MARKA 5:11 - Lai (Hakha) Common Language Bible 2006

¹¹ An pawngah cun vok run nganpi pakhat a um i tlang cungah khan an tlong.

Laibaibal Thiang (BSI)

¹¹ Cuka hrawng tlang pangah vawkrual tampi rawl kawl in an tlong.

MARKA 5:11 Iomraidhean Croise

ISAIAH 65:4

Zan ah thi tlawn ah lungkua kip le thlan kip ah khan an kal. Hi hna nih hin voksa kha an ei i lawkih raithawinak ah an hmanmi sa tihang kha an din.

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

MATTHAI 7:6

“A thiangmi thil cu uico kha va pe hna hlah u — an i let lai i nanmah lehlam kha an in seh hna lai. Nan lungvar cu vok hmaiah va thla hlah u, vok nih cun a lamh in an lamh men ko lai.

MATTHAI 8:30

Cuka in aa hlat lem lomi hmun ah khin vok kha an tlong lulhmalh ko.

MARKA 5:10

Cun thlarau ṭhalo hna cu cu ram chung cun thawl sawh hna hlah, tiah heh tiah Jesuh cu a nawl.

MARKA 5:12

Thlarau nih cun Jesuh cu, “Vok sinah khin kan kalter law an chungah khin kan luhter tuah,” tiah an nawl.

LUKA 8:32

An pawngah cun tlangpang ah khan vok a runpi in an tlong lulhmalh ko. Khuachia nih khan Jesuh cu vok chungah khin kan luhter ko tiah an nawl i a luhter hna.

DEUTERONOMI 14:8

Cun vok, zeicahtiah a tin cu a ṭe nain rawlret a khai lo, cu caah nan caah a thianglo. An sa nan ei lai lo, an ruak zong nan tawng lai lo.