MARKA 9:12 - Lai (Hakha) Common Language Bible 2006

¹² Jesuh nih cun, “Zeizong vialte rak timh chung awkah Elijah cu a ra hmasa taktak ko. Asinain, zeicahdah Cathiang nih, Mi Fapa nih temhinnak tampi a huah lai i a hlawt zong hlawt a si lai, tiah a ti hnga?

Laibaibal Thiang (BSI)

¹² A leh hna i, “Elijah cu a rat hmasat awk a si, zeizong vialte a remh dih lai. Mi Fapa kongah thil tampi tuarin mi zawmhtaih in a um lai, tiah zeiruangahdah an rak ṭial hnga?

MARKA 9:12 Iomraidhean Croise

SALM 74:22

Maw Pathian, tho law na bia kha chim tuah! Nangmah zei ah an rel lomi nih chun nitlak in nihchuak i an in saih kha philh hlah.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

ISAIAH 50:6

A ka tumi kha ka keng ka chit ko hna, an ka serhsat tikah ka kham hna lo, ka khahmul an ka phawipiak i ka hmia i cil an ka chak ah khan zeihmanh ka ti hna lo.

ISAIAH 52:14

An rak hmuh ah khan mi tampi cu an khuaruah a har; a muihmai cu a rak rawk tuk hringhran i minung hmanh a lo lo.

ZEKHARIAH 11:13

Bawipa nih a ka thawh i, “Tangka chiahnak chungah khan hlonh tuah hna,” a ka ti. Cun ka man caah a za ti i an tuakmi tangka ngun phar sawm thum cu ka lak i Bawipa inn chungah khan, tangka chiahnak chungah khan ka hlonh hna, cu tangka cu na man lo, tiah an ka hlawt.

ZEKHARIAH 13:7

Mah hihi ralkapbu Bawipa bia hrimhrim a si: “Maw vainam, ka tuukhal le keimah he rian a ṭuan ṭimi doh awkah i hlau tuah. Tuukhal kha tu law tuu cu i ṭhek hna seh, an fale kha ka kut ka lekhnawh hna lai,” a ti.

MALAKHI 4:6

Ram cu chiatserh awkah ka rat sual nakhnga lo, amah nih cun pale hna cu an fale hna he a remter hna lai i an fale hna cu an pale hna he a remter hna lai.

MATTHAI 16:21

Cu caan thawk cun Jesuh nih a zultu hna cu, “Jerusalem ah ka kal lai i upa hna le tlangbawi ngan upa pawl hna le Phungbia cawnpiaktu saya hna nih harnak tampi an ka pek lai. An ka thah lai i ni thum ni ah nunter ṭhan ka si lai,” tiah fiang tein a chimh hna.

MATTHAI 26:24

Mi Fapa cu Cathiang nih a thi lai a tining khan a thi lai, sihmanhsehlaw Mi Fapa a rawitu caah cun ngaihchia a si ko. Cu pa cu chuak loin rak um seh law a caah a ṭha deuh hnga,” tiah a ti.

MARKA 10:33

A thawh hna i, “Jerusalem khua kan hung phan lai i Mi Fapa hi tlangbawi upa hna le Phungbia cawnpiaktu saya pawl hna kut chungah khan an chanh lai. Annih nih cun, thih awktlak a si, tiin sual an phawt lai i, cun Jentail mi hna kut ah an chanh chin lai.

MARKA 9:13

A chimh cu kan chimh ko hna lai, Elijah cu a ra ko cang i Cathiang nih a chim bantukte khan mi nih an duh bantuk tein a cungah an ṭuan ko cang,” tiah a leh hna.

MARKA 9:31

Zeitindah a cawnpiak hna tiah, “Mi Fapa hi mi kut chungah chanh ka si lai i cu hna nih cun an ka thah lai. Sihmanhsehlaw ni thum hnuah ka tho ṭhan lai,” tiah a ti.

LUKA 1:76

Nang, ka fa, nangmah hi Cungnung Bik Pathian profet tiah ti na si lai; Amah lam kha rak sersiam chung awkah Bawipa hmaiah cun na rak kal chung lai.

LUKA 23:11

Herod le a ralkap hna nih khan Jesuh cu capo ah an saih i zeirello ngaiin an ti. Puan ṭha ngaingai an aihter i Pilat sinah khan an kuat ṭhan.

LUKA 23:39

Cuka i aa thlai vemi misual pakhat nih cun Jesuh cu a nihsawh i, “Messiah cu na si kun lo maw? Nangmah cu i khamh law kannih zong kan khamh ve ngat?” tiah a ti.

LAMKALTU 1:6

Jesuh le a lamkaltu hna cu hmunkhat i an um tikah khan, a lamkaltu hna nih cun an thawh i, “Bawipa, atu caan ah hin maw Israel mi cu uknak kha na pek ṭhan hna lai?” tiah an hal.

LAMKALTU 4:11

Cathiang nih, ‘Inn satu hna nih zei ah nan rel lomi lung cu, Lung santlai bik ah a cang,’ tiah a timi kha Jesuh hi a si.