchung i a ka semtertu cu nangmah na si.

SALM 8:3

Nangmah na sermi van le an hmun ciote ah na chiahmi thlapa le arfi hna khi ka zoh tikah,

SALM 90:2

Tlang an sem hlan le vawlei kha na ser hlan in nangmah cu zungzal in, hramthawknak zong um lo donghnak zong um loin Pathian na si.

ISAIAH 26:4

Bawipa kha i bochan zungzal ko u, amah nih an huhphenh zungzal hna lai.

ISAIAH 40:26

Van khi zoh tuah u! Nan hmuhmi arfi khi aho nih dah a ser hna? Ralkapbu bantukin a hruaitu hna nih khin a ser hna; zeizat an si kha a hngalh i an dihlak in an min in a auh hna! A ṭhawnnak cu a lianngan hringhran ko — pakhat hmanh an tlau bal lo!

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

JEREMIAH 5:21

Maw mihrut le ruahnak a ngei lomi hna, mah hihi thei tuah u, mit a ngei nain khua a hmu lomi hna, hna a ngei nain khua a thei lomi hna.

JEREMIAH 51:15

Pathian nih vawlei hi a ṭhawnnak in a ser, Vawlei hi a umnak hmun ah hin a fimnak in a umter; Van khi a thiamnak in a samh hna.

MATTHAI 5:45

Cuticun vancung khua i a ummi nan Pa fale cu nan si lai. Anih nih cun a ṭhami he a ṭha lomi he, an cungah a ni kha a tlanter i, ṭhatnak a tuahmi he ṭhat lonak a tuahmi he, an cungah a ruah kha a surter.

MARKA 10:6

Sihmanhsehlaw a hramthawk, thil ser lio caan ah khan cun, cathiang nih, ‘Pathian nih nu le pa in a ser hna i

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

JOHAN 15:22

An sinah rak ra lo le biachim loin rak um ning law cu, an cungah sualnak a um hnga lo; sihmanhsehlaw atu cu an sualnak kha zeihmanh i silhnalh khawhnak an ngei ti lo.

LAMKALTU 17:29

Kannih cu Pathian fa kan si caah, minung nih an fimnak le an thiamnak in an sermi sui milem maw, ngun milem maw, lung milem maw ah khan, Pathian cu kan ruah awk a si lo.

LAMKALTU 22:1

Paul nih cun a thawh hna i, “U le nau hna le pale hna, nan hmai i kaa humhaknak bia ka chim tikah hin ka bia hi ka ngaihpiak tuah u,” tiah a ti.

ROM 1:19

Minung cu Pathian kong hngalh khawh a simi thil hna kha Pathian hrimhrim nih fiang tein a hmuhsak ko hna nain

ROM 16:26

Atu cu kha biatak kha profet hna ṭial bang khan phuan a si cang i zungzal hmunmi Pathian nawl bangin, mi vialte nih an zumh i a nawl cu an ngaih nakhnga, miphun dihlak sinah chim a si cang.

ROM 2:1

Cucaah aho na si hmanh ah silhnalh khawhnak lam zeihmanh na ngei lo, zeicahtiah midang kha sual na phawt hna tikah, an tuahmi kha na tuah ve ko ṭung caah, nangmah lila sual naa phawt a si ko.

ROM 2:15

Nawlbia nih, tuah u, a timi cu an lung chungah aa ṭial ko ti kha an ziaza in an langhter. Cun anmah lungthin lila nih a zeimaw caan ah sual a phawt hna i a zeimaw caan ah thiam a coh hna caah, an lung chungah aa ṭial ko ti cu an chiaṭha thleidannak nih khan a langhter ko.

1 KORIN 1:20

Cucaah cu nih cun nan mifim hna cu khuazei ah dah a chiah hna? Nan cathiam hna zong cu tah? Vawlei fimnak in bia al a thiammi hna kha tah? Vawlei fimnak hi cu hruhnak a si ti kha Pathian nih a langhter.

DEUTERONOMI 33:27

Zungzal hmunmi Pathian cu na umnak hmun a si i Na tangah zungzal hmunmi ban kha an um. Cun ral kha na hmaiah a dawi i ‘Hrawk tuah,’ tiah a ti.

DEUTERONOMI 4:19

Cun van khi nan hun zoh i nika le thlapa le arfi hna, van i a ummi thil vialte cu, nan hmuh tik hna ah, annih biak awk le an hmai i kun awkah hnuh nan si sual nakhnga lo i ralring tuah u. Mah hna hi cu Bawipa nan Pathian nih vanrang toi miphun dang vialte tu kha a pek hna,

KOLOSE 1:15

Khrih cu hmuh khawh lomi Pathian mui a si. Khrih cu Pathian fater, sermi thil vialte hna nakin a cungnung deuhmi a si.

KOLOSE 2:9

Zeicahtiah Pathian sining cu tling khitkhet tein Khrih a minung sinak ah khan a um i

1TIMOTE 1:17

Zungzal in a hmunmi Siangpahrang, thih a thiam lomi le mit in hmuh khawh a si lomi Pathian, Amah lawnglawng Pathian a simi cu, zungzal in zungzal tiang, upatnak le sunparnak, pek si ko seh! Amen.

1TIMOTE 6:16

Amah lawnglawng cu thih a thiam lomi, a naih in naih ngam lomi ceunak chung i a ummi a si. Amah cu ahohmanh nih an hmu bal lo, ahohmanh nih an hmu kho lai lo. Amah cungah cun upatnak le thil ti khawhnak zungzal in um ko seh! Amen.

HEBRU 11:27

Siangpahrang thinhunnak kha ṭih loin Moses cu Izipt ram khan a chuak i cu a chuahtertu cu zumhnak a si; hmuh khawh lomi Pathian kha hmu seh law cu bang, a kir in a kir duh ti lo.

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.