MARKA 9:48 - Lai (Hakha) Common Language Bible 2006

⁴⁸ Cuka ah cun an tho lung kha an thi ti lo i mei kha a mit ti lo.

Laibaibal Thiang (BSI)

⁴⁸ Cuka ah an tholung a thi bal lo i an mei a mit bal lo.

MARKA 9:48 Iomraidhean Croise

ISAIAH 66:24

“An chuah pah ah a ka dohtu hna an ruak kha an hmuh lai. An sa a eitu tholung kha zeitikhmanh ah an thi lai lo i a kanghtu hna mei kha zeitikhmanh ah a mit lai lo. Annih cu an hmuh hna tikah mi vialte cu an luak a chuak lai.”

JEREMIAH 4:4

Bawipa rian ṭuan awk caah nan cuarpar i tan u, nan lung cuarpar i tan u, Maw Judah ram mi hna le Jerusalem khuami hna; Cu ti a si lo ahcun, ṭhat lonak nan tuahmi ruangah khan ka thinhunnak kha mei bangin a alh lai i Hmih khawh lo in a kang sual lai.”

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

MATTHAI 3:12

A kut in facang zahnak sisiap cu aa put i rawl cu a zah dih hna lai; a fang cu buk ah a rawn hna lai i a hi cu a mit lomi mei in a khangh hna lai,” tiah a ti.

MARKA 9:49

“A mi kip kha mei in cite bantukin alter an si lai.

LUKA 3:17

Amah nih cun a ṭalawn kha aa put i rawl kha a zah hna lai; a fang ṭha cu buk chungah a rawn hna lai, sihmanhsehlaw a hi cu a mit lomi mei chungah a khangh hna lai,” tiah a ti.