MARKA 6:15 - Lai (Hakha) Common Language Bible 2006

¹⁵ Sihmanhsehlaw a cheu nih cun, “Elijah a si,” an ti. Cun a cheu nih cun, “Hlanlio profet ngan pakhatkhat hna bantuk khan profet a si ve ko,” an ti.

Laibaibal Thiang (BSI)

¹⁵ Mi dang nih Elijah a si, tiah an ti. Mi dang nih, ‘Profet a si, asilohmanh ah profet pakhat khat a si ko lai,’ tiah an ti.

MARKA 6:15 Iomraidhean Croise

MALAKHI 4:5

A lian a ngan i ṭih a nungmi ni, Bawipa ni cu a phak hlanah, nan sinah profet Elijah kha ka rak thlah lai.

MATTHAI 16:14

Annih nih, “A cheu nih Tipil petu Johan a si, an in ti. A cheu nih, Elijah a si, an in ti, a cheu nih Jeremiah maw profet pakhatkhat dik a si, an in ti,” tiah an leh.

MATTHAI 21:11

“Hi pa hi Galilee ram Nazareth khuami profet Jesuh a si,” tiah mibupi nih khan an leh hna.

MARKA 6:16

Cucu Herod nih a theih tikah, “Hi pa hi Tipil petu Johan kha a si ko. A lu kha ka rak tanter hna. Sihmanhsehlaw a nung ṭhan ko hi ta!” tiah a ti.

MARKA 8:28

Annih nih, “A cheu nih, Tipil petu Johan a si, an in ti. A cheu nih Elijah a si, an in ti. A cheu nolh nih, profet pakhatkhat a si, an in ti,” tiah an leh.

LUKA 1:17

Amah cu Pathian thlahmi lamkaltu a si lai i profet Elijah bantukin a fekmi le a ṭhawngmi a si lai. Pale hna le fale hna kha hmunkhat ah a fonh ṭhan hna lai i nawl a ngai lomi hna kha miding mi hna ruahnak lam leiah a hruai ṭhan hna lai. Bawipa mi hna cu Bawipa ca i aa tlakmi minung si awkah a rak timh hna lai,” tiah a ti.

LUKA 7:16

An dihlak in ṭihnak in an khat i Pathian kha an thangṭhat. “Kan lakah profet nganmi a chuak cang i Pathian nih a mi hna khamh awkah a ra cang,” an ti.

LUKA 7:39

Jesuh rawlhrawn a sawmtu Farasi mi nih khan mah cucu a hmuh tikah a lung chungin, “Hi pa hi profet a si taktak ahcun amah a tawngtu nu hi ahodah a si i zeitluk a sualminu dah a si ti kha a hngalh lai,” tiah a ti.

LUKA 9:19

“A cheu nih Tipilpetu Johan a si, an in ti. Cun a dang nih, Elijah a si, an in ti. Cun a dang nih hlanlio i a rak ummi profet pakhatkhat kha a nung ṭhan, an in ti,” tiah an ti.

LUKA 9:8

Midang nih, Elijah kha a hung lang cang, an ti i a dang nih hlan lio pi i a rak ummi profet pakhatkhat a hung nung ṭhan, an ti.

JOHAN 1:21

Cun annih nih cun, “Ahodah na si kun? Elijah tah na si maw?” tiah an hal. Johan nih cun, “Ka si lo,” tiah a leh hna. Annih nih, “Profet cu tah na si maw?” an ti. Anih nih, “Ka si lo,” tiah a ti hna.

JOHAN 1:25

“Nangmah cu Messiah zong na si lo, Elijah zong na si lo, profet zong cu na si fawn ṭung lo ahcun, zeicahdah tipilnak kha na pek len kun hna?” an ti.

JOHAN 6:14

Cuka i a ummi hna nih cun hmelchunhnak a tuahmi kha an hmuh tikah, “Hi pa hi vawlei cungah a ra lai timi Profet kha a si hrimhrim ko,” an ti.

JOHAN 7:40

Cu bia cu an theih tikah mi a cheu nih, “Hi pa hi Profet kha a si hrimhrim ko,” an ti.

JOHAN 9:17

Cucaah Farasi mi hna nih khan mipa cu an hal ṭhan i, “Na mit an damter va si kaw, zeitindah amah cu na ruah?” an ti. “Amah cu profet a si, tiah ka ruah,” tiah a leh hna.