MARKA 8:23 - Lai (Hakha) Common Language Bible 2006

²³ Jesuh nih cun mitcawpa cu a kut in aa hruai i khua lengah a chuahpi. Mipa mit cu a cil a chak hnuah Jesuh nih cun a cungah a kut a chuan i, “Zei tal na hmu kho maw?” tiah a hal.

Laibaibal Thiang (BSI)

²³ Anih nih mitcaw kut kha a tlaih i khua chungin a chuahpi. A mit ah cil a châk i a cungah a kut a chuan i khua a hmuhkhawh le hmuhkhawh lo kha a hal.

MARKA 8:23 Iomraidhean Croise

ISAIAH 44:2

Nanmah an sertu hna cu Bawipa ka si, nan nunnak a hram a thawknak khan keimah nih kan bawmh hna. Nan thinphang hlah u; nanmah cu ka sal nan si, ka dawtmi ka mithim nan si.

ISAIAH 51:18

Nangmah hruaitu ahohmanh an um lo, na mi hna lakah na kut in an hruaitu ding pakhat hmanh an um lo.

JEREMIAH 31:32

Izipt ram in chuahpi awkah an kut in ka hruaimi hna an pupa hna sinah ka tuahmi biakamnak bantuk kha a si lai lo. Ka biakamnak kha an zul lo nain an cungah ka lung a sau, tiah Bawipa nih a ti.

MARKA 5:23

“Ka fanute cu a zaw i a zual ngaingai ko. Zaangfahnak tein ra law a cungah na kut ra chia ko sawh, cu ti na tuah ahcun a dam lai i a nung ko lai,” tiah a ti.

MARKA 7:33

Cucaah Jesuh nih cun zapi sin khan lamhla nawn ah khin amah lawngin aa kalpi i a hnakhaw chungah cun a kutdong a sawh i a cil a chak i mipa lei cu a tongh.

MARKA 8:24

Mipa cu van a hun cau i, “Mi ka hmuh khawh hna, sihmanhsehlaw thingkung khi i chawk hna seh law, cu ko cu an lo,” tiah a ti.

MARKA 8:26

Jesuh nih inn ah a ṭinter i, “Nan khuachung mi ahohmanh va chim hna hlah,” tiah a ti.

LAMKALTU 23:19

Ralkapbu haotu nih cun a kut in a hruai i amah lawngin aa kalpi i, “Zeidah chimh awk na ka ngeih?” tiah a hal.

LAMKALTU 9:8

Saul cu vawlei cun a hung tho i a mit a hun au, sihmanhsehlaw zeihmanh a hmu kho lo. Cucaah a kut in an hruai i Damaskas khua chungah cun an luhpi.

HEBRU 8:9

Izipt ram chungin an pupa hna cu chuahpi awkah an kut in ka rak hruai hna ni i an sin i ka tuahmi biakamnak bantuk kha cu, a si lai lo. Anmah he ka tuahmi biakamnak kha zei ah an rel lo caah annih cu zei ah ka rel ve hna lo,’ tiah Bawipa nih a ti.

BIAPHUAN 3:18

Cucaah ruahnak kan cheuh duhmi cu, keimah sinin sui thiang taktak kha ka caw law na rum lai. Cun naa thuamhnak ding le taklawng in na umnak ningzahnak khuhnak ding caah, thil rang i cawk fawn. Cun na mit thuh awkah si zong i cawk law cuticun khua na hmu kho lai.