MARKA 2:12 - Lai (Hakha) Common Language Bible 2006

¹² An dihlak in an zoh ko lioah khan mipa cu a tho i a ihphah cu aa lak i khulrang in a kal. An dihlak in khuaruahhar in ar koin an um i Pathian kha an thangṭhat i, “Hi bantuk thil hi zeitikhmanh ah kan hmu bal lo,” tiah an ti.

Laibaibal Thiang (BSI)

¹² Chikkhatteah a tho i a ihphah zualin an dihlak hmuhah a chuak cawlh, an dihlak in mak an ti ngaingai. “Hi bantuk hi kan hmu bal lo!” tiin Pathian an thangṭhat.

MARKA 2:12 Iomraidhean Croise

MATTHAI 12:23

Mizapi cu an khuaruah a har i, “Hi pa hi David fapa a si sual hnga maw?” an ti.

MATTHAI 15:31

A holh kho lomi an holh khawh le a zengmi an dam le kebeimi an kal khawh le mitcawmi nih khua an hmuh ṭhan kha an hmuh hna tikah, mizapi cu an khuaruah a har i Israel Pathian kha an thangṭhat.

MATTHAI 9:33

A khuachia cu a chuah cangka in mipa cu a holh kho i mi vialte cu an khuaruah a har dih. “Hi bantuk thil hi Israel mi lakah kan hmu bal lo,” an ti.

MATTHAI 9:8

Cucu mi nih khan an hmuh tikah an thin a phang i cu bantuk nawlngeihnak cu Pathian nih minung kha a pek hna caah Pathian cu an thangṭhat.

MARKA 1:27

Mizapi cu an khuaruah a har tuk hringhran i, “Mah hihi zeidah a si ee? Cawnpiaknak thar phun khatkhat maw a si? Hi pa nih hin khuavang kha chuak u, a ti hna i an ngaih ko dah ngai” tiah an ti lengmang.

MARKA 2:11

“Tho tuah, na ihphah kha i lak law va ṭin, kan ti,” tiah a ti.

LUKA 13:13

A cungah khan a kut a chuan i cu cangka cun ding tein a dir kho i Pathian kha a thangṭhat.

LUKA 17:15

An lak i pakhat cu ka dam cang ti a hngalh tikah khan a ra kir i Pathian kha fak piin a thangṭhat.

LUKA 5:26

An dihlak in an khuaruah a har ko. Ṭihnak in an khat i Pathian cu an thangṭhat i, “Nihin i kan hmuhmi thil cu khuaruahhar an va si dah!” tiah an ti.

LUKA 7:16

An dihlak in ṭihnak in an khat i Pathian kha an thangṭhat. “Kan lakah profet nganmi a chuak cang i Pathian nih a mi hna khamh awkah a ra cang,” an ti.

JOHAN 7:31

Sihmanhsehlaw mizapi chung i mi tampi nih khan amah cu an zumh i, “Messiah cu a rat tikah hi pa tuahmi nak hin hmelchunhnak tam deuh a tuah hnga maw?” an ti.

JOHAN 9:32

Vawlei hramthawknak in, mitcaw cia in a chuakmi kha, aho tal nih an mit an auter hna ti cu kan theih bal lo cu ta.

LAMKALTU 4:21

Biaceihtu hna nih cun fak chinchin in an hro hna i an thlah hna. Mizapi nih thil a hung ummi kongah khan Pathian cu an thangṭhat lulhmalh caah dantat khawhnak lam kha an hmu kho lo.