MARKA 9:25 - Lai (Hakha) Common Language Bible 2006

²⁵ Jesuh nih cun zapi nih an naih chin lengmang hna kha a hmuh tikah, thlarau ṭhalo cu, “A hna zong a chet i a holh zong a holh kho lomi thlarau, ngakchiapa chung khan chuak law a luh zong lut ṭhan ti hlah, kan ti,” tiah a ti.

Laibaibal Thiang (BSI)

²⁵ Mizapi an rak tlik len kha Jesuh nih a hmuh i thlarau thur cu a rak sik, thlarau holh kho lo le hnachet pa, nawl kan pêk, a chungin chuak law, lut ti hlah, tiah a ti.

MARKA 9:25 Iomraidhean Croise

ZEKHARIAH 3:2

Bawipa nih Satan cu a thawh i, “Satan, nangmah cu Bawipa nih kan sik, Jerusalem khua a thimtu Bawipa nih kan sik. Hi mipa hi mei chungin chuahmi mei thingthu a si lo maw?” tiah a ti.

MATTHAI 12:22

Cun Jesuh sinah cun, mipa pakhat khuachia nih a tuah ruangah a mit a caw i a holh kho lomi kha an ratpi. Jesuh nih cun a rak damter i cucaah a holh kho i khua zong a hmu kho.

MATTHAI 17:18

Jesuh nih khuachia cu, chuak, a ti i a chuak i cu caan thawk te cun ngakchiapa cu a dam colh.

MARKA 9:15

Mizapi nih khan Jesuh cu an hmuh cangka in an lau i an va tli i an va don.

MARKA 9:24

Cun a pa cu a au i, “Ka zumh ko, sihmanhsehlaw a za lo, ka bawm tuah!” tiah a ti.

MARKA 9:26

Khuavang nih cun ngakchiapa cu mah hngal loin a vun tuahtak i cun a chuak. Ngakchiapa cu miruak bantuk a si ko, cucaah aho paoh nih, “A thi,” an ti.

LUKA 11:14

Jesuh nih a holh kho lomi khuachia kha a ṭhawl i cu khuachia cu a chuah tikah mipa cu holh hram aa thawk. Mizapi cu an khuaruah a har ko,

LUKA 4:35

Jesuh nih thlarau cu, “Dai tein um law, mipa chung khan chuak,” tiah a ti. Khuachia nih cun mipa cu an dihlak hmaika ah khan a thluk i a cungah zeihmanh ṭhat lonak tuah loin a kaltak.

LUKA 4:41

Mi tampi chungin khuachia zong kha an chuak i an chuahpah ah cun, “Nangmah cu Pathian Fapa na si,” tiah an au. Sihmanhsehlaw annih cu a sik hna i holh a thlauh hna, zeicahtiah Messiah a si kha an hngalh.

LUKA 8:29

Jesuh nih thlarau ṭhalo kha a chungin chuak tiah nawl a pek caah hitihin a tinak cu a si. Thlarau ṭhalo nih khan voi tampi a tlaih tawn i kan tuahhmawh sual lai kaw tiah a kut le a ke kha thir cikcin in an ṭem tawn nain cikcin cu a chah dih hna i ramlak ah cun khuachia nih cun a lohpi tawn.

LUKA 9:42

Ngakchiapa cu a rat lioah khan khuachia nih cun vawlei ah a thluk ciammam i i let cukmak in a tuah. Jesuh nih thlarau ṭhalo cu a sik i ngakchiapa cu a damter i a pa sinah khan a pek ṭhan.

LAMKALTU 16:18

Cuticun ni tampi a au lengmang hnuah Paul cu a ing a puanh i a hnulei ah aa mer i khuavang cu, “Jesuh Khrih min in amah chung khan chuak kan ti,” tiah a ti. Cu cangka cun khuachia cu a chung khan a chuak.

JUDAS 1:9

Vancungmi lak i upa bik Mikhael hmanh, cu bantuk cun a um lo. Moses ruak cu aho nih dah a co lai, ti i Khuachia he an i al lioah khan, Mikhael nih cun Khuachia kha serhsat in sual a phaw ngam lo. “Bawipa nih an sik,” ti tu in a ti.