MIKAH 1:1 - Lai (Hakha) Common Language Bible 2006

¹ Mah hihi Judah siangpahrang Jotham, Ahaz le Hezekiah bawi lio i Moresheth khuami Mikah sinah Bawipa bia a phanmi cu a si; cu bia cu langhnak in Samaria le Jerusalem kong ah a hmuhmi a si.

MIKAH 1:1 Iomraidhean Croise

2 SIANGPAHRANG 15:32

Israel siangpahrang Remaliah fapa Pekah a bawi kum hnihnak ah, Judah siangpahrang Uzziah fapa Jotham cu pennak hram aa thawk.

2 SIANGPAHRANG 15:5

Bawipa nih siangpahrang cu a tuk i cucaah cun a thih ni tiangin mithinghmui a si i inn dangte ah a um. Cun siangpahrang fapa Jotham nih khan innchungkhar cu a zohkhenh i rammi kha a uk hna.

2 SIANGPAHRANG 16:1

Remaliah fapa Pekah a bawi kum hleisarihnak ah, Judah siangpahrang Jotham fapa Ahaz cu bawi hram aa thawk.

2 SIANGPAHRANG 18:1

Israel siangpahrang Elah fapa Hoshea a bawi kum thumnak ah, Judah siangpahrang Ahaz fapa Hezekiah cu bawi hram aa thawk.

2 CHANRELNAK 28:1

Ahaz cu pen hram a thawk ah kum kul a si i Jerusalem in kum hleiruk a pen. A hringsortu David bangin Bawipa mithmuh ah thil ding a tuah ve lo,

2 CHANRELNAK 29:1

Hezekiah cu kum kul le kum nga a ti ah pen hram a thawk i Jerusalem in kum kul le kum kua a pen. A nu min cu Abijah a si, Zekhariah fanu a si.

ISAIAH 1:1

Amoz fapa Isaiah sinah Pathian nih Judah le Jerusalem kongah Judah siangpahrang Uzziah, Jotham, Ahaz le Hezekiah hna chan i a hmuhmi langhnak hna.

ISAIAH 1:2

Bawipa nih aa thawh i, “Van le vawlei hna, Bawipa nih ka chimmi hi ngai tuah u. Ka cawm cia le ka ken cia ka fale nih hin an ka doh.

ISAIAH 7:1

Siangpahrang Ahaz nih Judah ram a uk lioah khan raldohnak pakhat a chuak. (Ahaz cu Jotham fapa a si i Jotham cu Uzziah fapa a si.) Siria siangpahrang Rezin le Israel siangpahrang Pekah nih Jerusalem kha an tuk, sihmanhsehlaw an la kho lo. (Pekah cu Remaliah fapa a si.)

ISAIAH 7:9

Israel cu Samaria khua nakin a ṭhawng deuh lo i Samaria cu Siangpahrang Pekah nakin a ṭhawng deuh fawn lo. “ ‘Na zumhnak a ṭhawn lo ahcun, na hmun hrimhrim lai lo,’ a ti, tiah hung chim,” a ti.

JEREMIAH 26:18

“Judah siangpahrang Hezekiah chan ah Moresheth khuami Mikah nih bia a chim i Judah ram mi vialte cu, hi hi Ralkapbu Bawipa bia a si: Zion cu thuanmi lei ah a cang lai i Jerusalem cu a rawkmi hnawmpon ah a cang lai, Biakinn tlang cu hlingbur hmun ah a cang lai, tiah a ti hna.

HOSEA 1:1

Judah mi hna siangpahrang Uzziah, Jotham, Ahaz le Hezekiah le Israel mi hna siangpahrang Jeroboam, Jehoash fapa, an bawi lio caan i Beeri fapa Hosea sinah Bawipa bia a rami:

HOSEA 4:15

Nannih Israel mi cu keimah sinah zumhawktlak loin um hmanh u law Judah mi tu cu, cu bantukin si ve sawh hna hlah seh. Gilgal ah siseh, Bethel ah siseh, va kal in Pathian va bia hlah u; A nungmi Pathian min chalh in khika ah biakamnak va tuah hlah u.

HOSEA 8:14

Israel nih inn ṭhaṭha kha a sak hna, sihmanhsehlaw a Sertu kha a philh cang. Judah nih kulhnak ralhau a ngeimi a khua kha a karhter luaimai hna, Sihmanhsehlaw a khua cu mei in ka duah hna lai i a inn ṭhaṭha hna cu a kangh dih hna lai.

AMOS 1:1

Hi bia hi Amos bia an si, amah cu Tekoa khuami, tuu zua pakhat a si ve i Israel kong ah langhnak a hmuhmi hna hi Judah siangpahrang Uzziah a bawi lio le Israel siangpahrang Jehoash fapa Jeroboam a bawi ve lio, li hninh hlan kum hnih ah khan a si.

AMOS 6:1

Zion ah nuam ngaiin a ummi hna le Samaria tlang cungah harnak tong loin a ummi hna, Nan cungah ningzahnak a tlung lai. Miphun hna lak i a ngan bikbik hna sinah khin va kal u law Annih cu va tlawng tuah hna u, Israel mi hna.

MIKAH 1:5

Mah hi vialte hi Jakob ṭhat lonak ruang le Israel sualnak ruangah a si. Jakob ṭhat lonak cu zeidah an si? Samaria khua chung i an tuahmi kha an si lo maw? Judah mi hna cu khuazei khuahrumbo ruangah dah dan ka tat hna lai? Jerusalem khua hi an khuahrumbo cu a si ko.

MIKAH 3:9

Israel uktu hna, ka bia ngai tuah u, nannih dinnak kha a hua i ṭhatnak kha palhnak i a mertu hna, ngai tuah u.

HABAKKUK 1:1

Profet Habakkuk nih langhnak in a hmuhmi bia:

2 PETER 1:21

Zeicahtiah profet bia cu minung duhnak chung menmen in a chuakmi a si lo, sihmanhsehlaw Pathian sinin a rami bia kha mi nih an chim tikah, Thiang Thlarau nih a fial hna caah a si.