MARKA 3:3 - Lai (Hakha) Common Language Bible 2006

³ A kut a zengmipa cu Jesuh nih cun a thawh i, “Hmailei ah hin ra chuak tuah,” tiah a ti.

Laibaibal Thiang (BSI)

³ Anih nih kutzeng sinah, “Hmai ah rak chuak,” tiah a ti.

MARKA 3:3 Iomraidhean Croise

ISAIAH 42:4

A lung a dong lai lo, a tha zong a chia lai lo, vawlei cungah dinnak kha a hmunhter lai. Lamhlat pipi i a ummi ram nih a cawnpiaknak kha ngangngan in an hngak ko,” a ti.

DANIEL 6:10

Daniel nih cu nawlbia cu chuah a si cang ti a theih tikah a inn ah a lawi. A inn khaan cung dot ah khan Jerusalem lei hoih in thlalangawng pathum an um. Khika ah khan a tuah tawn phung a si zungzal bantukin a khuk aa bil i ni khat ah voi thum lengmang thla a cam i a Pathian kha a thangṭhat.

MATTHAI 12:10

Cuka ah cun a kut a zengmipa pakhat a rak um. Khika i a ummi hna lakah khan Jesuh cu sualphawt a duhmi an um caah amah cu, “Sabbath ni ah hin mi damter phung a si maw si lo?” tiah an hal.

MARKA 3:2

Jesuh cu zeitindah sual kan phawt khawh lai ti a bawhmi kha an rak um i cu hna nih cun sabbath ni ah hin aho tal a damter hna lai maw ti kha ṭha tein an rak ngiat.

MARKA 3:4

Cun mizapi cu a thawh hna i, “Kan Phung nih sabbath ni ah zeidah tuah a kan onh? Ṭhatnak nan tuah lai, a ti maw ṭhat lonak nan tuah lai, a ti dah?” tiah a ti hna. Sihmanhsehlaw bia kaa khat hmanh an chim lo.

LUKA 6:8

Sihmanhsehlaw Jesuh nih an ruahnak kha a hngalh i a kut a zengmipa cu a thawh i, “Dir law hmaiah hin ra chuak tuah,” tiah a ti. Mipa cu a tho i a dir.

JOHAN 9:4

Chun a si chung cu a ka thlahtu rian kha kan ṭuan zungzal awk a si; ahohmanh nih an ṭuan khawh lo caan, zan caan kha a ra lio.

1 KORIN 15:58

Cucaah ka u le ka nau hna, fek tein dir u law zeihmanh nih in ṭhial kho hna hlah seh. Bawipa rian teimak tein nan ṭuannak ah cun i manh lo ngaiin um zungzal ko u, Bawipa rian nan ṭuanmi cu alak a si bal lo ti kha nan hngalh.

GALATI 6:9

Cucaah ṭhatnak tuah kha baa hlah u sih; kan ngol lo ahcun a theitlai kan zun caan kha a phan ve ko lai.

FILIPI 1:14

Cun thong ka tlaknak nih hin kan unau pawl a tam deuh kha Bawipa an zumhnak ah lungfehnak a pek hna i cucaah an ral a ṭha chinchin i ṭih lo tein Thawngṭha bia kha an chim.

1 PETER 4:1

Khrih zong nih khan a pum in a rak in caah nannih zong nih cu bantuk thinlung le lungput cun nan tha nan i ṭhawnter ve awk a si. Cu bantukin temhinnak a ingmi hna cu sualnak chungah khan an i tel ti lo.