MARKA 6:6 - Lai (Hakha) Common Language Bible 2006

⁶ Zumhnak an ngeih lo caah a khuaruah a har ngaingai. Cun Jesuh cu, cuka hrawng khua kha a tlawng hna i mi kha a cawnpiak hna.

Laibaibal Thiang (BSI)

⁶ An zumh lo ruangah a khuaruah a har ngai. Cuticun cawnpiak pah in khuate kha a tlawng.

MARKA 6:6 Iomraidhean Croise

ISAIAH 59:16

Hremmi hna a bawmtu ding pakhat hmanh an um lo kha a hmuh tikah a awlok a chong. Cucaah anmah khamhnak ah cun amah ṭhawnnak kha a hman lai i a tei hna lai.

JEREMIAH 2:11

Miphun pakhatkhat nih a pathian hna kha, pathian an si lo hmanh ah, a thleng bal hna maw? Sihmanhsehlaw ka mi hna nih cun an Sunparnak kha zeihmanh a ṭhahnem lomi thil ah an thlen.

MATTHAI 4:23

Jesuh cu Galilee ram dihlak ah khan aa chawk i pumhnak inn ah khan a cawnpiak hna i pennak Thawngṭha kha a chimh hna i zawtnak le fahnak a ingmi a phunphun kha a damter hna.

MATTHAI 8:10

Cu bia cu Jesuh nih a theih tikah a khuaruah a har i a zulmi mizapi hna cu, Hi pa bantukin zumhnak a ngeimi Israel mi hna lakah ahohmanh ka hmu rih hna lo.

MATTHAI 9:35

Cuticun Jesuh cu khuapi he khuate he a tlawng duahmah hna. An pumhnak inn ah khan a cawnpiak hna i Vancung Pennak kong Thawngṭha kha a chimh hna i a zaw a fakmi kip kha a damter hna.

MARKA 1:39

Cucaah Galilee peng kha a tlawn dih i pumhnak inn ah khan phung a chimh hna i khuavang kha a ṭhawl hna.

MARKA 10:1

Jesuh cu cuka hmun cun a chuak i Judea ram ah khan a kal i Jordan tiva kha a tan. Cun mi tampi nih khan a zual in an zual hoi i a cawnpiak tawn zungzal hna bang khan a cawnpiak hna.

LUKA 13:22

Jesuh cu Jerusalem i a kalpah ah khan khua kha a pal duahmah hna i a cawnpiak pah lengmang hna.

LUKA 4:31

Cun Jesuh cu Galilee ram i khua pakhat, Kapernaum khua ah khan a kal i khika ah sabbath ni ah khan a cawnpiak hna.

LUKA 4:44

Cucaah Judea ram chung i pumhnak inn hna ah khan Thawngṭha cu a chim hna.

JOHAN 9:30

Mipa nih cun, “Khuaruahhar a va si dah. A ratnak khuazei in a si cu nan hngal lo, sihmanhsehlaw ka mit cu a ka auterpiak hen cu!

LAMKALTU 10:38

Cu thil lianngan cu, zeitindah Pathian nih Nazareth khuami Jesuh kha Thiang Thlarau le ṭhawnnak a toih i Pathian nih a umpi caah zeitindah khuazakip ah aa chawh i khuachia ṭhawnnak tangah a ummi vialte a damter hna kha a si.