MATTHAI 18:4 - Lai (Hakha) Common Language Bible 2006

⁴ Vancung Pennak chung i a ngan bik cu mi toiah aa dor i hi ngakchia bantuk ah aa cangmi cu a si.

Laibaibal Thiang (BSI)

⁴ Cucaah hi ngakchia bantuk i toidormi pauh cu vanbawi pennâk ah mingan bik an si lai.

MATTHAI 18:4 Iomraidhean Croise

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

MATTHAI 18:1

Cu caan ah cun a zultu hna kha Jesuh sinah khan an ra i, “Vancung Pennak ah ahodah a ngan bik?” tiah an hal.

MATTHAI 18:3

“Nannih cu nan i thlen i ngakchia bantuk ah nan i can lo ahcun Vancung Pennak chungah nan lut bal lai lo.

MATTHAI 18:5

Cun ngakchia hi bantuk pakhatkhat kha ka min in nan conglawmh hna ahcun, keimah nan ka conglawmh a si.”

MARKA 10:43

Sihmanhsehlaw nannih cu hi bantukin nan si awk a si lo. Mi ngan si a duhmi cu nan sinum a si awk a si,

MARKA 9:34

Lampi i an i almi cu, kan lakah hin ahodah a ngan bik, ti kha a si caah an let ngam lo.

LUKA 14:11

Amah le amah a ngan ah aa chiami cu nauta ah chiah a si lai i mi tangah aa dormi cu mi ngan ah ser a si lai,” tiah a ti.

LUKA 9:48

annih cu, “Ka min in hi ngakchiate tluninn a onhtu nih keimah tluninn a ka onh a si, cun keimah tluninn a ka onhtu nih keimah a ka thlahtu tluninn a onh kha a si. Zeicahtiah nan lak i a hme bikmi cu a ngan bikmi a si,” tiah a ti.

JEIM 4:10

Bawipa hmaiah toidor tein um u law amah nih an hlorh hna lai.

1 PETER 5:5

Cu bantuk ṭhiamṭhiam in, nannih a no deuh pawl zong nih upa deuh pawl kha an nawl nan zulh hna lai. Nan dihlak in toidornak puan kha i aih u law pakhat le pakhat i bawm u, zeicahtiah Cathiang nih “Pathian nih milungpuam cu a doh hna i mitoidor cu a vel kha a pek hna,” a ti.