MARKA 2:26 - Lai (Hakha) Common Language Bible 2006

²⁶ Abiathar tlangbawi a si lioah pei Pathian inn chungah khan a lut i Pathian hunhmi changreu a ei kha. Cu changreu cu tlangbawi dah ti lo nih cun ahohmanh nih ei phung a si ṭung lo. Cun pei, a mi hna hmanh kha a pek ve hna kha,” tiah a ti hna.

Laibaibal Thiang (BSI)

²⁶ Abiathar tlângbawi nganbik a si lioah Pathian inah a luh i tlângbawi hna dah ti lo, midang ca i ei a thiang lomi changreu a ei i a hawi le zong a pêk hna kha?” tiah a ti.

MARKA 2:26 Iomraidhean Croise

2 SAMUEL 15:24

Cun Abiathar kha a hung i, zohhmanh, Zadok zong kha Levi mi vialte he Pathian biakamnak kuang kha i zawn in an ra ve; cun mi kha khua chungin an chuah dih hlantiang Pathian kuang kha vawlei ah khan an chiah ko.

2 SAMUEL 15:29

Cucaah Zadok le Abiathar nih Pathian kuang kha Jerusalem ah an hei kalpi ṭhan i khika ah khan an um.

2 SAMUEL 15:35

Tlangbawi Zadok le Abiathar hna kha khika ah na sinah an um a si lo mei? Cucaah siangpahrang inn ah na theihmi vialte cu tlangbawi Zadok le Abiathar hna kha chim hna.

2 SAMUEL 20:25

Sheva cu caṭialtu a si i Zadok le Abiathar cu tlangbawi an si;

2 SAMUEL 8:17

cun Ahilud fapa Zadok le Abiathar fapa Ahimelek cu tlangbawi an si i Seraiah cu caṭialtu a si;

1 SIANGPAHRANG 1:7

Zeruiah fapa Joab le tlangbawi Abiathar kha a chimh a ruah hna i annih nih Adonijah kha an zulh i an bawmh.

1 SIANGPAHRANG 2:22

Solomon Siangpahrang nih a nu cu a leh i, “A si ah, zeicahdah Shunam mi Abishag cu Adonijah caah na ka hal? Amah caah pennak zong hi halpiak ngat? Zeitintiah amah cu ka u pei a si i amah leiah tlangbawi Abiathar le Zeruiah fapa Joab kha an ṭan cu,” tiah a ti.

1 SIANGPAHRANG 4:4

Jehoiada fapa Benaiah kha ralkapbu haotu a si; Zadok le Abiathar kha tlangbawi an si;

1 CHANRELNAK 24:6

Cun Levi mi Nethanel fapa Shemaiah, caṭialtu, nih khan, siangpahrang le bawi hna le tlangbawi Zadok le Abiathar fapa Ahimelek le tlangbawi hna le Levi mi hna chungkhar hna lu hna hmaika ah khan, cazin ah a khumh hna; Eleazar caah khan innchungkhar pakhat cu thim a si i Ithamar caah khan pakhat thim a si ve.

MATTHAI 12:4

Pathian inn chungah pei a lut i changreu thiang cu a ei kha. Kha changreu kha amah nih siseh, a mi hna zong nih siseh, an ei awk a si ṭung lo. Tlangbawi lawnglawng nih pei an ei phung a si kha.

MARKA 2:25

Jesuh nih cun a leh hna i, “David le a mi hna nih khan, zeihmanh ei awk an ngeih lo i an rawl a ṭam tikah khan, zeidah an tuah, ti kha nan rel bal lo maw?

1 SAMUEL 21:1

Cun David cu Nob khua i tlangbawi Ahimelek sinah khan a ra; cun Ahimelek cu David ton awkah khan ther lengmang in a ra i amah sinah cun, “Zeicahdah nangmah lawng na si, ahohmanh na sinah an i tel lo?” tiah a ti.

1 SAMUEL 23:6

Ahimelek fapa Abiathar nih David sinah, Keilah i a zam tikah khan, tlangbawi angki pakhat he a rung.

1 SAMUEL 23:9

David nih Saul nih ka cungah ṭhat lonak kha tuah awkah khua a khaan ti kha a hngalh; cun tlangbawi Abiathar sinah khan, “Hika ah hin tlangbawi angki kha rak pu tuah,” tiah a ti.