NAHUM 1:4 - Lai (Hakha) Common Language Bible 2006

⁴ Rili kha a sik i a carter dih, tiva vialte kha a kaoter dih hna. Bashan le Karmel cu an uai i Lebanon i thing corh no hna cu an car.

NAHUM 1:4 Iomraidhean Croise

GENESIS 8:1

Pathian nih Noah le a sin i lawng chungah a ummi saram vialte le saṭil vialte kha a philh hna lo, cucaah vawlei cungah thli a hranter i ti cu ṭum hram aa thawk.

2 SAMUEL 22:16

Bawipa nih a sik hna i a hnar thaw nih a chem hna caah rili kuang hna cu an lang i vawlei hram hna cu an lang.

JOB 38:11

‘Hi tiang hi na ra lai, hi pin hi cu na kal ti lai lo, Cun hika ah hin aa porhlawmi na tilet hna cu an dong lai,’ ka ti.

SALM 104:7

sihmanhsehlaw ti cu na sik hna tikah an le na au thawng kha an theih tikah an zam.

SALM 106:9

Rili Sen cu nawl a pek i a ro, cun a mi cu vawlei ro cung kal bantukin a kalpi hna.

SALM 114:3

Rili Sen nih a rak zoh hna i an zamtak hna, Jordan Tiva cu luang loin a rak um.

SALM 114:5

Rili, zei nih dah an zamter? Jordan Tiva, zeicahdah luang loin na um?

SALM 18:16

Bawipa nih vancung khin a run ka banh i a ka tlaih; ti thuk chungin a ka chuah.

SALM 74:15

Cerhti le tiput cu na luanter hna i tiva ngan cu na carter hna.

ISAIAH 33:9

Ram cu a um sawhsawh ko i mi nih an chuahtak. Lebanon tlang tupi cu an car i Sharon nelrawn cu thetse ram bantuk a si, cun Bashan ram le Karmel Tlang thingkung hna cu an hnah a ṭil dih.

ISAIAH 42:15

Fing le tlang kha ka hrawh hna lai i ram le thingkung kha ka carter dih hna lai. Tiva luannak nelrawn kha thetse ram ah ka canter dih hna lai i tili kha ka kaoter hna lai.

ISAIAH 44:27

Rili cu ka nawl in ka carter.

ISAIAH 51:10

Rili ti kha a kaoter i rili chungin lam a tuahtu kha nangmah na si i na khamhmi hna nih khan cuka cun an tan.

EZEKIEL 30:12

Nail tivate hna cu hmun car ah ka ser hna lai i Izipt cu miṭhalo hna sinah ka zuarh lai; Ram le a chungah a ummi thil vialte cu ramdangmi kut in ka hrawh dih hna lai, tiah Bawipa nih ka ti.

EZEKIEL 38:20

Rili chung nga si hna seh, van i a zuangmi va si hna seh, ramlak saram si hna seh, vawlei ah a lawn in a lawnmi saram si hna seh, vawlei cung i a ummi minung vialte si hna seh, ka hmaiah a ther in an ther lai, ka ti. Tlang vialte kha an cim dih lai, lungpang vialte kha an tlu dih lai i ralhau vialte kha an rawk dih lai.

AMOS 1:2

Amah nih cun, Bawipa cu Zion in a rung huk i Jerusalem in khuarit in a rung ri; Tuukhal hna ram hninghno cu an car i Karmel tlangpar cu a ro dih, tiah a ti.

AMOS 5:8

Amah cu Likuk-canthum le Fizang kha a ser i, Muihnak kha zinglei ah a cantertu a si; Rili chung ti kha a auh hna i vawlei chungah a thlet hna;

MATTHAI 8:26

Jesuh nih cun, “Zeicahdah cu ti lawmmam cun nan thin a phan? Nan hei ka bochan lo hringhran dah!” tiah a leh hna. Cun a tho i thli le tilet cu nawl a pek hna i dai zirziar tein rili cu a um ṭhan.

JOSHUA 3:16

cunglei in a rungmi ti kha an dir i lam hlatpi ah Zarethan ram pawng i a ummi khua Adam ah cun a bu in an dir i, Arabah rili, Cite Rili lei i a vung luangmi cu an cat dih; cun Jeriko khua zawn cun mi nih cun an tan.