MATTHAI 6:12 - Lai (Hakha) Common Language Bible 2006

¹² Mi nih kan cungah ṭhat lonak an tuahmi kan ngaihthiam hna bangin Kan ṭhat lonak cu kan ngaithiam ve ko.

Laibaibal Thiang (BSI)

¹² Lei a kan battu kan ngaihthiam hna bangin, kan leiba kha kan ngaithiam ve ko.

MATTHAI 6:12 Iomraidhean Croise

1 SIANGPAHRANG 8:30

Cun na salpa le na mi Israel mi hna nih hi hmun lei hoih in thla kan cam tikah, kan in nawlnak cu kan theihpiak ko; asi, na umnak hmun van khin run thei ko law, cun na theih tikah kan ngaithiam ko.

1 SIANGPAHRANG 8:34

van ah khin rak theihpiak hna law na mi Israel mi sualnak cu ngaithiam ko, cun an pupa hna sinah na rak pekmi ram ah khan kirpi ṭhan ko hna.

1 SIANGPAHRANG 8:39

khi tikah nang nih na umnak van khin rak theihpiak hna law ngaithiam hna law, tuah law an zulhmi lam vialte ning cio ah an lungthin nangmah nih na hngalh ko mi hna cu pe ko hna (zeitintiah nangmah, nangmah lawnglawng nih minung fa vialte hna an lung cu na hngalh);

1 SIANGPAHRANG 8:50

nangmah cungah a sualmi cu ngaithiam hna law nangmah cungah an palhnak vialte cu ngaithiam ko hna; cun sal ah a kalpitu hna nih khan an cungah zaangfahnak an ngeih nakhnga an hmuh hngan ah cun annih cu zaangfahnak pe ko hna,

SALM 130:4

Sihmanhsehlaw nangmah nih kan sualnak cu na kan ngaihthiam, cucaah nangmah cu kan in hmaizah.

SALM 32:1

A sualnak ngaihthiam a si i a palhnak maimilh a simi cu a lung aa lawm.

EXODUS 34:7

A biakamnak kha mi thong tampi cungah a hmunhter i palhnak le ṭhat lonak le sualnak kha a ngaihthiam hna; asinain an pale sualnak ruangah an fale le an tule kha a chan thum a chan linak tiang dantat a tlolh lomi a si,” tiah a au.

ISAIAH 1:18

Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

DANIEL 9:19

Maw Bawipa thei ko, maw Bawipa kan ngaithiam ko, maw Bawipa ngai law tuah ko; Mi vialte nih nangmah cu Pathian na si kha an hngalh naklai, rau sawh hlah. Hi khua le hi mi hna cu nangmah ta an si,” tiah ka ti.

MATTHAI 26:28

Hihi ka thi a si, biakam fehternak thisen, sual ngaihthiamnak ca i mi tampi ca i thletmi cu a si.

MATTHAI 9:2

A sinah khan mizengpa pakhat kha, a ihkhun in an rak zawnh. Jesuh nih an zumhnak kha a hmuh tikah mizeng pa cu, “Ka fapa, na lung dong hlah! Na sualnak cu ngaihthiam na si cang,” tiah a ti.

MARKA 11:25

Cun thlacam in nan dir tikah, an cung i thinhunnak nan ngeihmi paoh kha, ngaithiam hna u, vancung nan Pa zong nih nan sualnak kha an ngaihthiam khawh ve hna nakhnga,” tiah a ti.

LUKA 11:4

Kan cung i a sualmi hna kha kan ngaihthiam hna caah Kan sualnak kha kan ngaithiam. Cun a harmi hneksaknak kan phakter hlah,’ nan ti lai,” a ti.

LUKA 13:4

Siloam i innsang nih a nenhmi pahleiriat hna kha tah? Hiti an thihnak nih hin annih kha Jerusalem khua chung i a ummi midang vialte hna nakin an sual deuh tiah a langhter tiah nan ruah maw?

LUKA 6:37

“Midang kha va soi hna hlah u law nannih zong Pathian nih an soi ve hna lai lo; midang kha sual va phaw hna hlah u law nannih zong Pathian nih sual an phaw ve hna lai lo; midang kha an sualnak va ngaithiam hna u law nannih zong Pathian nih nan sualnak an ngaihthiam ve hna lai.

LAMKALTU 13:38

Ka u le ka nau hna, nan dihlak in nan hngalh awk cu, Jesuh thawng hin pei sual ngaihthiamnak bia nan sin i chim hi a si cu; Moses Nawlbia nih an luatter khawh lomi hna sualnak khan pei amah a zummi paohpaoh cu a luatter hna cu.

EFESA 1:7

Khrih thihnak nih kannih cu a kan luatter, cucu kan sualnak kha ngaihthiam kan si tinak a si. Pathian vel cu a va lianngan hringhran dah.

EFESA 4:32

Pakhat le pakhat cungah zaangfahnak lungthin le nemnak lungthin ngei u law Pathian nih Khrih thawngin an ngaihthiam hna bantukin pakhat le pakhat i ngaithiam u.

KOLOSE 3:13

Pakhat le pakhat lungsi lonak nan i ngeih tikah pakhat le pakhat i ngaithiam u law i bawm u. Bawipa nih an ngaihthiam hna bantukin pakhat le pakhat nan i ngaithiam lai.