MARKA 2:1 - Lai (Hakha) Common Language Bible 2006

¹ Cu hnu ni tlawmpal ah khan Jesuh cu Kapernaum khua ah khan a ra ṭhan i a inn ah a um ti thawng kha a thang.

Laibaibal Thiang (BSI)

¹ Ni zeimawzat hnu ah Kapernaum khua ah a lut i innah a um ko ti kha theih a si.

MARKA 2:1 Iomraidhean Croise

MATTHAI 4:13

Nazareth khua ah khan um loin Kapernaum khua tu ah khan a um; Kapernaum khua cu Zebulun le Naftali phun hna ram chung i a ummi khua, Galilee Rili pawng i a ummi kha a si.

MATTHAI 9:1

Jesuh cu lawng chungah khan a lut i rili cung cun an kir ṭhan i amah a khua kha a phan.

MARKA 1:45

Sihmanhsehlaw mipa nih cun a kalnak paoh ah khan cu kong cu a chimh hna i tam tuk in a chim caah Jesuh cu khua chungah khan langhngan in a lut kho ti lo. Hmunking tu ah khan a um i cuka ah cun a kenkip khan mi nih an rak fuh.

MARKA 2:2

Cucaah mi cu an ra chuak ciammam i a inn chungah cun a lawnnak pakhat hmanh um loin, innka hmai innleng zong khan an khat dih. Jesuh nih cun Pathian bia kha a chimh hna i

MARKA 3:20

Cun Jesuh cu inn ah a tlung. Mi nih khan a zual in an zual ṭhan hoi caah Jesuh le a zultu hna cu rawl einak caan hmanh an ngei lo.

MARKA 7:17

Mizapi kha a kaltak hna i inn chung i a luh tikah khan a zultu nih hi bianabia kong kha an hal.

MARKA 7:24

Cun cuka cun Jesuh cu a chuak i Tair peng ah khan a kal. Inn pakhat chungah a lut i ahohmanh nih ka um hi hngal hna hlah seh ti a duh, sihmanhsehlaw aa thup kho lo.

MARKA 9:28

Cun Jesuh cu inn chungah a luh hnuah a zultu hna nih khan a thli tein, “Zeicahdah kannih nih kha khuachia kha kan ṭhawl khawh lo?” tiah an hal.

LUKA 4:23

Cun anih nih a thawh hna i, “ ‘Sibawipa, nangmah le nangmah i damter,’ timi phungthlukbia kha nan ka chimhnawh te lai, tiah fiang tein ka hngalh ko. Cun nan i thawh fawn lai i, ‘Kapernaum khua ah na tuah tiah kan theihmi thil cu na chuahkehnak khua zongah hin tuah ve hna,’ ti zongah nan ka ti fawn lai.

LUKA 5:18

Mi tlawmpal nih khin a zengmipa pakhat kha a ihkhun in an hun zawnh i an ra. Inn chungah khan vun luhpi i Jesuh hmaika i vun chiah kha an i tim.

JOHAN 4:47

Jesuh cu Judea ram in Galilee ram ah a ra ti kha a theih tikah a sinah cun a va kal i, “Kapernaum khua ah va kal u si law khika ah a thi dengmangmi ka fapa cu ka damhpiak tuah,” tiah a nawl.

LAMKALTU 2:6

Cu thawng cu an theih tikah mi tampi an i pum. A zummi hna an holh tikah khan midang aa pum vemi hna nih khan kanmah holh in an holh, tiin an rak theih cio tikah khan an khuaruah a har ngaingai.