MARKA 8:35 - Lai (Hakha) Common Language Bible 2006

³⁵ Zeicaahtiah a nunnak khamh a duhmi cu a nunnak kha a sung lai i keimah ruang le thawngṭha bia ruang i a nunnak a sungmi nih a nunnak kha a khamh lai.

Laibaibal Thiang (BSI)

³⁵ Zeitintiah a nunnâk himter a duhmi pauh nih a hloh lai i keimah le thawngṭha ruangah a nunnâk a hlohmi pauh nih a himter lai.

MARKA 8:35 Iomraidhean Croise

PHUNGCHIMTU 3:6

Kawl caan a um, thlau caan a um; chiah caan a um, hlonh caan a um;

MATTHAI 10:22

Mi kip nih nannih cu keimah ruangah an in huat hna lai, sihmanhsehlaw a dongh tiangin aa tlaih pengmi cu khamhnak nan hmu lai.

MATTHAI 10:39

Ahohmanh a nunnak humhak a duhmi nih cun a nunnak cu a sung lai i keimah ruangah a nunnak a sungmi nih cun a nunnak cu a hmuh lai.

MATTHAI 16:25

Zeicahtiah ahohmanh, mah nunnak humhak a duhmi cu a nunnak kha a sung lai i keimah ruangah a nunnak a sungmi cu a nunnak a hmumi a si lai.

MATTHAI 19:29

Cun keimah ruangah a inn siseh, a lo siseh, a u siseh, a nau siseh, a farle si hna seh, a pa siseh, a nu siseh, a fale si hna seh, a kaltakmi hna cu a let za khat in a hmuh ṭhan lai i zungzal nunnak kha pek a si lai.

MARKA 8:36

Mi pakhatkhat nih vawlei hi a ning piin co seh law, a nunnak sung ṭung seh law, zeital a miak hnga maw? Miak hlah!

LUKA 17:33

Amah nunnak khamh aa zuammi cu a nunnak cu a sung lai; a nunnak a sungmi nih cun a nunnak cu a khamh lai.

LUKA 9:24

Zeicahtiah mah himnak lawng a ruatmi cu a nunnak kha a sung lai sihmanhsehlaw keimah ruangah a nunnak a sungmi cu khamhnak kha a hmu lai.

LAMKALTU 20:24

Sihmanhsehlaw Bawi Jesuh nih a ka fialmi rian, Pathian velngeihnak Thawngṭha chim hi ka lim khawh paoh ahcun ka nunnak hi cu zeihmanh ah ka rel lo.

LAMKALTU 21:13

Sihmanhsehlaw a kan thawh i, “Zeidah nan tuah? Hi bantukin nan ṭah ahcun ka lung nan ka hnoter. Jerusalem ah hin Bawi Jesuh caah ṭemnak huah lawng hi kaa tinhmi a si ṭung lo, thihnak tiang hmanh ka in lai tiah pei kaa timh cu,” tiah a kan ti.

LAMKALTU 9:16

Cun keimah hrimhrim nih keimah ruangah a in lai dingmi thil vialte kha ka hmuhsak lai,” tiah a ti.

1 KORIN 9:23

Hi vialte hi tiin ka tuah cu thawngṭha ruangah khan a si, cu thawngṭha cu mi vialte ka hrawm khawh hna nakhnga ka duh caah a si.

2 KORIN 12:10

Ka derthawmnak ah siseh, nihsawhnak le harnak le hremnak le temhinnak ka hmuhmi ah siseh, Khrih ruangah kaa lawm ko; zeicahtiah ka derthawm tikah hin ka ṭhawn a rak si.

2TIMOTE 1:8

Cucaah kan Bawipa kong chim cu na ningzak hlah, a ca i thongtlapa keimah zong hi ka zahpi hlah. Pathian nih thazang an pekning in Thawngṭha ca i temhnak in kha ngamh lehlam ko.

HEBRU 11:35

Zumhnak in nu hna cu an mithi kha nun ṭhanterpiak an si. A dang cu a ṭha deuhmi nunnak i thawhter si kha an duh deuh caah, luatnak kha i lak duh loin hremnak in an thi.

BIAPHUAN 12:11

Kan unau hna nih amah cu Tuufa thi thawngin le an chimmi bia biatak a simi thawngin an tei cang; an nunnak pek kha an rak sian i thih zong an rak ngamh.

BIAPHUAN 2:10

Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.