MARKA 3:22 - Lai (Hakha) Common Language Bible 2006

²² Phungbia cawnpiaktu saya cheu khat Jerusalem in a rami hna nih khan, “A chungah Beelzebul aa hrolh, Khuavang ṭhawl khawhnak a petu hi khuachia bawi cu a si,” an ti.

Laibaibal Thiang (BSI)

²² Jerusalem khua in a rami nawlbiacawnpiaktu hna nih, “Belzebul he â pehtlaimi a si. Khuachia bawi a si caah pei khuachia a ṭhawl khawh ko cu,” tiah an rak ti ve.

MARKA 3:22 Iomraidhean Croise

2 SIANGPAHRANG 1:2

Ahaziah cu Samaria khua i a innkhaan cung nung i thing kharvar thlalangawng khan a tla i a kuah ko; cucaah lamkal kha a thlah hna i, “Va kal u law, Ekron khua pathian Baal-zebub kha, hi zawtnak hin ka dam ṭhan lai maw dam ṭhan lo, va hal tuah u,” tiah a chimh hna.

SALM 22:6

Sihmanhsehlaw kei cu minung ka si ti lo, cangcel ka si ko cang; mi vialte nih an ka serhsat i an ka nihsawh.

MATTHAI 10:25

Cucaah siangngakchia caah a saya tluk si cu a za ko i sal caah a bawi tluk si kha a za ko. Innchungkhar i an lu cu Beelzebul ti a si ahcun, innchungkhar mi chinchin cu cu nak min chia deuh in pei auh an si lai cu,” tiah a si.

MATTHAI 11:18

Johan cu a ra i rawl a ul i zu zong a ding lo, asinain a mi kip nih, ‘Khuavang a ngei,’ an ti.

MATTHAI 12:24

Sihmanhsehlaw cu bia cu Farasi mi nih an theih tikah, annih tu nih cun, “Hi pa nih khuachia a ṭhawl khawh hna cu an bawipa Beelzebul nih a bawmh caah a si,” an ti.

MATTHAI 15:1

Farasi mi hna le Phungbia Cawnpiaktu saya pawl kha Jerusalem khua in an ra i Jesuh cu,

MATTHAI 9:34

Sihmanhsehlaw Farasi mi hna nih cun, “Khuachia ṭhawl khawhnak nawl a petu hi khuachia bawi a si,” an ti.

MARKA 7:1

Farasi mi bu khat le Phungbia cawnpiaktu saya tlawmpal Jerusalem in a rami hna nih khan Jesuh cu an va leng.

LUKA 11:15

sihmanhsehlaw a cheu nih an i thawh i, “Khuachia ṭhawl khawhnak ṭhawnnak a petu cu khuachia hna lak i an bawi bik Beelzebul kha a si,” an ti.

LUKA 5:17

Ni khat cu Jesuh nih a cawnpiak hna lioah khan Farasi mi tlawmpal hna le Phungbia cawnpiaktu saya hna, Galilee ram le Judea ram khuazakip in le Jerusalem khua in a rami hna kha a pawngah cun an ṭhu. A zawmi damternak ding caah khan Bawipa ṭhawnnak cu Jesuh sinah khan a um.

JOHAN 10:22

Jerusalem khua i Biakinn Pekchanh Puai timi tuah caan kha a hung phan; cucu khuasik caan ah a si tawn.

JOHAN 7:20

Mizapi nih cun, “Khuachia na ngei i a si ko lai? Aho nih dah thah kan in zalh?” an ti.

JOHAN 8:48

Judah mi nih khan Jesuh cu an leh i, “Nang cu Samaria mi na si i, ‘Na chungah khuachia aa hrolh,’ kan rak in ti kha kan hmaan ngaingai a si lo mei?” an ti.

JOHAN 8:52

Judah mi nih cun an thawh i, “Atu cu khuachia na ngei hrimhrim ti kha fiang tein kan hngalh cang. Abraham cu a thi diam cang, profet hna zong kha an thi cang, asinain naa thawh i, ‘Ka bia a zulmi cu zeitikhmanh ah an thi lai lo,’ na ti.