MIKAH 2:2 - Lai (Hakha) Common Language Bible 2006

² Lo kha an mit a thit ahcun an lak ko, inn kha an duh ahcun an tlaih ko; Mi kha an inn le an thilri an chuh ko hna.

MIKAH 2:2 Iomraidhean Croise

1 SIANGPAHRANG 21:1

Jezreel mi Naboth nih Jezreel khua ah, Samaria siangpahrang Ahab inn pawngah mitsur dum pakhat a ngei.

2 SIANGPAHRANG 9:26

‘Nizan ah Naboth thisen le a fapa hna thisen ka hmuh hrimhrim bantuk khan, nangmah cu hi hmun ah hin teirul kan cham lai,’ ti in Bawipa nih a ti kha. Cucaah hlawm law kha hmun vawlei ah khan hlonh tuah, Bawipa bia bang khan,” tiah a ti.

JOB 31:38

Ka vawlei nih khan keimah cu a ka chalh i a lei rinkuar hna nih khan an ṭahpi i, Man pek loin a chung chuakmi thil kha ka ei hna i

EXODUS 20:17

“Nan innpa inn kha nan mit a thi lai lo. A nupi siseh, a salpa siseh, a salnu siseh, a cawtum siseh, a laa siseh, a ngeihmi thil paohpaoh si hna seh, nan mit a thi lai lo,” a ti.

ISAIAH 3:14

Bawipa nih cun, a mi hna an upa le an hruaitu pawl kha biaceih awkah a chuahpi hna lai. Taza a cuainak hna cu hitihin a si: “Mitsur dum kha nan ramh dih hna i nan inn cu misifak nan chuhmi hna thil kha a khat.

ISAIAH 5:8

Nan lo cang! Nan ngeih cia ah khan inn thar le lo thar lawng nan i chap chin luaimai ko. Midang caah hmun a dih zau cang lai i ram chungah hin nanmah pi lawng khua nan sa lai.

JEREMIAH 22:17

Sihmanhsehlaw nang cu miaknak dah ti lo ahcun mit na ngei lo, Zei dang ruat loin miaknak lawnglawng kha na ruat. A sual lomi thisen chuah khawh nakding le Hremnak le zaang-ennak tuah khawh nakding lawng kha naa ruah chih, tiah a ti.

EZEKIEL 18:12

midang nupi sinah a sualmi, vanchiami le sifakmi kha a hrem i miramh a hmangmi, leibatu nih biakamnak ca i thil an pekmi a khirh lomi, siasal kha a zohcho i fihnung phung kha a tuah vemi,

EZEKIEL 22:12

Nangmah chungah hin mi nih thisen chuahnak caah ziknawh an ei i docawi tikah dongtanh le a karh an lak hna. Nannih nih i miak duh ruangah nan hawile kha nan hrem hna i keimah cu nan ka philh; tiah Bawipa Pathian nih a ti.

EZEKIEL 22:13

“Cucaah zohhmanh u, a ding loin nan lakmi miaknak kha le nan khua chung i thisen chuahnak kha thinhun in ka kuttum in ka thongh lai.

EZEKIEL 33:26

Vainam kha nan i bochan, thil fihnung kha nan tuah hna, nan nupile kha nan i thurhhnawmhpiak i ram kha co nan i ruah ṭhiamṭhiam!

EZEKIEL 45:9

Mah hihi Bawipa Pathian bia an si: I za cang u, Israel bawi hna! Zaang-ennak le i ramhnak kha donghter cang u; phung le biading tu kha tuah hna u; ka mi kha ṭhawl ti hna hlah u, tiah Bawipa Pathian nih a ti.

EZEKIEL 46:18

Uktu bawi nih khan mi nih an ngeihmi thilri kha a lakpiak hna lai lo; a fapale kha ro pek a duh hna tikah amah nih a ngeihmi vawlei khan a cheuh hna lai i cuticun ka mi hna cu an ro sin khan an i ṭhen lai lo i an i ṭhek lai lo.

EZEKIEL 8:17

A ka thawh i, “Mipa, khikhi na hmu maw? Hi thil fihnung hna hi thil hmetuai ah an rel caah maw Judah mi hna nih hin ram hi zaang-ennak in an khahter hi a si hnga? Ka thinhunnak damter an i zuam tik hmanh ah hin ka thin an ka phawh chin lengmang.

AMOS 2:7

Annih nih sifakmi kha an lu vawlei ah an lamh chih hna i Mi nauta pawl kha lam thlang ah an en hna. Pa le fa nih nu pakhat kha an pahnih in an fuh i Cuticun ka min kha an thurhhnawmhter.

AMOS 4:1

Nannih Samaria tlangcung i a tlongmi Bashan caw, sifak kha a hrem i retheimi kha a rial chih i vale kha, zu rak pu u, a ti lengmangmi hna, hihi ngai tuah u:

AMOS 8:4

“Sifakmi kha a rialchih i retheimi kha a ramhmi hna, hihi ngai tuah u;

MIKAH 3:9

Israel uktu hna, ka bia ngai tuah u, nannih dinnak kha a hua i ṭhatnak kha palhnak i a mertu hna, ngai tuah u.

MIKAH 6:12

Khuapi chung i mirum mi nih khan sifakmi kha an hrem hna, Cu hna cu mihrokhrawl lawngte an si dih.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

1TIMOTE 6:10

Tangka duhnak hi ṭhat lonak phun kip chuahnak hram a si. Mi a cheu cu tangka ngeih an duh tuk caah zumhnak kha an kaltak i ngaihchiatnak a phunphun an tong.