MARKA 7:6 - Lai (Hakha) Common Language Bible 2006

⁶ Jesuh nih cun a leh hna i, “Nannih kong a rak chim tikah hin Isaiah hi a va hmaan dah! A ṭial bantuk tein miziathiam nan si taktak ko. A ṭialmi cu hitihin a si: ‘Pathian nih aa thawh i, Hi mi hna nih hin an bia cun an ka upat ko, Asinain an lung cun an ka hlat taktak.

Laibaibal Thiang (BSI)

⁶ Anih nih, “Isaiah nih, nannih mi depde hna kong a rak chimmi hi a dik ngaingai. ‘Hi mi hna nih an kâ in anka thangṭhat i an lungthin in an ka hlat.

MARKA 7:6 Iomraidhean Croise

ISAIAH 29:13

Bawipa nih, “Hi mi hna nih hin kan in biak tiah an ka ti, sihmanhsehlaw an bia cu sullam a ngei lomi lawngte an si i an lung cu kaa dangpi ah a um. Biaknak an timi cu minung serchommi phung le pupa nih an zulh tawnmi lam lawnglawng kha a si i an kaa in a chim a thiam sawhsawh in an thiammi kha a si.

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

JOHAN 15:24

Ahohmanh nih an tuah bal lomi ka tuahmi hi an lakah tuah loin rak um ning law cu an cungah sualnak a um hnga lo, asinain atu ning ah cun ka tuahmi kha an hmuh ko i keimah he ka Pa he an kan huat.

JOHAN 5:42

Sihmanhsehlaw nannih cu kan hngalh ko hna; nan lung chungin Pathian nan daw lo ti kha ka hngalh ko.

LAMKALTU 28:25

Paul nih hi thil pakhat hi a chim hnuah anmah lakah khan lung i rual lo ngaiin an ṭian. Cu a chimmi cu hihi a si: “Thiang Thlarau nih profet Isaiah thawngin nan pupa hna sinah a chimmi bia cu a va hmaan thiam dah.

2TIMOTE 3:5

kan biaknak phung hi a lenglei in an i tlaih lai, sihmanhsehlaw a chung i a ummi ṭhawnnak taktak kha cu an duh lai lo, cu hna cu hrial i zuam hna.

TITAS 1:16

Pathian kan hngalh ti cu an ti, sihmanhsehlaw an tuahnak nih an chimmi cu a si lo ti kha a langhter. Mi huat awkin an um, nawl ngai loin khua an sa i thil ṭha tuah dingah an i tlak lo.