MATTHAI 19:16 - Lai (Hakha) Common Language Bible 2006

¹⁶ Voi khat ah mipa pakhat cu Jesuh sinah khan a ra i, “Saya, zungzal nunnak co awkah thil ṭha zeidah ka tuah awk a si?” tiah a hal.

Laibaibal Thiang (BSI)

¹⁶ Cun zohhmanh, mi pakhat a ra i a sinah, “Cawnpiaktu Ṭha zungzal nunnâk ngeih awkah zei bantuk ṭhatnâk dah ka tuah lai,” tiah a ti.

MATTHAI 19:16 Iomraidhean Croise

DANIEL 12:2

Leidip chungah a itmi hna lakin tampi cu an hun i ṭhang lai, a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai.

MATTHAI 19:15

An cungah a kut a chuan i a kal.

MATTHAI 19:26

Jesuh nih dengteo in a vun zoh hna i, “Hihi minung caah cun a si kho lo, sihmanhsehlaw Pathian caah cun zeizong vialte hi a si kho ko,” tiah a leh hna.

MATTHAI 19:29

Cun keimah ruangah a inn siseh, a lo siseh, a u siseh, a nau siseh, a farle si hna seh, a pa siseh, a nu siseh, a fale si hna seh, a kaltakmi hna cu a let za khat in a hmuh ṭhan lai i zungzal nunnak kha pek a si lai.

MATTHAI 25:46

Hi hna cu zungzal hremhmun ah khan kalter an si lai: a dingmi cu zungzal nunnak ah khan an kal lai,” tiah a ti.

JOHAN 10:28

Annih cu zungzal nunnak kha ka pek hna i an thi bal lai lo; cun ahohmanh nih annih cu an ka chut kho fawn lai lo.

JOHAN 12:25

Ahopaoh, a nunnak a dawmi nih cun a nunnak cu a thlau lai: hi vawlei cung i a nunnak a huami nih zungzal nunnak ah cun aa chiah lai.

JOHAN 3:15

Cucaah cun amah a zummi paoh nih zungzal nunnak an ngei lai.

JOHAN 4:14

sihmanhsehlaw keimah nih ka pekmi ti a dingmi paoh cu zeitikhmanh ah an ti a hal ṭhan ti lai lo. Ka pekmi ti cu a chungah zungzal nunnak petu cerhtiput ah a cang lai,” tiah a ti.

JOHAN 5:39

Cathiang chung kha ṭha tein nan kawl, cu nan kawl cu, Cathiang chungah cun zungzal nunnak kan hmuh hmanh hnga maw tiah ruahnak nan ngeih caah a si; asinain Cathiang nih an dihlak in an chimmi cu, keimah kong a si ko.

JOHAN 6:47

Biangai kan chimh hna: a zummi cu zungzal nunnak an ngei.

JOHAN 6:68

Simon Peter nih a hun leh i, “Bawipa, aho sinah dah kan kal hnga? Zungzal nunnak bia a ngeitu cu nangmah pei na si cu.

LAMKALTU 16:30

Cun annih cu a thawh hna i, “Ka bawipale hna, khamhnak hmuhnak dingah zeidah ka tuah lai?” tiah a ti.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

ROM 5:21

Cucaah sualnak nih cun thihnak kha hmang in a kan uk bantukin Pathian vel nih cun dinnak kha hmang in a kan uk i Jesuh Khrih kan Bawipa thawngin zungzal nunnak ah a kan kalpi.

1TIMOTE 1:16

sihmanhsehlaw hi ruang thengte ah hin Pathian nih ka cung i zaangfahnak a ngeih cu a si. Cu bantukin Pathian nih a ka zaangfah i misual mi hna lak i a sual bikmi keimah cungah Khrih Jesuh nih a lungsaunak le a thinfualnak a langhter cu, hmailei ah a hun zum i cu zumhnak thawngin zungzal nunnak a hmumi hna caah zohchunh awk siseh ti kha a duh caah a si.

1TIMOTE 6:12

Zumhnak tlik zuamnak ah hin na tha ngeihmi dihlak in i zuam law zungzal nunnak kha co i zuam. Tehte tampi hmaiah na zumhnak na rak phuan ah khan Pathian nih an kawhnak cu hi nunnak hmuh awk caah hin a rak si.

1TIMOTE 6:19

Cu bantukin an tuahmi cu hmailei an hram fehnak ding ca i ro an i khon a si. Cun nunnak taktak a simi nunnak cu an hmuh khawh lai.

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

TITAS 3:7

cucaah a vel ruangah Pathian he cun kan i rem i kan i ruahchanmi zungzal nunnak kha kan hmuh.

1JOHAN 1:2

Cu nunnak cu hmuh khawhmi i a hung can tikah kannih nih khan kan rak hmuh; cucaah cu kong cu kannih nih kan chim i Pa he a rak um ṭimi zungzal nunnak, kannih sinah langhter a simi kong kha kan in chimh hna.

1JOHAN 2:25

Cun cucu Khrih hrimhrim nih kan pek hna lai tiah bia a kan kammi kha a si — zungzal nunnak cu.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.

JUDAS 1:21

Pathian dawtnak chungah khan um ko u. Cun kan Bawipa Jesuh Khrih nih zaang an fah hna ruang i zungzal nunnak an pek hna lai ni cu hngak ko u.