MATTHAI 19:5 - Lai (Hakha) Common Language Bible 2006

⁵ ‘cucaah pa nih a nu le a pa kha a kaltak hna lai i a nupi he an i fon lai i cu hna pahnih cu pum khat an si lai, tiah Sertu nih cun a ti,’ timi Cathiang chung ṭialmi kha nan rel bal lo maw?

Laibaibal Thiang (BSI)

⁵ ‘Hiruangah hin pa nih anu le apa a kaltâk lai i a nupi â tlaih lai; cuticun titsa pumkhat an si cang lai,’ a ti, timi hi nan rel bal lo maw?

MATTHAI 19:5 Iomraidhean Croise

GENESIS 34:3

A lungthin cu Jakob fanu Dinah cung lawngah cun a um i ngaknu cu a dawt i bia thlumthlum in a chawnh.

2 SAMUEL 1:26

Ka nau Jonathan, Nangmah cu kan ngai, Zeitluk in dah ka caah na sun Na ka dawtnak cu khuaruahhar a si, nu dawtnak kha a hluan.

1 SIANGPAHRANG 11:2

Bawipa nih Israel mi sinah, “Nannih nih nan ṭhi hna in nan la hna lai lo i annih zong nih in ṭhi hna in, in la ve hna hlah seh, zeitintiah annih nih nan lung kha an pathian hna leiah an in mer hrimhrim ko hna lai,” tiin a rak chimmi miphun hna nu kha a duh hna i aa tlaih peng hna.

SALM 45:10

Siangpahrang bawipa i a ngaknu, ka chimmi hi ngai tuah — na mi le na rualchan kha philh ta hna.

SALM 63:8

Nangmah kha kan tlaihchan i na kut nih him tein an ka umter.

MALAKHI 2:15

Pathian nih nangmah cu amah he pum khat le thlarau khat in an ser lo maw? Cu bantukin a tuahmi ah cun aa tinhmi zeidah a si? Aa tinhmi cu Pathian a ṭihzahmi fale ngeih kha a si. Cucaah ahohmanh nih nan nupile kha zumhawktlak loin nan umtak hna lai lo.

MATTHAI 19:6

Cucaah pahnih an si ti lo i pakhat an si cang. Pathian nih a fonhmi hna cu ahohmanh nih ṭhen hna hlah seh,” tiah a ti.

ROM 12:9

Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.

1 KORIN 6:16

Hlawhhlangnu pum ah a pum a va fonhmipa kha, hlawhhlangnu he cun titsa khat an si ti kha nan hngal rua lo. Cathiang nih fiang tein a chimmi cu, “Cu hna pahnih cu pum khat an si lai,” ti hi a si.

1 KORIN 7:2

Sihmanhsehlaw sualpalhnak a tam tuk hringhran caah hin, pa nih mah nupite i ngeih seh law nu nih mah vate i ngeih seh.

1 KORIN 7:4

Nu hi amah pum bawi a si lo, a pum bawi cu a va kha a si; cu bantuk ṭhiamṭhiam in pa zong cu amah pum bawi a si ve lo, a pum bawi cu a nupi kha a si.

EFESA 5:31

Cathiang nih a ti bangin, “Hi ruangah hin pa nih a nu le a pa kha a kaltak hna lai i a nupi he khan an i komh lai i an pahnih in pum khat an si cang lai.”

DEUTERONOMI 10:20

Bawipa na Pathian cu na ṭih lai; a rian na ṭuan lai i amah ah naa bek lai i amah min chalh in chiat na ser lai.

DEUTERONOMI 11:22

Zeitintiah tuah awk i nawl kan pekmi hna nawlbia hi a dihlak in, Bawipa nan Pathian dawt le amah lam vialte zulh le amah leiah i bek cu ṭha tein nan tuah ahcun,

DEUTERONOMI 4:4

sihmanhsehlaw nannih Bawipa nan Pathian fek tein aa tlaihmi vialte cu nihin tiang nan nung rih.

1 SAMUEL 18:1

Saul sinah bia kha a chim dih tikah, Jonathan nunnak cu David nunnak ah aa ṭhitchih i Jonathan nih amah nunnak aa dawt tluk khan a dawt.

1 SAMUEL 25:43

David nih Jezreel khuami Ahinoam zong kha a lak i an pahnih in a nupi ah an cang.