MARKA 7:22 - Lai (Hakha) Common Language Bible 2006

²² va cung pa duh tehna, hakkauh tehna, ṭhat lonak a phunphun tuah tehna, lihchim tehna, zuanzam tehna, mi nahchuah tehna, mi congoih tehna, lungpuam tehna, ningcang lo khuasak tehna —

Laibaibal Thiang (BSI)

²² firnâk, hngarnâk, Ṭhatlonâk, hlennâk, hornâk, hnahchuahnâk, thangchiatnâk, porhlawtnâk le hruhnâk hna hi;

MARKA 7:22 Iomraidhean Croise

2 CHANRELNAK 32:31

Cucaah Babilon bawi hna nih, ram chung i tuahmi hmelchunhnak va hlathlai awk i a sinah an thlahmi lamkal hna kong ah khan, amah cu hneksak awk le a lung chung i a ummi vialte hngalhnak ah, Pathian nih amah tein a thlah ko.

SALM 10:4

A ruam a kai caah miṭhalo nih cun aa thawh i, “Pathian nih cun dan a ka tat lai lo, ka duhnak ṭhalo kha a zeihmanh a poi lem lai lo,” a ti. Miṭhalopa nih a ruahmi cu cucu a si.

SALM 119:36

Rumnak nakin na nawlbia zulh kha ka duhter deuh.

PHUNGTHLÛKBIA 12:23

Mifim nih cun a fimnak kha a langhter lo, Sihmanhsehlaw mihrut nih cun a hruhnak kha a thanh in a thanh.

PHUNGTHLÛKBIA 22:15

Ngakchia nih hin hruhnak thil le thil ṭhalo hi an tuah tawn phung a si, Sihmanhsehlaw chimhhrinhnak fung nih cun ṭha deuh in a cawnpiak hna lai.

PHUNGTHLÛKBIA 23:6

A khiar mipa zanriah cu va ei hlah, a rawl thawthaw zong kha na mit va thi hna hlah;

PHUNGTHLÛKBIA 24:9

Mihrut nih khua an khanmi cu sualnak kha a si tawn i mi nihsawh a hmangmi cu huatnak kha an tong zungzal.

PHUNGTHLÛKBIA 27:22

Mihrut cu sum ah sumkhal in su hmanh law a hruhnak cu a thlah hlei lai lo.

PHUNGTHLÛKBIA 28:22

Mikhiar nih cun khulrang in rum aa hnawh, sihmanhsehlaw herhbaunak nih a ka tlunh lai ti kha a hngal lo.

PHUNGCHIMTU 7:25

Sihmanhsehlaw hngalhnak le cawnnak ah khan ka pum kaa pe; fimnak kha hmuh awkah kaa zuam i ka biahalnak lehnak kha ka kawl; cun hruhnak a ṭhat loning le a hruhning kha hngalh awk kaa zuam.

ISAIAH 59:13

Nangmah cu kan in doh, kan in hlawt i kan in zul duh lo. Kan Pathian cu kan in kirtak i kan in hlawt. Kan lung chungin lih kha kan i pawi i cu lih cu mi congoihnak le mi rawinak ah kan hman hna.

ISAIAH 59:7

Ṭhat lonak pakhatkhat tuah ding kha khua nan khang zungzal i cu nan khanmi tuah kha a ngan in nan ngang kho lo. A sual lomi thah kha nan i thlachiat bal lo. Nan phaknak kip ah rawhralnak le ṭhat lonak kha nan chiahtak i

JEREMIAH 17:9

Lungthin hi zeizong vialte nakin a zer bik, Aho nih dah minung lungthin hi a hngalh khawh lai? Damh khawh ti lo tiangin a zaw cang.

MATTHAI 20:15

Keimah tangka cu keimah nih ka duhduh in hman awk a si ko lo maw? Zeicahdah mi ka zaangfah hna hi nan hnah a chuah?’ tiah a ti.

MATTHAI 6:23

sihmanhsehlaw nan mit kha a ṭhat lo ahcun, nan pum cu muihnak chungah a um lai. Cucaah nan chung i a ummi ceunak cu muihnak a si sual ahcun, cu muihnak cu a fak ngaingaimi muihnak a si lai.

MARKA 7:21

Zeicahtiah ṭhat lonak ziaza a tuahtertu ruahnak ṭhalo kha chunglei in a lung chungin a chuakmi an si: nu le pa sualnak tehna, fir tehna, mi thah tehna,

MARKA 7:23

hi thil ṭhalo vialte hi minung chunglei in a chuakmi an si i minung a thurtertu cu hi hna hi an si,” tiah a ti.

2 KORIN 10:5

Pathian hngal kho hna hlah seh tinak ca i chonmi vampang porhlawtnak vialte kha kan baoh dih; minung lungthin kha sal ah kan va tlaih hna i Khrih nawl kha kan ngaihter hna.

DEUTERONOMI 15:9

‘Kum sarihnak kum, ngaihthiamnak kum cu a nai cang,’ tiin nan ti i nan unau a si a fakmi kha hmuh nan duh lo i zeihmanh pe duh loin nan lung chungah ruahnak ṭhalo a um sual nakhnga lo, i ralring tuah u, nanmah kongah Pathian a auh ahcun nan caah sual a si ko lai.

DEUTERONOMI 28:54

Nanmah lak i mi nunnem bik le mitluangtlam bik zong nih a unau kha siseh, a dawtmi a nupi siseh, a tang rihmi a fale hna si hna seh, rawl kha a sianh hna lai lo;

DEUTERONOMI 28:56

Nan lak i a no bik le a nem bik, a no tuk ca le a nem tuk ca i a keza vawlei a tawng bal lomi nu, hmanh nih a pommi a va le a fapa le a fanu hna kha, rawl a sianh hna lai lo.

1 PETER 2:15

Zeicahtiah a duhduh in bia a chimmi mihrut kha, thilṭha nan tuahmi in, chim awk hngal loin tuah hna u, ti kha Pathian duhnak a si.

1 PETER 5:5

Cu bantuk ṭhiamṭhiam in, nannih a no deuh pawl zong nih upa deuh pawl kha an nawl nan zulh hna lai. Nan dihlak in toidornak puan kha i aih u law pakhat le pakhat i bawm u, zeicahtiah Cathiang nih “Pathian nih milungpuam cu a doh hna i mitoidor cu a vel kha a pek hna,” a ti.