MARKA 9:1 - Lai (Hakha) Common Language Bible 2006

¹ Cun a thawh hna i, “Biatak kan chimh hna, hika i a dirmi lakah hin, Pathian pennak a ṭhawnnak he a rat nan hmuh hlan cu, a thi lo dingmi tlawmpal nan um,” tiah a ti hna.

Laibaibal Thiang (BSI)

¹ Anih nih, “Biataktein kan chimh hna hika i a dirmi hna lakah a cheu cu thiltikhawhnâk he Pathian pennâk a phânmi an hmuh hlan lo thihnâk a tep lo dingmi an um.

MARKA 9:1 Iomraidhean Croise

MATTHAI 16:28

Hihi philh hlah u. Mi Fapa cu Siangpahrang bantukin ka rat nan ka hmuh hlan cu a thi lo dingmi hika ah hin nan um,” tiah a ti hna.

MATTHAI 24:30

Cun Mi Fapa hmelchunhnak kha van ah a lang lai; khi tikah vawlei cung miphun vialte kha an ṭap lai i Mi Fapa cu lianhngannak le sunparnak he vancung in a rat kha an hmuh lai.

MATTHAI 25:31

“Mi Fapa cu Siangpahrang in vancungmi vialte hna he a rat tikah a bawiṭhutdan cungah cun a ṭhu lai i

MARKA 13:26

Mi Fapa cu a lang lai i khuadawm chung khin lianhngannak le sunparnak he a ra lai.

MARKA 13:30

Mah hihi philh hlah u: Hi thil vialte hi, atu i a nungmi hna an thih dih hlanah hin a tlung lai.

LUKA 2:26

Thiang Thlarau nih cun Bawipa biakamhmi Messiah na hmuh hlanah cun na thi lai lo, tiah a ti.

LUKA 22:18

zeicahtiah Pathian Pennak a phanh hlan tiang cu, hi mitsur hang hi ka ding ti lai lo,” tiah a ti.

LUKA 22:30

Ka Pennak ah ka cabuai ah nan ding nan ei lai i Israel mi phun hleihnih kha biaceihpiak awkah bawi ṭhutdan cungah nan ṭhu lai,” tiah a ti.

LUKA 9:27

Cun nannih nih hika ah hin, Pathian Pennak an hmuh hlan tiang a thi lo dingmi an um tiah kan chimhmi hna hi i cinken u,” tiah a ti.

JOHAN 21:23

Cu bia cu Jesuh zultu pawl sinah khan a thang i kha zultu kha a thi lai lo a ti duhnak a si, tiin a sullam an i lak. Sihmanhsehlaw Jesuh nih khan, a thi lai lo, tiah a chim lo; a chimmi cu, “Ka rat tiang a nun ka duh a si ah, cucu nang caah zeidah a poinak a um,” ti tu hi a si.

HEBRU 2:9

A sullam cu Jesuh ah khan kan hmuh. Caan tawite chung cu vancungmi nak niam deuh ah khan a ser taktak i cucu Pathian vel thawngin mi vialte kan ca i a thihnak ding caah khan a si. Cun thihnak a inmi ruangah khan atu cu sunparnak le upatnak kha luchin ah chinh a si cang ti kha kan hmuh.