MARKA 8:12 - Lai (Hakha) Common Language Bible 2006

¹² Jesuh cu fak piin a hrum i, “Zeicahdah tu chan mi nih hin khuaruahharnak tuah nan ka fial? Ka tuah lai lo, cu bantuk hmelchunhnak cu tu chan mi hi kan pe hrimhrim hna lai lo,” tiah a ti.

Laibaibal Thiang (BSI)

¹² Asinain anih cu a thlarau in a hrum ai i “Zeiruangahdah tuchan mi hna nih hmelchunhnâk thil lawng an kawl? Biataktein kan chimh hna, tuchan mi hna sinah hin hmelchunhnâk pêk an si hrimhrim lai lo,” tiah a ti.

MARKA 8:12 Iomraidhean Croise

ISAIAH 53:3

Zeihmanh ah kan rak rel lo i kan rak hlawt; ngaihchiatnak le nganfahnak kha a rak in hna. Ahohmanh nih a zoh hmanh kan rak zoh duh lo — zei ah a rel in kan rak rel hrimhrim lo.

MATTHAI 12:38

Cu tikah Phungbia cawnpiaktu saya tlawmpal hna le Farasi mi tlawmpal hna nih khan an hun thawh i, “Saya, khuaruahharnak pakhat in kan tuahpiak law kan duh ko hnga,” an ti.

MATTHAI 16:4

Tuchan mi hi mi ṭhalo le Pathian zei i a rel lomi nan si. Khuaruahharnak tuah nan ka fial, sihmanhsehlaw ka tuah lai lo. Khuaruahharnak tuahpiak nan si dingmi cu Jonah khuaruahharnak lawnglawng kha a si lai,” tiah a ti. Cun lo diam in a kaltak hna.

MARKA 3:5

Cu tlukin an lung a hah le an palh kha a hmuh hna tikah a thin a hung a ngaih a chia i mipa cu a thawh i, “Na kut kha samh,” a ti. A samh i a dam ai!

MARKA 6:6

Zumhnak an ngeih lo caah a khuaruah a har ngaingai. Cun Jesuh cu, cuka hrawng khua kha a tlawng hna i mi kha a cawnpiak hna.

MARKA 7:34

Cun Jesuh cu van a cau i fak piin a hrum i mipa cu, “Effatha,” tiah a ti, a sullam cu, “I hung tuah,” tinak a si.

MARKA 8:13

Cuticun a kaltak hna i lawng chungah cun a lut ṭhan i rili khattelei kamah khan an kal.

MARKA 9:19

Cun Jesuh nih cun, “Nan va zum lo hringhran dah! Zei can dah nan sinah hin ka um a herh rih lai? Zei can dah kaan in hna lai? Ngakchiapa cu ratpi u,” tiah a ti hna.

LUKA 19:41

Khuapi cu a hei naih chin lengmang i a hei hmuh tikah a ṭah i,