MARKA 13:9 - Lai (Hakha) Common Language Bible 2006

⁹ “Nannih cu i ralring u. Zeicahtiah mi nih an in tlaih hna lai i zung ah an in chuahpi hna lai, pumhnak inn ah khan an in tuk hna lai i an in den hna lai, uktu bawi le siangpahrang hna hmaiah, annih cu Thawngṭha chimh awk le keimah ruangah an in chuahpi hna lai.

Laibaibal Thiang (BSI)

⁹ I ralring u, biaceihnâk ah an in chuahpi hna lai, Sinagog ah an in velh hna lai, ka bia hngalhter awkah, hruaitu le uktu hna hmai ah keimah ruangah chuahpi nan si te lai.

MARKA 13:9 Iomraidhean Croise

MATTHAI 5:22

Asinain kei nih cun, ‘A u a nau cung i a thin a hungmi paoh cu biaceihtu hmaiah chuahpi nan si lai i a u siseh, a nau siseh, “Zei rua ram lo,” a timi paoh cu biaceihtu bu sinah chuahpi nan si lai; cun ahohmanh, a u siseh, a nau siseh, “Mihrut” a timi paoh cu hell mei chung i tlak awkah aa tlakmi nan si lai,’ kan ti hna.

MARKA 1:44

“Ngai hmanh, hi kong hi ahohmanh va chim hna hlah. Tlangbawi sin tu ah khan ding teomao in va kal law rak in zoh seh. Cun mi nih a thiang cang ti kha an in hngalh nakhnga, Moses nih tuah awk a timi raithawinak kha va tuah,” tiah a ti i a kalter.

MARKA 13:5

Jesuh nih cun a cawnpiak hna i, “I ralring u. Ahohmanh i hlenter hna hlah u.

MARKA 13:8

Ram khat le ram khat an i do lai, peng khat le peng khat an i tu lai. A kenkip ah lihnin a um lai i mangṭam a tlung lai. Hi thil hna hi nau nganfah hramthawk bantuk khi an si.

MARKA 6:11

Cun tluninn an in dawnh hna i nan bia an ngaih duh lo ahcun, cuka hmun cu nan kebeh va khawnhnawhtak u law va chuahtak u. Cucu an caah ralrin peknak a si lai,” a ti.

LUKA 9:5

tluninn an in onh duh hna lonak khua paoh cu, nannih nih va kaltak ko u law annih kha ralrinnak peknak caah nan ke beh leidip kha va khawnhnawh hna u,” tiah a ti.

JOHAN 15:20

‘Sal cu a bawipa nakin a ngan deuh bal lo,’ tiah kan chimhmi hna kha philh hlah u. Keimah kha an ka hrem ahcun nannih zong an in hrem ve ko hna lai; ka bia kha an ngaih ahcun nan bia zong kha an ngaih ve lai.

JOHAN 16:2

An pumhnak inn in an in ṭhawl hna lai. Cun nanmah thah hi Pathian rian ṭuan a si tiah mi nih an ruah caan a phan lai.

LAMKALTU 21:11

Kan sinah cun a ra i Paul taisawm kha aa lak i a kut le a ke kha taisawm cun aa tem i, “Hihi Thiang Thlarau chimmi a si: Hi taisawm a ngeitupa hi hi bantukin Jerusalem khua ah Judah mi nih an ṭem lai i Jentail mi hna kut ah an chanh lai,” tiah a ti.

LAMKALTU 7:54

Steven bia kha khawngsil pawl nih cun an theih tikah a henh in a henh hna i an hacang lawng kha an rial ko.

LAMKALTU 9:16

Cun keimah hrimhrim nih keimah ruangah a in lai dingmi thil vialte kha ka hmuhsak lai,” tiah a ti.

FILIPI 1:29

Khrih ca rianṭuan thiah nan si tikah, a zumh lei lawng hi si loin a ca i temhinnak hmuh ding zong hi a si chih.

2 THESALON 1:5

Hi nih hin Pathian biakhiahnak a dinning cu a langhter. Sifahnak nan in hnawhchanmi Pathian Pennak he khan aa tlakmi an siter hna lai.

2 JOHAN 1:8

Cucaah nan ṭuan lengmang hnawhchanmi kha nan sungh sual nakhnga lo le nan laksawng kha tling tein nan hmuh nakhnga, ralring tein um ko u.

BIAPHUAN 1:9

Kei cu nan unau Johan kha ka si. Jesuh ah kan i pehtlaihnak thawngin hremnak nan innak ah ka ing ve, nan umnak a Pennak chungah khan ka um ve i temhinnak nan inmi kha ka ing ve. Pathian bia ka chim ca le Jesuh nih a phuanmi biatak ka phuan ruangah, Patmos tikulh ah khan an ka chiah.

BIAPHUAN 2:10

Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.

BIAPHUAN 2:13

Na umnak hmun kha ka hngalh; Satan nih a bawiṭhutdan a chiahnak hmun a si kha ka hngalh. Ka cungah zumhawktlak in na um i keimah ca i zumhawktlak a simi tehte Antipas kha Satan umnak hmun i an thah ah khan, na zumhnak cu na ṭhial tak hlei lo.