MARKA 8:11 - Lai (Hakha) Common Language Bible 2006

¹¹ Farasi mi kha an ra chuak i bia an i al. Amah kha hneksak an duh caah, “Pathian thlahmi na si si lo hngalhnak ah khuaruahhar pakhat in tuah tuah,” an ti.

Laibaibal Thiang (BSI)

¹¹ Cun Farasih kha Amah el awkah an ra, Amah hneksaknâk caah van lei in hmelchunhnâk tuah kha an fial.

MARKA 8:11 Iomraidhean Croise

EXODUS 17:2

Moses cu an sik i, “Din awk ti kan pe,” an ti. Moses nih annih cu a leh hna i, “Zeicahdah keimah cu nan ka sik? Zeicahdah Bawipa cu hneksak nan del?” a ti hna.

EXODUS 17:7

Cuka hmun cu “Hneksaknak” ti le “Siknak” tiin a min ah kawh a si; zeicahtiah Israel mi cu Bawipa he khan an i si i, “Bawipa hi kanmah leiah a ṭang maw ṭang lo dah?” ti in an hneksak ruangah khan cuticun min an sak cu a si.

MALAKHI 3:15

“Miruamkai pei lunglawmmi cu an si ko hi, miṭhalo hna pei an nun a nuamh lawng si loin Pathian a hneksak i a luatmi an si ko hi,” nan ti.

MATTHAI 12:38

Cu tikah Phungbia cawnpiaktu saya tlawmpal hna le Farasi mi tlawmpal hna nih khan an hun thawh i, “Saya, khuaruahharnak pakhat in kan tuahpiak law kan duh ko hnga,” an ti.

MATTHAI 19:3

Farasi mi tlawmpal kha a sinah cun an ra i amah kha bia in foih an duh caah, “Pa nih a nupi maknak caah kan Phung nih a awnhmi lam zeital a um maw?” tiah an hal.

MATTHAI 21:23

Jesuh cu Biakinn ah khan a ra ṭhan i a cawnpiak hna lioah khan tlangbawi upa pawl le Judah mi hruaitu pawl kha an ra i, “Zei nawl in dah hi thil hi na tuah hna? Aho nih dah cu nawl cu an pek?” tiah an hal.

MATTHAI 22:15

Farasi mi pawl cu an kal i Jesuh foihnak ding caah khan bia an kawl.

MATTHAI 22:18

Jesuh nih an lung chungin thil ṭhalo an i timh kha a hngalh ziar hna i cucaah cun, “Mihrokhrawl hna! Zeicahdah foih nan ka zalh?

MATTHAI 22:23

Cu ni ṭhiamṭhiam ah cun Sadusi mi tlawmpal kha a sinah khan an ra. (Annih cu mi hi thihnak in kan tho ṭhan lai lo a timi pawl kha an si).

MARKA 12:15

Hlen an timh kha a hngalh i, “Zeicahdah foih nan ka timh len ko? Ngun tangka phar khat in rak pu u law ka zoh tuah lai,” tiah a leh hna.

MARKA 2:16

Phungbia saya a cheukhat, Farasi mi a simi hna nih khan Jesuh cu misual hna le ngunkhuai khawltu hna he rawl a ei kha an hmuh tikah, a zultu kha an thawh hna i, “Zeicahdah ngunkhuai khawltu hna le misual hna he rawl a ei?” an ti.

MARKA 9:16

Jesuh nih a zultu hna cu, “Zeidah nan i al?” tiah a ti hna.

LUKA 10:25

Cun Phungbia cawnpiaktu saya pakhat a ra i amah kha foih a hung zalh, aa thawh i, “Saya, zungzal nunnak hmuh awkah zeidah ka tuah lai?” tiah a ti.

LUKA 11:16

A dang nih amah kha foih an rak duh ve, cucaah na tuahmi hi Pathian hnatla a si le si lo hngalhnak ah khuaruahharnak pakhat in ser tuah, an ti.

JOHAN 4:48

Jesuh nih cun a thawh i, “Thil lianngan le khuaruahhar thil a simi nan hmuh lo paoh ahcun nannih nih cun nan zum bal lai lo,” tiah a ti.

JOHAN 6:30

Annih nih, “Kan in zumh khawh nakhnga, zei hmelchunhnak dah na tuah lai? Kannih nih kan hmuh i kan in zumh nakhnga ding caah zeidah na tuah lai?

JOHAN 7:48

Kan upa si hna seh, Farasi mi si hna seh, a zummi pakhat tal nan hngalhmi hna an um maw?

JOHAN 8:6

Hi ti in bia an hal cu amah kha hneksak i bia ngeihter khawh an duh caah a si. Sihmanhsehlaw Jesuh cu a kun i vawlei ah khan a kutdong in ca a ṭial.

LAMKALTU 5:9

“Zeicahdah na va he nan pahnih in Bawipa Thlarau cu hneksak del awkah khua nan rak khan? Na va a va vuitu hna kha innka hram ah an um ko rih khih, nangmah zong an in kalpi ve lai,” tiah a ti.

1 KORIN 10:9

A cheu nih Bawipa an rak hneksak bantuk khan kan hneksak ve awk a si lo, cu ti an tuah caah khan rul nih a rak cuk hna.

DEUTERONOMI 6:16

“Massah ah nan rak hneksak bang khan, Bawipa nan Pathian cu hneksak nan del lai lo.