MARKA 6:3 - Lai (Hakha) Common Language Bible 2006

³ Mary fapa, lehtama kha a si lo maw? Jeim le Joses le Judas le Simon hna u kha a si lo maw? A farle zong kha hika ah an um ko lo maw?” an ti. Cucaah cun zei ah an rel lo.

Laibaibal Thiang (BSI)

³ Hipa hi Mary fapa, Jeim le Joses le Judas le Simon hna u, zungthiampa kha a si lo maw? A far le zong kan sin i a ummi hi an si lo maw?” tiah an ti. Cuticun Amah cu zeiah an rel lo.

MARKA 6:3 Iomraidhean Croise

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

MATTHAI 11:6

Keimah kong ah lung awṭawmnak zeihmanh a ngei lomi cu a caah lunglawmh awk a va si dah,” tiah a leh hna.

MATTHAI 12:46

Jesuh cu mizapi sinah bia a chim lengmang lioah khan a nu le a naule kha an ra. Lengah khan an dir i chawnh kan duh, tiah an ti.

MARKA 15:40

Cuka ah cun nu tlawmpal an um i lamhlat nawn in an cuanh. Cu hna lakah cun Salome le. Mary Magdalin le Jeim ngakchia deuh le Joses i an nu Mary kha an um ve.

MARKA 3:18

Andru, Filip, Bartholomew, Matthai, Thomas, Alfeas fapa Jeim, Thaddaius le phunṭanh Simon le

LUKA 2:34

Simeon nih cun thluachuahnak a pek hna i a nu Mary kha a thawh i, “Hi ngakchia cu Pathian nih Israel mi lakah mi tampi an rawk nakhnga le khamh an si nakhnga caah a thimmi a si. Amah hi Pathian sinin a rami hmelchunhnak, mi tampi nih an doh laimi a si i

LUKA 7:23

Keimah kong ah lung awṭawm in a um lomi cu an caah lunglawmh awk a va si dah,” tiah a ti.

LUKA 8:20

“Na nu le na naule kha lengah an dir ko, ton an in duh,” tiah an chimh.

JOHAN 14:22

Judas Iskariot a si lomi Judas nih khan, “Bawipa, zeitindah vawlei sinah i phuang loin kanmah sin lawngah naa phuan khawhning cu a si lai?” tiah a ti.

JOHAN 6:42

Cucaah an i thawh i, “Hi pa hi Josef fapa Jesuh kha a si lo hlah i? A nu kan hngalh, a pa kan hngalh, zeitindah vancung in ka rung, tiah a ti kun?” an ti.

LAMKALTU 1:13

Jerusalem khua chungah khan an lut i an rak umnak khaan chungah khan an va kal: Peter, Johan, Jeim le Andru, Filip le Thomas, Bartholomew le Matthai, Alfeas fapa Jeim, Phunṭanh Simon le Jeim fapa Judas an si.

LAMKALTU 12:17

“Dai tein um u,” tiah a kut in a hmuhsak hna i Bawipa nih zeitindah thonginn chungin a chuahnak kha a chimh hna. “Mah hihi Jeim le kan unau dang hna kha va chim hna u,” tiah a ti hna i kaa dang ah a kaltak hna.

1 KORIN 1:23

sihmanhsehlaw kannih nih cun vailamtahnak cung i thahmi Khrih kong kha kan chim i cu kong cu Judah mi caah cun tluknak lung a si i Grik mi hna caah cun hruhnak bia a si.

1 KORIN 9:4

Ka rianṭuanmi caah hin ti le rawl ka hmuh ve awk a si lo maw?

GALATI 1:19

Kan Bawipa nau Jeim dah ti lo cu, lamkaltu dang ahohmanh kha ka chawn hna lo.

1 PETER 2:4

Cucaah Bawipa sinah khan ra tuah u; amah cu a nungmi Lung, minung nih hlaw hmanh hna seh law Pathian nih a sungmi ah a relmi kha a si.

JUDAS 1:1

Jesuh Khrih sal le Jeim nau a simi Judas nih, Pathian kawhmi, Pathian kan Pa dawtnak chung le Jesuh Khrih huhphenhnak chungah a ummi kha, ca kan kuat hna.