MARKA 4:5 - Lai (Hakha) Common Language Bible 2006

⁵ A cheu cu vawlei tlawmnak lung tamnak hmun ah khan an tla. Vawlei kha a chah lo caah thlaici kha khulrang in a keuh zau.

Laibaibal Thiang (BSI)

⁵ A cheu cu lungpher hmun, lei pannâk hmunah a tla i lei a chah lo caah a keu cawlh;

MARKA 4:5 Iomraidhean Croise

EZEKIEL 11:19

Lungthin dang ka pek hna lai i an chungah thlarau thar ka khumh lai; an pum chungin lung bantukin a hakmi lung an ngeihmi kha ka chuah lai i titsa bantukin a nemmi lung kha ka pek hna lai.

EZEKIEL 36:26

Lungthin thar kan pek hna lai i thlarau thar nan chungah ka khumh lai. Nan pum chungin lung bantukin a hakmi nan lung kha ka lak lai i titsa bantukin a nemmi lung kha kan pek hna lai.

HOSEA 10:12

Annih cu ka thawh hna i, “Nan caah dinnak kha i tuh u law keimah lei i nan ṭannak nih a chuahpimi thluachuahnak kha zun tuah u. Nan dinhtermi vawlei kha ṭuan cang hna u, Zeicahtiah atu cu Bawipa keimah leiah i mer caan a si cang i ka ra lai i thluachuahnak kan pek hna lai,” tiah ka ti.

AMOS 6:12

Rang cu lungpang cungah a tli kho maw? Rili cu cawtum in lei bantukin thuan khawh a si maw? A si kho lo, asinain nannih nih cun biading kha sivai ah nan ser i Dinnak ziaza a man cu a khaami thil ah nan canter.

MATTHAI 13:20

Lung tamnak hmun i a tlami thlaici cu Vancung Pennak kha a theih cangka i lungtho ngaiin a cohlangmi kha an si.

MARKA 4:4

Lo chung i thlaici a vorh ah khan a cheu cu lamhril ah an tla i va nih an char hna.

MARKA 4:6

Sihmanhsehlaw ni a hung chuah i thlaici keuh ka tete cu a hun emh hna tikah an hram kha a thuh lo caah an car zau.

LUKA 8:13

Lung lakah a tlami thlaici cu bia kha a thei i lunglawm ngaiin a cohlang i sihmanhsehlaw an chung i thuk a pil lomi kha an si. Caan tlawmte chung lawng kha an zumh i tukforhnak a rat tikah an tlu ṭhan.

LUKA 8:6

A cheu cu lung lakah an tla, an hung keuh tikah vawlei a hnawn lo caah an car dih.