PHUNGCHIMTU 10:8 - Lai (Hakha) Common Language Bible 2006

⁸ Khor a comi cu a chungah amah a tla lai, Kulhnak vampang a pemmi cu rul nih a cuk lai.

PHUNGCHIMTU 10:8 Iomraidhean Croise

2 SAMUEL 17:23

Ahithophel nih a ruahnak chuahmi kha an zul lo ti a hmuh tikah, a laa kha a danh i inn leiah a khua ah a tlung. Cun a innchungkhar khuasak ding ning kha a ningcang tein a tuahpiak tak hna i amah le amah cu aa awk; cun a thi i a pa thlan ah khan an vui.

2 SAMUEL 18:15

Cun Joab ralthuam putu tlangval pahra nih khan Absalom cu an kulh i an tuk i an thah.

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

SALM 57:6

Ka ral nih keimah foihnak ah sur rap an chiah, lungretheihnak nih a ka tei; ka kalnak lam ah khor an cawh, sihmanhsehlaw anmah tu an tla.

PHUNGTHLÛKBIA 11:6

Dinnak nih miding cu a chuah hna, sihmanhsehlaw mirawi hmang cu anmah duhfahnak lila ah khan an i foih

PHUNGTHLÛKBIA 26:27

Midang tlaknak caah khor a comi cu cuka ah cun amah a tla lai. Midang nenhnak caah lung a hriltu cu lung nih cun amah cu a nenh lai.

PHUNGCHIMTU 10:9

Lung a khoihmi cu lung nih a hliam lai, Thing a cekmi cu thing nih harnak a pek lai.

AMOS 5:19

Minung nih chiandeih a zamtak i vom he an i ton ni bantuk, Inn chungah a luh i vampang a vun dah i rul nih a rak cuk ni bantuk a si lai.

AMOS 9:3

Karmel tlangpar zongah i thup hna hmanh seh law Khika zongah cun ka kawl hna lai i ka char hna lai; Rili a thuhnak hmun ka mit hmuh lonak zongah i thup hna hmanh seh law Khika zongah cun rili chung rulpi kha seh hna tiah ka fial lai.

BIACEIHTU 9:5

Cun Ofrah khua i a pa inn ah khan a va kal i Jerubbaal fapale hna, a unau hna cu, minung sawm sarih, lung pakhat cungah a va thah hna; sihmanhsehlaw Jotham, Jerubbaal fapa a hniang bik tu cu aa thuh caah a tang.