MATTHAI 26:4 - Lai (Hakha) Common Language Bible 2006

⁴ a thli tein Jesuh kha tlaih i thah ding kha khua an khang.

Laibaibal Thiang (BSI)

⁴ Jesuh cu hlenthawinâk hmangin tlaih i thahnâk ding khua an khâng.

MATTHAI 26:4 Iomraidhean Croise

GENESIS 3:1

Bawipa Pathian nih a sermi saram hna lakah rul hi a zer bik. Rul nih cun minu kha a thawh i, “Dum chung i a ummi thingthei hi a zeihmanh nan ei lai lo tiah Pathian nih an ti taktak hna maw?” tiah a hal.

SALM 2:2

An siangpahrang hna le an uktu bawi hna nih Bawipa le Bawipa nih a thimmi siangpahrang doh awk khua an khan.

PHUNGTHLÛKBIA 24:15

Miṭha mi cu a inn ah miṭhalo nih an bawh bangin va bawh hlah, a lo zong kha va chut hlah;

MATTHAI 12:14

Cun Farasi mi hna cu an kal i Jesuh thah khawhnak ding khua kha an khang.

MATTHAI 23:33

Rul hna, rul fale hna. Zeitindah hell chung tla ding i biaceihnak cu kan luat kho lai tiah nan i ruah?

MARKA 14:1

Atu cu Lanhtak Puai le Thilnu Cawh Lo Changreu Puai kha ni hnih lawng a duh cang. Tlangbawi upa hna le Phungbia cawnpiaktu saya pawl hna kha, Jesuh cu a thli tein tlaih i thah khawhnak ding lam kha an kawl.

JOHAN 11:53

Cu ni thawk cun Judah upa hna nih khan Jesuh thahnak khua kha an khang lengmang.

LAMKALTU 13:10

“Khuachia fa! Nangmah hi a ṭhami thil paohpaoh dohtu na si; nangmah hi hlennak ṭhalo a phunphun in na khat, Bawipa biatak hi lih i canter naa zuam zungzal.

LAMKALTU 7:19

Kan miphun kha a rak hlen hna i a kan hringsortu hna kha a rak hrem hna, an fale kha an thih nakhnga an inn chungin lengah a rak chiahter hna.

2 KORIN 11:3

Evi cu rul nih a zernak le lih in a hlen bantuk khan nannih zong nan lungthin kha a thu sual lai i thiang tein Khrih nan tlaihchannak kha nan ngol sual lai ti ka phang.