MARKA 5:15 - Lai (Hakha) Common Language Bible 2006

¹⁵ Jesuh sin cu an va phan i a sinah cun a chung i thlarau ṭhalo bupi a um tawnmipa kha, hnipuan i hruk le lungfim in a rak ṭhut ko kha an va hmuh i an dihlak in an thla a hlauh hna.

Laibaibal Thiang (BSI)

¹⁵ Jesuh sin an rak phâk tikah, khuachia tampi nih a tlaihmi pa, hnipuan i hruk in lungfim te i a ṭhut ko kha an hmuh i an ṭih ngaingai.

MARKA 5:15 Iomraidhean Croise

1 CHANRELNAK 13:12

Cun David nih Pathian cu khi ni ah a ṭih i, “Zeitindah inn ah ka sinah Pathian kuang cu ka ratpi khawh lai?” tiah a ti.

1 CHANRELNAK 15:13

A voi hmasa bik ah khan nannih nih nan put lo caah Bawipa kan Pathian nih kan cungah a thinhunnak a langhter; zeicahtiah kannih nih hitin tuah awk a si lai ti i fehter ciami ning khan kan rak zohkhenh lo,” tiah a ti hna.

JOB 13:11

A lianhngannak nih khan nan thin an phanter hna lo maw? Amah ṭihnak nih cun an tlunhnawh hna lo maw?

SALM 14:5

Sihmanhsehlaw Pathian cu a nawl a ngaimi hna sinah a um caah annih cu an thin a phang ngaingai lai.

MATTHAI 12:29

“Cuhleiah, zeitindah miṭhawngpa inn cu amah kha an ṭem hmasa lo ah, aho nih dah an baoh khawh lai i a thilri cu an lak khawh lai?

MATTHAI 26:53

Ka pa kha bawmhnak ka hal khawh ko i khulrang in vancungmi ralkap bu hleihnih a run ka thlah khawh ko ti kha na hngal lo maw?

MATTHAI 4:24

Amah thawng cu Siria ram zongah khan a thang dih i zawtnak a phunphun in a zawmi vialte hna le harnak a phunphun a ingmi hna kha amah sinah cun an ratpi hna: khuavang nih a tuahmi hna le mitlu a simi hna le a zengmi hna kha a damter dih hna.

MATTHAI 9:33

A khuachia cu a chuah cangka in mipa cu a holh kho i mi vialte cu an khuaruah a har dih. “Hi bantuk thil hi Israel mi lakah kan hmu bal lo,” an ti.

MARKA 5:14

Vok a cawngtu hna cu an zam i cu thawng cu khua chungah le lo lakah khan an thanh hna. Cu ti thil a ummi zoh awkah cun mi kha an va kal.

MARKA 5:16

Cu thil a hmutu hna nih cun mihrutpa cu zeitindah a dam i vok cungah khan zeidah a tlung ti kha mizapi cu an chimh hna.

MARKA 5:18

Jesuh cu lawng chung i a luh lioah khuavang a rak ngeimipa nih khan, “Na sinah kal ve ko ning,” tiah a nawl.

MARKA 5:4

voi tampi cu a kut le a ke kha an ṭem tawn, sihmanhsehlaw an ṭem fate thir cikcin cu a chah dih hna i a ke hreng an khenhnak thir cu a khiah dih hna. Ahohmanh nih an tei kho lo.

MARKA 5:9

Cucaah Jesuh nih amah cu, “Na min zeidah a si?” tiah a hal. Mipa nih cun, “Tampi kan si caah ka min cu ‘Bupi’ a si,” tiah a ti.

LUKA 10:39

Nau pakhat a ngei i a min cu Mary a si. Mary cu Bawipa ke hram ah cun a ṭhu i a cawnpiaknak kha a ngai.

LUKA 8:27

Jesuh cu titlang a hei lamh ah khin cu ka khua i a ummi mipa pakhat, a chungah khuachia nih an luhhnawh mipa nih khan a rak ton. Caan saupi puan loin a um cang i inn ah um duh loin mithi vuinak lungkua ah khan a um:

KOLOSE 1:13

Zeicahtiah amah nih cun muihnak ṭhawnnak chung khan a kan chuah i a dawtmi a Fapa pennak chungah khan him tein a kan luhpi i

2TIMOTE 1:7

Pathian nih a kan pekmi Thlarau nih cun mi ralchia ah a kan ser lo, ṭhawnnak le dawtnak le mah le mah i uk khawhnak tu khan a kan khahter.

1 SAMUEL 16:4

Bawipa nih nawl a pekmi cu Samuel nih a tuah i Bethlehem khua ah khan a ra. Cu khua upa hna nih amah cu ton awkah khan ther lengmang in an ra i, “Daihnak lei ca i a rami na si maw?” tiah an ti.