MATTHAI 5:18 - Lai (Hakha) Common Language Bible 2006

¹⁸ Mah hihi philh hlah u! Van le vawlei an hmunh chung paohpaoh cu Phungbia hi a deh pakhatte hmanh siseh, a rin pakhatte hmanh siseh a rawk lai lo — zeizong vialte hi a donghnak an phak hlanah cun an rawk lai lo.

Laibaibal Thiang (BSI)

¹⁸ Zeitintiah biataktein kan chimh hna, lei le van an rawh hlan pauh cu Nawlbia chung i a deh hmete le a rin hmete zong an rawk lai lo. A dihlak i a tlinhlan pauh cu an rawk lai lo.

MATTHAI 5:18 Iomraidhean Croise

SALM 102:26

Van le vawlei cu an lo dih lai, sihmanhsehlaw nang cu na hmun lai; annih cu puan bangin an ṭet lai. Puan bangin na thlen hna lai i an lo lai;

SALM 111:8

zungzal in an hmun; biatak le dinnak in pek an si.

SALM 119:152

Na kan cawnpiaknak cu hlanlio piin ka rak hngalh cang, zungzal hmun dingin na ser hna.

ISAIAH 40:8

Asi, ram cu a car i pangpar cu a uai, sihmanhsehlaw kan Pathian bia cu zungzal in a hmun.

ISAIAH 44:26

Sihmanhsehlaw ka sal nih cun thil a chimchung tikah le ka timhmi phuan awkah lamkal ka thlah tikah, cu ka timhmi hna le chimchungmi thil hna cu ka tlinter hna. Jerusalem cu ka thawh i, na chungah mi an um ṭhan lai, Judah ram khua cu remh an si ṭhan lai tiah ka chimh. Hi khua hna cu an rawhnak chung khan an tho ṭhan lai.

ISAIAH 51:6

Van khi zoh tuah hna u, vawlei hi zoh tuah u. Van cu meikhu bangin a lo lai; vawlei cu thilpuan hlun bangin a ṭet lai i a mi vialte cu an thi dih lai. Sihmanhsehlaw ka rak putmi luatnak cu zungzal in a hmun lai; ka teinak cu zeitikhmanh ah a rawk kho lai lo.

MATTHAI 10:15

Mah hihi philh hlah u: Biaceih Ni ah Pathian nih, cu khuami nakcun Sodom le Gomorrah khuami kha a zaangfah deuh hna lai,” tiah a ti.

MATTHAI 10:23

Cun khua pakhat i an in hrem hna tikah, khua dang ah va zaam ko u. Hihi kan chimh hna: Mi Fapa a rat hlanah, Israel ram khua dihlak kha nan ṭol dih manh hna lai lo.

MATTHAI 10:42

Cun hihi philh hlah u! A ka zultu hna hi a ka zultu an si ruangah anmah lak i a nauta bik hmanh kha tikik hrai khat a pemi cu, laksawng kha a hmu hrimhrim lai,” tiah a ti.

MATTHAI 11:11

Hihi i cinken hmanh u: nu chungin a chuakmi lakah vawlei cungah hin Johan tlukin a nganmi ahohmanh an um lo; sihmanhsehlaw Vancung Pennak chung i a ummi hna lak i a hme bik hmanh Johan nakin a ngan deuh.

MATTHAI 13:17

Hihi philh hlah u: Nan hmuhmi le nan theihmi hi profet tampi hna le Pathian mi tampi hna nih hmuh le theih an duh na in an hmuh khawh lomi le an theih khawh lomi a si,” tiah a ti hna.

MATTHAI 16:28

Hihi philh hlah u. Mi Fapa cu Siangpahrang bantukin ka rat nan ka hmuh hlan cu a thi lo dingmi hika ah hin nan um,” tiah a ti hna.

MATTHAI 17:20

Jesuh nih cun, “Nan zumhnak a zat lo caah a si. Hihi va philh hlah u: Anṭam ci tiate hmanh zumhnak nan ngeih ahcun, hi tlang hi, ‘I thawn,’ ti u law aa thawn ko lai. Zei paohpaoh kha nan tuah khawh ko lai.

MATTHAI 18:18

“Cucaah nan dihlak in kan chimh hna: vawlei cungah nan khapmi thil paoh cu vancung zongah khap a si lai i vawlei cungah nan onhmi thil paoh cu vancung zongah awnh a si lai.

MATTHAI 18:3

“Nannih cu nan i thlen i ngakchia bantuk ah nan i can lo ahcun Vancung Pennak chungah nan lut bal lai lo.

MATTHAI 19:23

Jesuh nih a zultu cu a thawh hna i, “Vancung Pennak chung luh hi mirum caah cun a har ngaingai lai, tiah kan chimh hna.

MATTHAI 19:28

Jesuh nih cun, “Chan Thar chungah Mi Fapa hi ka bawi ṭhutdan cung i ka ṭhut tikah nannih a ka zultu hleihnih hna zong hi Israel mi phun hleihnih kha an biaceihpiak awkah bawi ṭhutdan cungah nan ṭhu ve lai.

MATTHAI 21:21

Jesuh nih cun, “Hihi philh hlah u: nan zumh i lung awṭawm lo tein nan um ahcun, hi theipi kung cung i ka tuahmi hi nan tuah khawh ve lai; cu lawng hmanh si loin hi tlang hmanh hi, ‘I ṭhial law rili chungah i paih,’ nan ti ahcun aa ṭhial lai i aa paih ko lai.

MATTHAI 21:31

A si ahcun, cu hna pahnih lakah khan aho nih dah an pa duhnak kha a tuah?” tiah a hal hna. Annih nih, “Upa u nih khan,” tiah an leh. Jesuh nih cun a thawh hna i, “Hihi kan chimh hna: Ngunkhuai khawltu hna le hlawhhlangnu hna nih Pathian Pennak chungah an in luhkanh cang hna lai hih.

MATTHAI 23:36

Hihi kan chimh hna: hi mi vialte hna ruang i dantatnak cu tu chan mi cungah hin a tlung lai.

MATTHAI 24:2

Aa thawh i, “Hihi nan hmuh cio ko hna a si lo mei? Sihmanhsehlaw hihi kan chimh hna: lung pakhat hmanh hi a umnak kel ah a ummi an um te lai lo, an dihlak tein chimh an si dih lai,” tiah a ti.

MATTHAI 24:47

Cu sal cu a bawipa nih a ngeihmi thil vialte zohkhenhtu ah a chiah hrimhrim lai, tiah kan chimh hna.

MATTHAI 25:12

Sihmanhsehlaw nupi ṭhi tlangvalpa nih cun, ‘Kan hngal hrimhrim hna lo,’ tiah a leh hna.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MATTHAI 25:45

Cun Siangpahrang nih khan, ‘Hihi kan chimh hna: misifak hramh nan duh hna lo paoh ah khan nan ka hramh duh lo a si,’ tiah a leh ṭhan ve lai.

MATTHAI 5:26

Biangai tein kan chimh, dan an in tatmi a dongh tiang khitkhet na in hlantiang thong ah cun na um lai.

MATTHAI 6:16

“Mi depde pawl nih rawl an ulh tikah hmaichia fiamfuam in an i umter bantukin nannih cu rawl nan ulh tikah i umter ve hlah u. Rawl an ul ti kan hngal hna seh tiin rawl ṭam hnianghnuang in an i chawk. Hihi philh hlah u! Annih nih cun an laksawng kha tling tein an hmuh cang.

MATTHAI 6:2

“Cucaah mi kha thil an herhmi nan pek hna tikah, mi depde pawl nih pumhnak inn le zatlang lam ah an tuah bantukin nan tuahmi cu vaa uangthlar hlah u. Annih nih cun, mi nih kan thangṭhat hna seh, tiin an tuah. Hihi philh hlah u! An tuah man cu tling tein pei an hmuh cang cu!

MATTHAI 8:10

Cu bia cu Jesuh nih a theih tikah a khuaruah a har i a zulmi mizapi hna cu, Hi pa bantukin zumhnak a ngeimi Israel mi hna lakah ahohmanh ka hmu rih hna lo.

MARKA 10:15

Mah hi philh hlah u. Pathian Pennak kha ngakchia nih an cohlan bantukin a cohlang lomi cu, ahohmanh Pathian Pennak chungah cun an lut lai lo,” tiah a ti.

MARKA 10:29

Cun Jesuh nih a thawh hna i, “A inn siseh, a lo siseh, a unau si hna seh, a farle si hna seh, a nu siseh, a pa siseh, a fale si hna seh, keimah le ṭhawngṭha ruangah a kaltakmi nih cun,

MARKA 11:23

Biatak kan chimh hna, ahohmanh nih hi tlang hi, ‘Tho law rili ah khin vaa paih,’ tiah zumh lonak zeihmanh um loin nan ti i, kan chimmi hi a tling lai, tiah nan zumh ahcun, tuahpiak nan si ko lai.

MARKA 12:43

Jesuh nih khan a zultu kha a kawh hna i, “Hi a si a fakmi nuhmeinu nih hin tangka kuang ah midang vialte nakin tam bik a sanh.

MARKA 13:30

Mah hihi philh hlah u: Hi thil vialte hi, atu i a nungmi hna an thih dih hlanah hin a tlung lai.

MARKA 14:18

Cabuai i rawl an ei lioah khan Jesuh nih a thawh hna i, “Nan lak i pakhat nih hin nan ka rawi lai, ka sin i rawl a eimi nih hin,” tiah a ti.

MARKA 14:25

Pathian Pennak chungah a thar in ka din ṭhan hlan cu, hi mitsur hang hi ka ding ti lai lo,” tiah a ti.

MARKA 14:30

Jesuh nih Peter cu, “Hihi philh hlah, ar voi hnih a khuan hlanah, ka hngal lo, tiah voi thum tiang na ka ti lai,” tiah a ti.

MARKA 14:9

Hihi philh hlah u: Vawlei cung khuazakip i thawngṭha an chimnak paoh ah hi nu nih a tuahmi hi amah philh lonak caah an chim camcin lai,” tiah a ti.

MARKA 3:28

“Hihi va philh hlah u. Minung hi an sualnak vialte le thil ṭhalo an chimmi vialte ngaihthiam khawh an si ko lai,

MARKA 6:11

Cun tluninn an in dawnh hna i nan bia an ngaih duh lo ahcun, cuka hmun cu nan kebeh va khawnhnawhtak u law va chuahtak u. Cucu an caah ralrin peknak a si lai,” a ti.

MARKA 8:12

Jesuh cu fak piin a hrum i, “Zeicahdah tu chan mi nih hin khuaruahharnak tuah nan ka fial? Ka tuah lai lo, cu bantuk hmelchunhnak cu tu chan mi hi kan pe hrimhrim hna lai lo,” tiah a ti.

MARKA 9:1

Cun a thawh hna i, “Biatak kan chimh hna, hika i a dirmi lakah hin, Pathian pennak a ṭhawnnak he a rat nan hmuh hlan cu, a thi lo dingmi tlawmpal nan um,” tiah a ti hna.

MARKA 9:41

Nannih cu Messiah zultu nan si ruangah mi nih ti hrai khat zong an in pek hna ahcun, cu hna cu laksawng hmu loin an um hrimhrim lai lo, ti kha va philh hlah u,” tiah a ti hna.

LUKA 11:51

Abel an nawnnak thawk in biakṭheng le hmunthiang karlak ah an thahmi Zekhariah tiangin. Asi, kan chimh hna, atu chan mi hi, cu mi vialte hna ruangah cun dantat an si lai.

LUKA 12:37

An bawipa nih inn a phak tikah i hlau le ralring tein a rak ummi a sal hna caah cun lunglawmh awk a va si dah! Hihi kan chimh hna: a taisawm kha aa sawmh lai i a ṭhutter hna lai i a bultawl hna lai.

LUKA 13:35

Zohhmanh, na biakinn cu Pathian nih a hlawt cang. Cun hihi kan chimh, nangmah nih, ‘Bawipa min in a rami cu a cungah thluachuahnak um ko seh,’ na ti caan a phak hlan cu na ka hmu ti lai lo,” tiah a ti.

LUKA 16:17

Sihmanhsehlaw Phungbia chung i a deh hme bikte hmanh a loh nakin van le vawlei loh hmanh kha a fawi deuh lai.

LUKA 18:17

Hihi philh hlah u: Pathian Pennak hi ngakchia nih a rak i cohlan bantukin a cohlang lomi cu, cu Pennak chungah cun an lut bal lai lo,” tiah a ti.

LUKA 18:29

Jesuh nih a leh i, “Asi, na chimmi cu ahmaan, cun hihi kan chimh hna: Pathian Pennak ruangah inn siseh, nupi siseh, unau siseh, nu le pa si hna seh, fale si hna seh, a kaltakmi cu

LUKA 23:43

Cun Jesuh nih cun, “Mah hihi kan chimh: nihin ah Paradis ah keimah sinah na um lai,” a ti.

LUKA 4:24

Cucaah hihi kan chimh hna: Profet cu amah chuahkehnak khua ah cun conglawmh a tong bal lo.

JOHAN 1:51

Cun annih cu a thawh hna i, “Hi biatak hi kan chimh hna: Van kha aa hun i Pathian vancungmi hna cu Mi Fapa cung i an ṭum le an kai kha nan hmuh lai,” tiah a ti.

JOHAN 10:1

“Biatak kan chimh hna: tuukawm chungah innka in a lut lo i kaa dang in a kaimi cu mifir le damiah an si.

JOHAN 10:7

Cucaah Jesuh nih annih cu a thawh ṭhan hna i, “Biatak kan chimh hna: Tuu luhnak kutka cu keimah hi ka si.

JOHAN 12:24

Biatak kan chimh hna: facang ci pakhat cu vawlei ah tuh a si i a thih ta lo ahcun pakhat lawng a si peng ko. A thih ta lawngah facang mu dang tampi a chuahter khawh.

JOHAN 13:16

Biatak kan chimh hna: sal cu a bawipa nakin a ngan deuh bal lo; fialmi zong a fialtu nakin a ngan deuh bal lo.

JOHAN 13:38

Jesuh nih cun, “Ka caah thih cu na ngamh ngai hnga maw? Biatak kan chimh: ar a khuan hlanah voi thum, amah cu ka hngal lo, na ka ti lai,” tiah a leh.

JOHAN 14:12

Biatak kan chimh hna: Keimah a ka zummi paoh nih ka tuahmi thil hi an tuah khawh ve lai — hi hna nakin a ngan deuhmi hmanh an tuah khawh hna lai, zeicah ti ahcun, ka Pa sinah ka kal lai caah a si.

JOHAN 16:20

Biatak kan chimh hna: nannih cu nan ṭap nan ai len lai, sihmanhsehlaw vawlei cu aa lawm lai; nan ngaih a chia lai, sihmanhsehlaw nan ngaihchiatnak cu lunglawmhnak ah a cang te lai.

JOHAN 16:23

“Cu ni a phak tikah cun keimah cu zeihmanh nan ka hal lai lo. Biatak kan chimh hna: Ka Pa nih ka min in nan halmi paoh cu an pek hna lai.

JOHAN 21:18

Biatak kan chimh: na no lioah cun nangmah nih na taisawm kha naa sawmh i na duhnak paoh ah na kal tawn; sihmanhsehlaw na tar tikah cun na kut na zao hna lai i midang nih na kut cu an ṭem hna lai i na duh lonak hmun ah khan an in kalpi lai,” tiah a ti.

JOHAN 3:11

Biatak tein kan chimh: kannih cu kan hngalhmi kha kan chim i kan hmuhmi kha tehte kan khan, sihmanhsehlaw kan chimmi cu ahohmanh nih cohlan nan duh lo.

JOHAN 3:3

Jesuh nih cun, “Biatak tein kan chimh: Ahohmanh hrin ṭhan a si lo ahcun Pathian Pennak kha a hmu kho lai lo,” tiah a leh.

JOHAN 3:5

Jesuh nih cun, “Biatak tein kan chimh: ahohmanh ti le thlarau in hrin a si lo ahcun Pathian Pennak chungah cun a lut kho lai lo.

JOHAN 5:19

Cucaah Jesuh nih annih cu a leh hna i, “Biatak kan chimh hna: Fapa nih hin keimah nawl lawngin zeihmanh ka tuahmi a um lo; ka Pa nih a tuahmi ka hmuhmi lawng kha ka tuah hna. Ka Pa nih a tuahmi cu Fapa zong nih ka tuah ve hna.

JOHAN 6:26

Jesuh nih cun, “Biatak kan chimh hna: nan ka kawl hi ṭhawnnak in ka tuahmi thil nan hngalh caah khan a si lo; nan duh zat in changreu nan ei caah khan a si ko.

JOHAN 6:32

Jesuh nih cun, “Biatak kan chimh hna: Moses nih a rak in pekmi hna kha cu vancung changreu kha a si lo, vancung changreu taktak an petu hna cu ka Pa hi a si.

JOHAN 6:47

Biangai kan chimh hna: a zummi cu zungzal nunnak an ngei.

JOHAN 6:53

Jesuh nih khan annih cu, “Biatak kan chimh hna: Mi Fapa ka sa hi nan ei lo i ka thi hi nan din lo ahcun nan chungah nunnak nan ngei kho lai lo.

JOHAN 8:34

Jesuh nih cun a thawh hna i, “Biatak kan chimh hna: a sualmi paoh cu sualnak sal an si.

JOHAN 8:51

Biatak kan chimh hna: Ka bia a zulmi cu zeitikhmanh ah an thi lai lo,” tiah a leh hna.

JOHAN 8:58

Jesuh nih cun, “Biatak kan chimh hna: Abraham hlanah ka um cang,” tiah a leh hna.

1 PETER 1:25

Sihmanhsehlaw Bawipa bia cu zungzal in a hmun.” Thawngṭha nih an chimhmi hna bia cu hi bia hi a si.

BIAPHUAN 20:11

Cun bawiṭhutdan raangpi le a cung i a ṭhumi kha ka hmuh hna. A cung i a ṭhumi hmaika cun vawlei le van kha an zaam i an um ti lo.