MATTHAI 1:12 - Lai (Hakha) Common Language Bible 2006

¹² Babilon i sal i an kalpi hna hnuah: Jekhoniah cu Shealtiel pa a si; Shealtiel cu Zerubbabel pa a si;

Laibaibal Thiang (BSI)

¹² Babilon saltân hnu ah Jekoniah nih Shealtiel a hrin i Shealtiel nih Zerubabel a hrin.

MATTHAI 1:12 Iomraidhean Croise

2 SIANGPAHRANG 24:14

Jerusalem mi vialte le bawi vialte le ralṭha le miṭhawng vialte, tlaihmi thong hra, cun zungthiam le soser vialte cu a kalpi dih hna; ram chung i sifak bikmi hna dah ti lo cu ahohmanh an tang lo.

2 SIANGPAHRANG 25:27

Judah siangpahrang Jehoiachin sal i a tan kum sawm thum le kum sarihnak, thla hleihnihnak thla a ni kul le ni sarihnak ni ah, Babilon siangpahrang Evil-merodak nih, Judah siangpahrang cu a zaangfah caah thong chungin a chuah, cu kum cu siangpahrang a can kum a si;

1 CHANRELNAK 3:17

cun ral tlaihmi Jekoniah i fapa hna cu: a fapa Shealtiel,

EZRA 3:2

Khi tikah Jozadak fapa Jeshua cu a tlangbawi hawi hna he, cun Shealtiel fapa Zerubbabel cu a phun hawi hna he, an tho i, Pathian mi Moses cauk chungah aa ṭial bangin, a cung i khangh thawinak pekchanh awkah Israel Pathian i a biakṭheng cu an ser.

EZRA 5:2

Khi tikah Shealtiel fapa Zerubbabel le Jozadak fapa Jeshua kha an tho i Pathian inn Jerusalem i a ummi kha remh ṭhan hram an thawk; cun an sinah cun Pathian profet kha an um i an bawmh hna.

NEHEMIAH 12:1

Shealtiel fapa Zerubbabel le Jeshua he a rami tlangbawi hna le Levi mi hna cu mah hna hi an si: Seraiah, Jeremiah, Ezra,

JEREMIAH 22:24

“Ka nun bangin,” tiah Bawipa nih a ti: Jehoiakim fapa Koniah, Judah Siangpahrang cu ka orhlei kut cung i min khenhnak kutdonghrolh na si ti lai lo. Koniah, nangmah cu kan phawi lai.

JEREMIAH 22:28

Hi mipa Koniah hi mi nawl lawng in a ummi, zeihmanh i rel awk tlak lo le santlailo, ahohmanh i duh lomi thil a si maw? Amah le a fale hna cu an hngalh bal lomi ram ah hlonh vurmar le dawi an si hi zeidang ruangah a si hnga maw?

JEREMIAH 22:30

“Hi pa hi upatnak vialte chuh dihmi, Amah chan chung i a hlawhtling lo ding, David bawiṭhutdan cung i ṭhu ding siseh, Judah ram chung a uktu ding siseh, Tefa zeihmanh a thlau lomi, tiin ṭial tuah,” tiah Bawipa nih a ti.

JEREMIAH 27:20

Jerusalem in Babilon ah a kalpi hna tikah khan, Nebukhadnezzar nih a kalpi lomi hi khua chungah a tangmi tung hna le dar hmaihum nganpi le a dirnak ke hna le umkheng dang vialte hna kong ah Bawipa bia cu hihi a si.

HAGGAI 1:1

Siangpahrang Darius a bawi kum hnih kum, thla ruknak thla, a ni khat ni ah profet Haggai sinin Shealtiel fapa Zerubbabel, Judah ram uktu bawi le Jehozadak fapa Joshua, Tlangbawi Ngan sinah cun Bawipa bia cu a phan.

HAGGAI 1:12

Shealtiel fapa Zerubbabel, Jehozadak fapa Joshua Tlangbawi Ngan le a tangmi midang hna nih khan Bawipa an Pathian nih a chimmi cu an ngaih i Bawipa an Pathian nih profet Haggai kha a rak thlah tikah a chimmi kha an ngaih i Bawipa ruangah cun ṭihnak in an khat.

HAGGAI 1:14

“Bawipa nih, ‘Nan sinah ka um ko,’ a ti,” tiah a ti. Khi tikah Bawipa nih, Shealtiel fapa Zerubbabel, Judah ram uktu bawi le Jehozadak fapa Joshua, Tlangbawi Ngan kha le midang hna cu an lung a thawhter hna i thla ruk thla ni kul le ni li ni Darius a bawi kum hnihnak ah cun an ra i

HAGGAI 2:2

Shealtiel fapa Zerubbabel, Judah ram uktu bawi, Jehozadak fapa Joshua, Tlangbawi Ngan, le midang hna cu a thawh hna i,

HAGGAI 2:23

Cu ni ah cun ka sal Zerubbabel, Shealtiel fapa, nangmah cu kan lak lai i kan thim cang caah minkhenhnak kutdong hrolh ah kan ser lai, tiah Bawipa nih a ti, tiah va chim,” a ti. Hihi ralkapbu Bawipa bia a si.

MATTHAI 1:11

Josiah cu Jekhoniah le a naule hna i an pa a si; cu caan ah cun Israel mi cu Babilon ram ah sal ah an kalpi hna.

MATTHAI 1:13

Zerubbabel cu Abiud pa a si; Abiud cu Eliakim pa a si; Eliakim cu Azor pa a si;

MATTHAI 1:17

Cucaah Abraham in David tiangah chan hleili, David in Babilon i sal i an tan tiangah chan hleili, sal i an tan in Messiah chuah tiangah chan hleili a si.

LUKA 3:27

Joda cu Joanan fapa a si, Joanan cu Resa fapa a si, Rhesa cu Zerubbabel fapa a si, Zerubbabel cu Shealtiel fapa a si; Shealtiel cu Neri fapa a si;